Tuesday, May 24, 2016

အလွဲများ နှင့် ပျော်မွေ့ ခြင်း.

ငယ်ငယ်က သမီးကြီးရင်
ဖြစ်ချင်တာ ဆရာဝန်
တကယ် ဖြစ်လာတာ စိုက်ပျိုးရေးပညာရှင်
တကယ်လို့ များ
ငါ ဆရာဝန်ဖြစ်ရင် ပျော်မှာလားတွေးကြည့်
ရွံ ရှာတတ်တဲ့ နှလုံး သွေးစိမ်းရှင်ရှင် မကြည့်ဝံ့
အသီးအပွင့် မြင်တာပျော်တတ်သောသူ
လွဲခဲ့သော ကောင်းခြင်းကို ကျေနပ်သူ

ငယ်ငယ်ကတွေ့ တဲ့ရည်းစား
အို သူမှာ သူဘဲပေါ့။
စစ်ဝတ်စုံနဲ့ တင့်တယ်သူ
ဗိုလ်မှူး မောင်ဘယ်သူပေါ့
ကံကြမ္မာလွဲ အသည်းကွဲခဲ့
အသက် ၃၀ သူ ကျဆုံး
ကိုယ်မုဆိုးမ ဇာတာလုံးလုံးမပါ။
လွဲခဲ့သော ကောင်းခြင်းကို ပျော်ရွှင် ပါတယ်။

ကျောင်းပြီး အလုပ်ဝင်
သူငယ်ချင်းတွေနဲ့ကွဲ တဌာနစီပေါ့
ကြေကွဲ ဝေဒနာဖော်တကွဲ
အများနဲ့ ကွဲပေမဲ့ လူနည်းတိုးတက်ရာဌာန
ရာထူးခဏခဏတက် နိူင်ငံခြားသွား
ဒါလည်းလေ ကောင်းသော လွဲခြင်းများ။

အစိုးရလခစား ရဲ့ အလုပ်
ကြိုးကုပ်ရည်သန် လခတော့လစဉ်မှန်ရဲ့
ကျောင်းနေဘက်တွေထဲက ပြေလည်သူ
စားသောက်သုံးဖြုန်းနိုင်
ကြွားနိုင်အထင်ကြီးလောက်သူ
စားချင်တာစား ၀ါးချင်တာဝါး။
ဗိုက်ကား ဦးနှောက်ကြောပြတ်
ကျော်သူ့ ထံ စရံသပ်သူ
ဒီလူတွေထက်စာ ကိုယ်သွေးကြောဟာ အဆီမပါ
ကောင်းသော ဆင်းရဲခြင်း ကိုယ့်အပါးမှာ

ကားတ၀ီဝီ စီးသူများကြား
ကိုယ်ပိုင်တဲ့ ခြေထောက် နှစ်ချောင်း
နေထိုင်သွားလာခြင်းနေ့ တဓူဝ
ကျန်းမာ ကြံ့ခိုင် တောင့်တင်း၊
ခန္ဓာ လှပ ကျော့ရှင်း
ဤသည် ကားမပိုင်သော လွဲခြင်း။

ငွေကြေး သုံးမကုန် ကိုယ်မပိုင်ပါဖူး
ပျော်ရွှင်တဲ့ မိသားစု ကိုယ်ပိုင်တယ်။
အိမ်ကြီးတိုက်တာ ရေကူးကန် ကိုယ်မပိုင်ခဲ့ဖူး
ကိုယ်ခေါင်းပေါ် အမိုးတစ်ခုတော့ ရှိတယ်။
ဆီဦးထောပတ် ကိုယ် မစားနိုင်ဖူး
အချိန်တန် စားပွဲပေါ် စားစရာတစ်ခုခုတော့ ရှိတယ်။
အာဏာ ငွေကြေးကျော်ကြားတဲ့ ခင်ပွန်းလင် မရှိပါဖူး။
ပြိုင်လုရမဲ့  တခြားမယားငယ် မိန်းမသနာလည်း မရှိခဲ့ပါဖူး။
ရှိတဲ့ သားသမီးက နိုင်ငံခြားဘွဲ့ လွန် ဘာညာမရခဲ့ပါဖူး။
အမေဖျားရင်တော့ ပြုစုတတ်တဲ့ ကြင်နာ မှုရှိပါတယ်။

