နိုင်သူသာ ပန်းဦးနမ်း..အသက်လုပွဲမှာ ပန်းမပေးစတမ်း

ပျော့ပြောင်းပါတယ် ဆိုတဲ့
ရော်ဘာကြိုးတောင် ဆန့် ပါများရင်
ကျုံ့ နိုင်အားမဲ့ ရှည်ထွက်။

မာကြောပါတယ်ဆိုတဲ့
သတ္တုတွေ ညောင်း (Metal fatigue) တဲ့အခါ
ခိုင်ခံမှုမဲ့  တစစီ ကြွေပျက်

သစ်ပင်တောင် နှဲ့ ပါများရင်
မြေကြီးက အမြစ်ကျွတ် ပြိုလဲ။

ကျောက်အချင်းချင်း ပွတ်တိုက်မှ
မီးမွှေးရတာ မဟုတ်ဖူး
သစ်ကိုင်းစိုများ ပွတ်တိုက်ပါများရင်
မီးဖွားကျ တောမီးလောင်တယ်။

သည်းခံနိုင်တဲ့ ခန္တီစဟာ
ကုန်ဆုံးတဲ့အခါ ဒေါသအဖြစ်ပေါက်ကွဲ။

ဒီပုံပြင်မှာ..အမှားကို စတာ
ဘယ်သူလည်း။
လူစည်း ဘီလူးစည်း
စည်းခိုးနေသူ ဘယ်သူလည်း။
တပြည်လုံးပိုင်တဲ့ သယံဇာတများ
မောင်ပိုင်စီးရက်သူ ဘယ်သူလည်း။




မှတ်မိကြမလား…
၈၈၈၈ အရေးအခင်းမှာ လူမမည်ကျောင်းသားက
လက်နက်ကိုင် စစ်သားကို ခြေဖက်တောင်းပန်ဖူးခဲ့
ကျနော်တို့ တွေ ကို မပစ်ပါနဲ့ .တဲ့.
ဒါပေမဲ့
အဲဒီကျောင်းသားလေး သေနတ်မှန်သေသွားခဲ့ပြီ။


၂၀၀၇ ရွှေဝါရောင် အရေးအခင်းမှာ
သတ္တုဒိုင်း တကားကားနဲ့  လုံထိမ်းစစ်သားတွေကို
ဘုန်းကြီးများက ထိုင်ကန်တော့တဲ့ဓါတ်ပုံကို
သင်မေ့ပြီလား။
ဒါပေမဲ့ ဒီဘုန်းကြီးတွေ ထောင်ကျ ပျံလွန်ခဲ့ကြပြီ။

ကိုအောင်ဝေးကပြောတယ်။
ရန်ငါ မပြတ်လို့ သံဃာ အသတ်ခံရတာ..
သွေးကြွေးမှာ ဆွေးနွေးစရာမရှိ တဲ့

မှန်လိုက်လေ ဒီစကား..
စစ်အေးဘဲဖြစ်ဖြစ်
စစ်နွေးဘဲဖြစ်ဖြစ်
ဒို့ တွေ စစ်ဖြစ်နေတယ်။
မမေ့ကြနဲ့ 
ဒါ သွေးကြွေး..ဒါ ရာဇ၀င်ကြွေး
သွေးကြွေးဆိုတာ ငွေနဲ့ ဆပ်မရ
သွေးနဲ့ဘဲ ပြန်ဆပ်ရတယ်။

အသက်လုပွဲ..ဘ၀လုပွဲ
တိုင်းပြည်လုပွဲ..
မတရားတဲ့ ဒါးပြ..နှိပ်စက်တဲ့အစိုးရ
နောက်ဆုံးသွေးတစက် ကျန်သည်အထိချ..
ဒို့ သားမြေးတွေ အနာဂတ်လှစေချင်။

မသဒ္ဓါ (၃၊ ၃၊၂၀၁၁)

အပြည့်အစုံသို့ 

အကျဉ်းချုံး

အစ၏ အဆုံး (သို့ မဟုတ် ) အာဏာရှင်၏ နိဂုံး…

ဖိနှိပ်ခြင်းဟာ
တင်းနေတဲ့ ရာဘာဘူဘောင်း တစ်လုံးလိုပေါ့။
နောက်ဆုံး မခံနိုင်တဲ့အခါ ပေါက်ကွဲ။

ကြောက်ရွံ့ ခြင်းဟာ
အတိုင်းအတာတစ်ခု အထိပါဘဲ။
နာကျည်းကြေကွဲလာခဲ့ရင် တွန်းကန်မြဲ။

ဖိနှိပ်ခြင်းမှ ကင်းဝေးရာ
လိုတဲ့အရာက သတ္တိဘဲ။
သတ္တိ..ရှိတယ်
အပြောလွယ်တယ်။
သဘောလွယ်ရင်တော့ ငုံခံစတမ်းဘဲ။

ကြောက်ရွံ့ ခြင်းမှ ကင်းဝေးရာ
ပြန်လှန် ရုန်းကန် တတ်ဖို့ တော့လိုမယ်။
အင်အားဟာ မိမိ သွေးထဲမှာဘဲ ရှိတယ်။

ကျောက်ဆောင်တွေ ဘယ်လိုတည်မြဲ
ရေ နေ လေ ဥတု တိုက်စား
နောက်ဆုံးဖြစ်ခဲ့ရတာ မြေဆီလွှာ။

အစရှိရင် အဆုံးရှိတယ်။
မကောင်းမှုဆိုသောအရာ တန်ပြန်သံသရာ
အာဏာရေပွက်..ပွက်တုန်းခဏတာ။

ဤမြေ၏ကမ္ဘာ…
ချစ်ခြင်းက တည်မြဲခိုင်မာ
မုန်းတီးခြင်းဟာ ဖန်တီးမဲ့ ကံကြမ္မာ
လူဘောင်သမိုင်းတလျှောက်
အစွန်းရောက် အာဏာရှင်ဆိုတာ
တရှိန်ထိုးထတောက်တဲ့ မီးတစ်တောက်
လောင်စာကုန်ရင် ခမ်းခြောက်စမြဲ

ဟစ်တလာ မူဆိုလိုနီ
စတာလင် ချောင်စက်စကူ
ရှား ခုံမေနီ ဆာဒန်ဟူစိန်..
မားကို့  မူဘာရက်
ဘန်အာလီနဲ့ ကဒါဖီ
ကျတဲ့အခါကျ..တရှိန်ထိုး..
သမိုင်းမှာ ကဗျည်းထိုးခဲ့တဲ့ ဒီ ပုံပြင်
ပြည်သူ သာ ညီပေစေ
အာဏာရှင်၏လားရာဟာ အောင်ဖေ။

ထိုင်နေရင် တသက်
ထကြွရင် တစ်ချက်
အချိန်ကောင်းဟာ နှစ်ခါလာရိုးထုံးစံမရှိ။
ကြောက်ရင် သင့်ဘ၀ ကျွန်မျိုး ခုနှစ်ဆက်
မကြောက်ရင် သခင်မျိုးဆက်
မြန်မာသွေးစက်နီတာပြဖို့ လိုပြီ။
အာဏာရှင် အစိုးရ ဘာကြောင့်မို့ 
ငါတို့  ဒူးထောက်ကြရမည်။

မသဒ္ဓါ (၃၊၁၊၂၀၁၁)

အပြည့်အစုံသို့ 

အကျဉ်းချုံး