မေတ္တာတရားနဲ့ သာသနာ့စစ်သည်။ ငြိမ်းချမ်းလမ်းလျှောက် ပြည့်အာဇာနည်။

အရှေ့ ဆီကရောင်နီတန်း
ရစ်သမ်းမိုးသောက်၊ နေ့ သစ်ရောက်ပြီ။
ဇန်န၀ါရီ (၄)ရက်၊ လွန်ခဲ့တဲ့ နှစ် ၆၀ က
ဒီလို မနက်ခင်း၊
အလံတိုင်ပေါ်က ယူနီယံဂျက်အလံ
အောက်သို့ အဆင်း၊ ပျော်ရွှင်ခြင်းနဲ့ 
ဘုန်းဘုန်းရဲ့ အဖိုး၊ လက်ဖမောင်းခတ်
" ဒို့ တွေ ဗမာ လွတ်လပ်၊ ဥဒါန်းသစ်တစ်ရပ် " တဲ့ ။

နောက် (၁၉၆၂) နှစ်၊
ဘုန်းဘုန်းခမည်းတော်ရဲ့ ခေတ်။
စစ်တပ်သေနတ်ဆွဲ..နန်းရင်ပြင်ထဲ.
သွေးစွန်းတဲ့ ပလ္လင်..နေ၀င်းကရှင်ဘုရင်။

၁၉၈၈။.ဘုန်းဘုန်း ၈နှစ်သား..
အရေးအခင်းဖြစ်ပွါး၊ သေလိုက်ကြတဲ့လူတွေ
အချစ်ဆုံးသော၊ အကိုကြီးတစ်ယောက်
ခြေရာပျောက်။ ရေလည်းနောက်.
အမေ သောကရောက်လို့  နေစဉ်ငို။

တယောက်ထည်းကျန်တဲ့သား၊
မသေအောင်တဲ့ ၊ ပေးခဲ့တဲ့ သာသနာ့အမွေ။
ပထမကျော် ငယ်.လတ်. ကြီး၊
တဆင့်ပြီး တဆင့်
ပညာရည်မြင့် တဲ့သား
သာသနာ့ ကျောင်းသားမို့ 
အမေ့ အမွေရခဲ့ရ။
လယ်တွေရောင်း။ နွားတွေရောင်း။
ရှိသမျှ စုဆောင်းထားသမျှ
အိုစာမင်းစာတောင် မချန်။
သားတော်မောင်၊
သီရီလင်္ကာ.ပညာသင်စေရန်။

သေမဲ့နှစ်မှ စစ်ထဲလိုက်။
၂၀၀ရ။ ကံဆေါင်တဲ့ အခိုက်။
သံဃာထု ဖက်လိုက်။
သားလည်း ကံဆောင်ထိုက်တယ်အမေ။

စစ်သည်အဖေရဲ့၊ လက်နက်ကိုင်စစ်သား
ကံဆောင်စာရင်းမှာ ပါတာမို့ 
အားနာရွှေရင်ဆို့ သော်လည်း အမေ
ဒီတကာမ အလှု၊
သားလက်မခံမယူနိုင်တော့။
ဘာငွေမှဆက်လက် မထောက်ပန့် ပါရန်။
သားတော်မောင် မေတ္တာရပ်ခံ။

ရဟန်းအမ စစ်သည်ရဲ့ မယား။
မယ်တော် သားကိုခွင့်လွှတ်ပါ။
တာဝန်မကျေတဲ့ သားဆိုး.
သာသနာ့ ၀ိနည်းကို ရိုကျိုးတဲ့
သားမောင်ဘုန်းဘုန်း။
မယ်တော်မုန်း တော်မမူပါနဲ့ 

၂၀၀၈။ လွတ်လပ်ရေးနေ့ 
မနက်ခင်း နေရောင်ခြည်ဆမ်းချိန်
ငြိမ်းချမ်းရေး။ မေတ္တာ၏ဘက်တော်သားများ
ပရိက္ခရာ ရှစ်ပါး၊ သပိတ်အားလွယ်။
မုန်တိုင်းမည်းမည်း။ လေပြင်းကဲကဲ။
နေပူကြဲကြဲ။ မိုးသည်းသည်း။
မလဲမယိုင်။ ဇွဲခိုင်ခိုင်
(ရ၀) မိုင် ဆန္ဒုပြခရီးကြမ်း။ မမောတမ်းခရီးနှင်။
သံဃာဂုဏ်ဆောင်၊
သားမောင် အာဇာနည်အရှင်။
မယ်တော် သာဓုခေါ်စေချင်

မသဒ္ဓါ (၁။၉။၂၀၀ရ) သီရိလင်္ကာမှ ကိုယ်တော်များသို့  ကိုယ်နုတ်နှလုံးပါး ဖြင့် ရိုသေမြတ်နိုး ရှိခိုး ပူဇော်ပါ၏ ဘုရား။