ဘ၀ဟာ အကောင်းဆုံးတော့ မဟုတ်ပါဖူး
အကောင်းဆုံးနဲ့ လွဲတယ်ထင်ရပေမဲ့
အဆိုးဆုံးတွေ နဲ့ လည်း လွဲနေတဲ့ ဘ၀
အခြေတကျ အေးဆေးတည်ညိမ်
ဒီလိုနဲ့  ဘဲ ဇာတ်သိမ်းချင်တယ်။
ဘုရားပေးတဲ့ ကောင်းသော အလွဲတွေနဲ့ ဘဲ
ကိုယ်ပျော်ချင်သေးတယ်။

မသဒ္ဓါ (၅။၂၃။၂၀၁၆)


အပြည့်အစုံသို့ 

Monday, May 16, 2016

လွတ်တဲ့ ငါးက ကြီးစရာမလို၊


အတိတ်ရဲ့ ဆောင်းခဲ့တဲ့ ရွှေထီး
ညည်းညူ တမ်းတ ဂုဏ်ယူမနေကြနဲ့ 
အခု မိုးရွာစဉ် ထီးလုပ်
ထန်းပလပ်စုတ်ကသာ သင့် ပိုင်ဆိုင်ရာ။

လွတ်တဲ့ ငါးတွေ ကြီးမနေနဲ့ 
ပိုက်ကွန်တဲ့က ငါးသေးကလေးသာ
သင့် အတွက် ဒီညစာ။

ဆူဖြိုးတဲ့ ခြုံထဲ က ကြက်
သင့်မိမယ် မမိမယ် မသေချာ
သင့် လက်ထဲက ကြက်ကိုသာ ချက်စားပါ။

အတ္တ နဲ့ မာန။
ငါဘာကောင်ကွ၊ မင်းဘာကောင်ကွ
ငါ သည် ဆရာ ၊ သူသည် တပည့်
အချင်းချင်း ကပ်ဖဲ့
ပုပ်အဲ့အဲ့ လူသေကောင်တွေကို ဆေးဆိုး
ကြွားမျိုးတစ်ထောင်၊ လက်မထောင်ခဲ့

အော်
လူဆိုတာ လူဘဲ ဖြစ်ပေမဲ့
မသေချာတဲ့ ၊ မရေရာ တဲ့အရာ
လေကုန်ခံ အကျိုးမရှိ
စိတ်ကူးတွေ မယဉ်စေချင်ပါဖူး။
မိမိ လက်ထဲကအရာသာ မိမိပိုင်ဆိုင်မြဲ
ရဲရဲ ဘဲ အမှန်တရားသို့  ရင်ဆိုင်။
သင့် အနာဂတ်ကို သင်ပိုင်ပြီပေါ့။

မသဒ္ဓါ (5/15/2016)

အပြည့်အစုံသို့ 

နှင်းဆီ နှင့် သူ၏ဆူးများ




ပွင့်ဖတ်နုနယ်၊ အသွေးကြွယ်၍
အဆင်းပြည့်စုံ၊ ဖူးပွင့်ငုံသည်
ချူ လက်ကို မှန်း နေခြည်လန်း၏။

သို့ ပါသော်ညား
ပန်းစားတစ္ထေ
ပန်းချွေမုဆိုး ရန်စွယ်ညိုးမှ
ရန်ကာဆီး လျှက် ဆူး ဖက်ထားသည်။
ထိုက်သင့်သူရာ ချူ ရာတည်း။

မသဒ္ဓါ (5/15/2016)

အပြည့်အစုံသို့ 

မနက်ဖြန်သို့  ပြင်ဆင်ခြင်း။


မနက်ခင်း နေခြည်စ
ပြုတင်းတံခါးဝ
ဖွင့်လှစ်တဲ့အခါ
ဆွတ်ပျံ့ လာတဲ့ လေညှင်း
လှပသော နေ့့သစ်၏ အဆင်း။

ပန်းလေးတွေ စို
ဌက်ကလေးတွေ တေးဆို
နေခြည်တွေ လင်းလက်
ဤ လှပသော နေ့ ရက်၊

မနေ့ ကို ချန်ရစ်ခဲ့
ပစ္စု ပ္ပန်ရဲ့ ရက်တွေ
မနက်ဖြန် နေ့ သစ်အတွက်
ဒီနေ့ ကို အသက်ဆက်ရမယ်။

မြစ်တစင်း၏ ရေ
မနေ့ က စီးရေနဲ့ 
ဒီနေ့ စီးသော ရေမတူဘူး

အတိတ်ဆိုးဆိုတာ
တခါတခါ..ခြောက်လှန့် ရုံအိမ်မက်ဘဲ။

ဒီမနက်ခင်း နိုးအထမှာ
နှင်းကြွင်းလို ပျောက်ရှ
ရေငွေ့ လို မိုးပျံခ

ယုံကြည်ပါ။
ဒီနေ့ အတွက် ရဲ့ မင်းခြေလှမ်း
ဒါ..မနက်ဖြန်အတွက် ပန်းခင်းလမ်း။

မသဒ္ဓါ (5/15/2016)

အပြည့်အစုံသို့ 

Saturday, May 14, 2016

အိမ်ပြေး
















ပိတ်ထားတဲ့ ခြံဝန်း တံတိုင်းကြား
လုံခြုံတဲ့ စည်းရိုးသားတဲ့ အိမ်
ဒါက သူ့ နေတဲ့ ဂေဟာ
နေချင်သလို နေပါ။

မြက်ခင်းစိမ်း တွေပေါ်ဆော့
ကစားစရာအရုပ် ကိုက်စရာ အမဲရိုး
အ်ိပ်စရာ အိမွေ့ ယာ
အစာရေစာ အ၀စားပေါ့
အစစ အရာရာလုံခြုံ ဘ၀ကပြည့်စုံပေမဲ့
ခြံအပြင် ကို ကြည့်
လွတ်လပ်ချင်သည့် အရသာ
ထွက်ပြေး အပျော်ရှာချင် သူ။

ခြံဝန်းတံခါးက ခွေးတိုးပေါက်
အပြင်ရောက်ချင်ရှာသော ခွေး
ဆူးတွေ နာလည်း မကြောက်
အရေပြားပေါက်လည်း မကြောက်
ငါအပြင်ရောက်ဖို့ ဘဲအရေးကြီးတယ်။
လွတ်လပ်မယ်ဆို ဒါ ပျော်စရာ


အပြင်လောက တယ်ပျော်စရာပါ့
လမ်းမပေါ် လျှောက်ပြေး
ဟိုငေး ဒီငေး၊ ပျော်ရေး လည်လည်
အချိန်တန် တွေ့ တာ အစုံစား
လမ်းပေါ်က ထမင်းကျန်ထုတ်
သောက်စရာ ဈေးတန်း ကရေပုပ်
အမှိုက် ပုံတကာဖွ နတ်သုဒ္ဓါတမျှ
အပြင်လောက ကအောချရတယ်။

ရမယ် လည်သူက စားစတမ်း
အင်အားရှိ မှ အနိုင်ရ
ကိုက်နိုင်မှ အသာရ၊ ဖြတ်နိုင်မှ အစာရ
လုသူမှ အစာဝ။ နု သူများ ဘေးဖယ်ကြ
စားတဲ့ အခါစားရ၊ မစားတဲ့အခါ မစားရ
အိမ်လိုတော့ အစာ အချိန်မမှန်ဖူး။
ဒါပေမဲ့
အိမ်မှာ မစားရသော လူ့ မစင် အနံ့ ထူး
ငါ မြီးဖူးတယ် ငါကြိုက်တယ်။

လွတ်လပ်သော ဘ၀
လမ်းတကာပေါ်က ခွေးမတွေ
လှလှ မလှလှ အတွေ့ နဲ့  ကာမ
လမ်းခွေးများစွာ နဲ့  မာန်ဖီ
ဟိန်းတတ် ဟောက်တတ်သည်။
ကိုက်တတ်ဖြတ်တတ်လာပြီ်။

အချိန်ကညောင်း ဘ၀ပြောင်း
ဇရာလည်း ညောင်း
နားရွက်လည်း ပြတ်၊ မျက်လုံး လပ်
မျက်နှာတွေ ပဲ့၊ သွားတွေ နဲ့ 
နံရိုးတွေ ယဲ့ယဲ့ ခြေလက် ဒဏ်ရာ နဲ့ 
အရေပြား ၀ဲစား၊ ပေါ လိုက်ပါတဲ့ သန်းများ
လှသော အိမ်မွေးခွေးဘ၀
အတိတ်ဘ၀မှာဘဲ ကျန်ခဲ့သူ၊

တနေ့ မှာ အစာမရှိ
အိပ်၍နေသည့် ဈေးအမှိုက်ပုံ
ဝမ်းဗိုက် ဟောင်းလောင်း
ပိုင်ရှင်ဟောင်း နဲ့  ပြန်ဆုံတယ်။
ဖြစ်ပလေ သားရယ်၊
အမေ့ အိမ်ပြန်လိုက်ခဲ့
မကျန်းမာတာ ဆေးကု၊ အမေပြုစုပါ့မယ်။
ဒီလိုနဲ့  ပြန်ရောက်ခဲ့တဲ့ အိမ်
အစာရေစာ မပူရ မူလ ဘ၀ပေါ့။

ဒါပေမဲ့ သတိတရ
လွမ်းမိတာ အပြင်ဘ၀
ပြည့်စုံသော်လည်း အိမ်ပြေးခွေး
အတွင်းမှာ နေရေး မလွယ်
နောက်တခါ ပြန်ထွက်ပြေး
လမ်းပေါ်သာပျော်မယ်။
အမေရယ် ကျနော့ကို လိုက်မရှာနဲ့ ။

တနေ့ သောအခါ
လမ်းဘေး ကားတိုက်ခံရတဲ့ ခွေး
ကြေမွ အတိ၊ ဘယ်သူမှ ပြေးမကြည့်။
အမေ ကတော့ သိတယ်။

အော် လမ်းဘေးမှာ အပျော်ရှာ
အမေ့အိမ် မပျော်သော ခွေးမိုက်
လမ်းပေါ်မှာဘဲ ဇာတ်သိမ်းလိုက်တယ်။

ဗီဇ နဲ့  ၀ါသနာ တိရိစ္ဆာန်တောင် မနေသာဖူး
အိမ်မွေးခွေး နဲ့ အိမ်ပြေးခွေး နှစ်ဘ၀
ချစ်သော အောင်နက် ၏ ရာဇ၀င်။
မသဒ္ဓါ (၅။၁၄။၂၀၁၆)..

အပြည့်အစုံသို့ 

Saturday, April 9, 2016

မဲမဲ မြင်ရာ သပိတ်မမှောက်ကြ နဲ့ 


ကျေးဇူး ရှိမှသာ ကျေးစွပ်
ဒီ စကား မှ တကယ်မှန်ပြီ။
တော်လှန်ရေးသမားလေးများ ငချွတ်။


မပြီးခင် ဗမာ မမြင်စေနဲ့ 
အော် ကျယ်ကျယ်
သပိတ် တလုံး၊  မင်းနံမည် မရှုံးစေနဲ့ 

အခုမှ ထောင်က ထွက်
မမြင်ရသေးသော အပြင်လောကကို 
သိအောင် အရင်စာကျက်
တိုက်မအောင်တဲ့ တော်လှန်ရေး အဆက်ဆက်
၈၈၈၈ က စ မနေ့ အထိ ရက်ဆက်
အသက်တွေ သေ၊  ကုန်လိုက်တဲ့ လေ။
တွေ မြင်နေရာတိုင်း၊  ပါးစပ်ဆိုင်  လေသေနတ်ပစ်
လက်ရုံးရည်နဲ့ မဖြစ်နိုင်၊ နှလုံးရည်နဲ့  ပြိုင်ကြအံ့။

တောတောင်ပြုန်း၊ မြေဂတုံး
သယံဇာတကာ၊ ဆို့ ပိတ်ခံရတော့မဲ့ မြစ်ကျော
အကြွေးတင် အပေါင်ဆုံးတော့ မဲ့  
ရွှေ့ ပြည်ကို ကယ်တင်စရာ
သူမ တစ်ယောက်ဘဲ အားထားရာ။

ကောက်ပင်ရိပ်လှီး..စကား
ဥပဒေကြားက ဂယ်ပေါက်များ
နိုင်ဖို့ နည်းပေါင်းစုံ က သူမ ဘဲ သိတာ။
မတန်မရာ၊ မတိုင်းသင့်တဲ့ မင်း ခြေရာ

ငါသိပ်တော်ပြီ ခေါင်းမထောင်နဲ့ 
ငါသိပ်စွမ်းသည် တက်မထောင်နဲ့ 
သပိတ်မှောက်ကျောင်းသား
သခင်ပေါက်စ ထောင်ခြောက်လ စာရင်းထဲ
ဘယ်မလဲ။ အောင်ဆန်း၏  ဒီ နံမည်
ခေါင်းဆောင်ကောင်းပီသချင်၊ လွတ်အောင်ပြေး
သူများ ကို ကယ်ချင်
ကိုယ် အန္တရာယ် မကျ ရကြေး
ညံ့ပါ လို့ သာ၊  အဖမ်း ခံရ..
လွတ်သူ က ပို မတော်ပေဖူးလား ဟရို့

မင်းစဉ်းစားပါ သပိတ်မှောက်ကျောင်းသားတို့ 
ကဲ အောင်ဆန်း၏ သွေး
အခု ဒို့ အရပ်သား အစိုးရ ရာဇ၀င်ရေး
ကလေးတွေ  ငါးမူးတန်းက အော်မနေနဲ့ .
ခဏညိမ်၊  နားရွက်ကုပ်
ဒါ လူကြီးတွေ၊ အလုပ်လုပ်နေတဲ့ အချိန်။
စစ်တုရင်ခုံပေါ် အကွက်ဆင် ချောင်းနေခိုက်
နောက်လူ တွေ ပညာတွေ ယူလိုက်ကြပါ့
နောင် နှစ်များစွာ မြေအုတ်တွေ ကြွေ
ကျောက်အုတ်တို့ နဲ့တည်မဲ့ မြို့ တော်
အပြစ်ပာ  နေကြာ 
ထိုင်ပြီး   လာလေ့လာ၊

မသဒ္ဓါ ( ၄။၈။ ၂၀၁၆)

သားတို့ ရယ် လိမ်မာကြပါ။ ခဏ လေးညိမ်ပြီး ပွဲကြည့်ကြပါဦး။ ဆရာကြီးတွေ ချတဲ့ အကွက်ကလေးတွေ ဘယ်လောက် လှတာ အရင် လေ့လာကြပါဦး။

အပြည့်အစုံသို့ 

Friday, April 8, 2016

အာရုဏ်ဦးသို့  ကြိုဆိုခြင်း


ယုံကြည်ပါ။
ဒီနေ့  အမေ သိပ်ပျော်ပါတယ်
ကလေးတို့ ရေ။

ငါးတွေ လွှတ်တဲ့ အခါ
ခိုတွေ လွှတ်တဲ့အခါ 
ခံစားဖူးတဲ့ ပီတိ
အမေတို့  အားလုံး သိကြပါတယ်။

လှောင် ချိုင့်ထဲက ကျဉ်းကျ ဝေဒနာ
အမေ ကိုယ်တိုင် ခံစားဖူးတဲ့အရာ။
ကိုယ်လက်နာကြင် နှိပ်စက်ခြင်းရဲ့ဒဏ်ရာ
အမေ ကိုယ်တိုင် ကြုံတွေ့ ဖူး တဲ့အရာ။
ချစ်ခင်သူများနဲ့  ခွဲခွါရတဲ့ ၀ဋ်ကံနာ
အမေ ရင်းနှီးခဲ့ ဖူးလို့ ပါ။
အာဇာနည်များရဲ့ စွန့် လွှတ်ခြင်း ပါရမီ
အမေ ရင်နဲ့ အမျှ နားလည် ခဲ့ပါသည်။

ကဲ..အခု
အမေရဲ့ နှစ်ပေါင်းများစွာ ရင်းနှီးခဲ့သော အိမ်မက်
မနက်မိုးသောက် ရောင်နီနဲ့ အတူ
မြန်မာ နိုင်ငံသို့  အလင်းတန်းလက်
နေ့ သစ်အတွက်
အာရုံတက် အုန်းမောင်းမြည်။

အမေ ကို
တရားဝင် ပြည်သူပေးတဲ့ အာဏာစက်
အမေ လက်နဲ့ သုံးနိုင်ခဲ့ပြီ။
လှောင်ချိုင့် တံခါးကို ဟင်းလင်း
လွတ်လပ်ခြင်းရဲ့  အရသာ
သားသမီးတို့ ရယ် ၀မ်းမြောက်ကြပါ။

ဒီကနေ့ က စ
ပြာပုံထဲက အားလုံး နိုးထ
ဒို့ တတွေ အလုပ် လုပ်ကြရတော့မည်။

အားသစ်နဲ့ ချီ. မိုးဆီပျံမဲ့ ဇာမဏီ ဒေါင်းဌက်
တောင်ပန်ခတ် အသင့်ပြင်
တယောက်တလက် ရဲ့  အားအင်သစ်
မြန်မာ နိုင်ငံအသစ် ကို တည်ကြရအောင်။
မသဒ္ဓါ ( ၄။၇။ ၂၀၁၆)

အပြည့်အစုံသို့ 

အဖေ တစ်ဦးရဲ့ မျှော်လင့်ချက်

ဘယ်လို နေပူပူ
ဘယ်လို လူတွေ ဆူဆူ
မညူ  မစူ
အဖေ နံရံ အပြင်ကစောင့်နေတယ်။
မြင်ချင်တဲ့ သမီးလေး ရဲ့ မျက်နှာ။

ဒီနေ့ ဟာ
နှောင်ကြိုးမဲ့ဒေါင်း ဝေဟင်ပျံ မဲ့ ရက်မင်္ဂလာ။


မိန်းကလေးပေမဲ့  မျက်ရည်ခိုင်တဲ့သူ
ငယ်ရွယ်ပေမဲ့ ရင့်ကျက်တဲ့ နှလုံးစိုင် နဲ့ သူ
မြန်မာပြည်အတွက် ဘ၀ကိုစတေးခဲ့တဲ့သူ

ဒီသမီးဟာ အဖေအတွက် ကျ
အကောင်းဆုံး ဘ၀ရဲ့လက်ဆောင်မွန်
ဒီသမီးဟာ မြန်မာပြည် အတွက် ကျ
အနာဂတ်ကို ထူထောင်ကြမဲ့ အုတ်တချပ်

နှင်းဆီနီ တစ်ပွင့်။
ဒေါင်းအလံနီ စွင့်လို့ 
အဖေလေ..မျှော်လင့်နေဆဲ
ဘယ်အချိန် ဘယ်အခါ ပါလည်း
နေကြဲကြဲ အရိပ်မဲ့ ထောင်တံခါးဝထိပ်
ရင်ထိတ် စိတ်မော
သမီးလေးကို လွှတ်မယ် ပြောသောနေ့ 
မသဒ္ဓါ ( ၄။၇။ ၂၀၁၆)

သူငယ်ချင်း ကိုနေ၀င်းနဲ့  သမီးငယ် ဖြိုးဖြိုးအောင်အတွက်..အပျော်မျက်နှာလေးတွေ ထာဝရ ရှင်သန်ပါ စေကြောင်း မသဒ္ဓါ မှ ဆုမွန်ကောင်းတောင်းလိုက်ပါတယ်။
အာဇာနည်မျိုး သေမျိူး မရှိပါ သမီး

အပြည့်အစုံသို့ 

Thursday, March 31, 2016

တရားသူသာ အောင်မဲ့ ပွဲ



မီးရောင်မှိန် ပတ်မ တုတ်
ညိမ်ကြဟေ့ ပွဲစ မယ်။
နတ်ကတော်နဲ့ ဆိုင်းဆင့်
သတင်းစာတွေ အမှန်တွေ ဖွင့်ကုန်။


ဒီည က မဲ့ ဇာတ် က
ရာမ ယဏ
ရာမ ရဲ့ လေးတင်ပွဲ
ဝင်ခွင့် လက်မှတ် မပါ
ပြိုင်ပွဲ ခိုးဝင်တဲ့ ဒဿ       ဂီရိ

လေးညှို့ သာ တင်တတ်ပါ၏။
မြှားပစ်ရန်က အဆင့်မမီ
သူစည်းခိုးရန် ကြံနေသည်။

ရိုးသားစွာ အနိုင်ရ တဲ့ ရာမ
ပန်းကုံး နဲ့ ကြင်ယာ ရ
ရှုံးသူ မာန
ဘီလူး အစွယ် စ ပြတယ်

ကာယနဲ့ မနိုင်
ကောက်ကျစ် ပြိုင် လို့ 
မယား ခိုးကြ တဲ့ပွဲ၊
လိမ်မယ်ကောက်မယ် ပရိယာယ်။
ဟန်ဆောင်ပြမယ် ရဟန်းငယ်
ရွှေသမင် မနှယ် သူ ညှို့ ဆွယ်
စည်းဝိုင်း အပြင် ထွက်ခိုက်
ရထားပျံ ဆိုက်
ခိုး သွား လိုက်ပါတဲ့ ဘီလူး
ရာဝဏပြည် သိန်းခို လင်္ကာရ
ရာဇ၀င် ၏ သက်သေ။
အယောင်ဆောင် ဘီလူး ကို မယုံလေနှင့်။

ဇာတ်သိမ်းခန်း မှာ
မှန်ကန်တဲ့ မယ်သီတာ
ကယ်ဆယ်သူက မောင်တော် ရာမ
ဟန်နုမာန် မျောက်မြီးက မီးစ
သိန်းခို ပြည် ပြာကျတယ်။
တရားသူ သာ အနိုင်ဆုံး
ကောက်ကျစ်သူသည် အရှုံး

ကဲ
ရာမနဲ့ မယ်သီတာ ရဲ့ နှစ်ပါးခွင်
ဒို့ တတွေ ကြည့်ချင် လှ ပါပေါ့
ကဲလေ… ပွဲ စတော့။

မသဒ္ဓါ (၃။၃၀။၂၀၁၆)

အပြည့်အစုံသို့ 

Friday, March 18, 2016

ဂုဏ်ယူပါလှင့် အမေ


အမေ
မနက်ခင်း တောက်ပတဲ့ အာရုဏ်
ဆွမ်းတန်း မီအောင် ဆက်သ
သားအတွက် မေတ္တာ ပို့သနေမယ်။ ကျနော် သိနေတယ်။


အမေ
ထမင်းပွဲမှာ သားကြိုက်တဲ့ ဟင်း လျှာ
စားပွဲပေါ် ပါခဲ့ ရင် မျက်နှာညို
အမေ သက်ပြင်းချ ထသွားတော့မယ် ။ ကျနော်သိနေတယ်။

အမေ
မြေးလေးတွေ ကို ကြည့်ရင်း ဖတဆိုး ကလေးများရယ်
အမေ ဂရုဏာသက်နေ တော့မယ်။ ကျနော်သိတယ်

အမေ
ဆောင်းရာသီ မနက်ခင်းအေးရင်
ကျနော် တယောက် ထဲ အဖော် ကွဲချမ်းအေးနေမှာ
စိုးရိမ်နေမယ် ကျနော်သိတယ်။

အမေ
ကျနော်လေ အမှောင်ထဲ မှာ အနေကြာ
အလင်းမရှိလည်း အနေပျော်ပါတယ်။

အမေ
ကျနော်လေ အစာရေစာ ကြမ်းရှ
အရသာမရှိ တာလည်း မျို နိုင်ခဲ့ပြီ။

အမေ
ကျနော်လေ ချစ်ခင်သူတွေ နဲ့  ဝေးကွာ
ငရဲရက်များစွာ ကျနော် ရင်ဆိုင်နိုင်ခဲ့ ပြီ

ယောက်ျားပါ အမေ
ကျနော်ချစ်တဲ့ တိုင်းပြည်
ကျနော် ဘိုးဘွားတို့ မြေ
ကျနော်ချစ်တဲ့ ဒီ အမျိုး
ကျနော့ လို ရဲသောသွေး နဲ့ မြန်မာ
ကျနော် စားရမဲ့ ထမင်းတစ်လုပ် အတွက် သစွာ မဖောက်နိုင်ဖူး။
ကျနော့ နိုင်ငံကို တိုင်းတပါးလက် အရောက်မခံနိုင်ဖူး
ကျနော့ လူမျိုးတွေ အစုအပြုံသေကြေ
ကျနော် ရေငုံ မနေနိုင်ဖူး။
ယာက်ျားပါ အမေ

ဒီအတွက် ကျနော့ အသက်ပေးရမယ်ဆို ယူလိုက်ပါ့
ကျနော့မိသားစုကို ရင်းရမယ်ဆို လညိးစိမ် လိုက်ဗျ။
ကျ နော့ ဘဝတခုလုံး ကြေမယ်ဆိုလည်း ချေလိုက်ကြ။

ကျနော်သည် အမေ့ ၏ သား
ရာထူးအဆငိ့ အညိမ်းစား ဗိုလ်မှူး
စွဲဆိုပုဒ်မ နယူကလီးယား လှို့ ဝှက်ချက် ပေါက်ကြားမှု
ကျသင့်အပြစ် သေဒဏ်ပယ်ချ တသက်တကျွန်းကျ
အမှန်ကို အမှန်ဖော်ပြ
ကျနော် တာဝန်သိသော သူ
စွဲဆိုပါသည် နိုင်ငံတော်ကို ပုန်ကန်မှု
နိုင်ငံတော် အပေါ် တာဝန်ကြေ
ကျနော် နိုင်ငံရေး အကျဉ်းသားပါ အမေ။

ဂုဏ်ယူ အမေ
ကျနော် သေတောင် မငိုနဲ့
တပြည်လုံး မှာ မရှိ ရှား အာဇာနည် သား
အမေ့ရဲ့ ကျနော်
အမေ ဂုဏ်ယူပါတော့နော်။


မသဒ္ဓါ ( ၃။၁၇။၂၀၁၆)
ချစ်ခင်လေးစားပါသော ဗိုလ်မှူး ၀င်းနိုင်ကျော် သို့ ။ အကိုကြီးရေ။ မကြာခင် အလင်းပွင့်တော့မှာပါ။ အိမ်လည်း ပြန်ရတော့မှာပါ။ ကျန်းမာအောင် နေပါ ။ မိသားစု က မျှော်နေပါတယ်။

အပြည့်အစုံသို့ 

Tuesday, September 18, 2012

အောင်သပြေရေချမ်း..အမေ့အတွက် ကမ်းပါရစေ။


ကျမတို့ ၏ မြန်မာဆိုသော ကမုန္ဒြာကြာ
နေရောင်ဘဲ ပူပူ
လရောင် အောက်ဘဲ အေးအေး..
ဝင့်ထယ်စွာ ပွင့်စေရေး အတွက်
နွံ့  ပုပ်ဘဲ နံနံ
ရာသီကဘဲ ထန်ထန်
မိုးလေဘဲ မှန် မမှန်
ကြမ်းပါစေ့ ဒီလောကဓံ
ခေါင်းမော့ပြီး အာခံ
သူ ဖြတ်ကျော်ခဲ့
နောက်ဆုံးမှာ
စေတနာ အကျိုးဟာ တန်ပြန်ရပြီပေါ့
ကမ္ဘာ့အလည် မြန်မာဆိုတာ ကြွားနိုင်ခဲ့
ငြိမ်းချမ်းရေးအတွက် သူဟာ ရောင်ခြည်
အမေ့ အတွက် ကမ္ဘာ့ဆိုတာ ကော်ဇောနီ
ဘယ်နေရာ ဘယ်ဌာနီ.
ဂုဏ်သရေရှိသော ဧည့်သည်
မြန်မာ့ခေါင်းဆောင် အမိအာဇာနည်။

သပြေညို အောင်ပန်းကိုလ.
ဝင့်ကြွားစွာ ပုဝါစုံချ ကြက်သရေ.
အမောပြေ အပြုံးချွေ
ကျမ၏ တဒင်္ဂခိုလှုံရာ အမေရိကပြည်။
လှိုက်လှဲစွာ ကြိုဆိုလိုက်ရပါသည် အမေ။

ဘယ်မှာဘဲ နေနေ..
မြန်မာသွေးသည် နီစမြဲ
ဂုဏ်ယူထိုက်သူ
ပန်းခင်းကြိုပွဲ
အမေရယ် အလှဆုံးပြုံးပြ
သားချင်းတွေ အားအင်ရစေအောင်။

မသဒ္ဓါ (၉။၁၇။၂၀၁၂)

အပြည့်အစုံသို့ 

 
/* EOT ----------------------------------------- */