Thursday, October 23, 2008

မွေးရပ်မြေသို့ မေတ္တာပို့ 


မြင်လိုသေးသည်၊ မေ့မွေးမြေ၌
အာရုံနေခြည်။ မိုးသောက်နီိတွင်
သံဃာဆွမ်းခံကြွသည်ကိုို။


ကြားလိုသေးသည်၊ မွေးမြန်ပြည်၌
စည်ဗြောမစဲ။ အလှူပွဲဖြင့်
သာသနာ့ မွေခံကြသည်ကို။

ရှုလိုသေးသည်၊ အမိမြေ၏
တောင်စဉ်မိုးမောက်၊ ထုံးရောင်တောက်သော
စေတီပုထိုး.များသည်ကို။

ဂုဏ်ယူစမ်းချင်။ မြန်မာမြေတွင်
အကြင်နာပွါး။ စေတနာများ။
ဗြဟ္မဇိုရ်တရား။ ရင်၌ထား၍
ကြွယ်ဝအပြုံး၊ဖြူနှလုံးဖြင့်၊
ဆန်ရေများပြား၊ ပီတိများဝေ
တရားမျှတ။ စုံကြွယ်ဝဖြင့်
မြန်မာ့ဦးကင်း တံခွန်ထူု။

ရိုးသားတည်ကြည်၊မြဲသစ္စာရည်၊
ခိုင်ကြည်သိက္ခာ၊ရိုးသားစွာဖြင့်။
မြန်မာ့ ၏ ဒေါင်း။ ရောင်နီလောင်းချိန်
နိူးထတွန်ကြူး ကြသည်ကို။

မသဒ္ဓါ (၁၀။၂၃။၂၀၀ဂ)

ဘဘကြီး ဦးဝန် (မင်းသုဝဏ် [၁၉ဝ၉ - ၂ဝဝ၄] ) ၏ ထင်ရှားကျော်ကြားသော ပေါက္ကံပြည်၌ ကဗျာကို မှီးထားပါသည်။
မသဒ္ဓါ သည် စင်စစ် တတ်ကျွမ်းသော ကဗျာဆရာမ မဟုတ်သေးပါ။ စေတနာအလျှောက် နိုင်ငံကို ချစ်မြတ်နိုး၍ မြန်မာ့ဦးစွန်း ကမ္ဘာပေါ်တွင် ပြန်ထွန်းကား စေလိုသူ သာမန် မြန်မာ အမျိုးသမီးသာဖြစ်ပါသည်။
အမှားရှိပါက ခွင့်လွှတ်ကြပါ။

အပြည့်အစုံသို့ 

Tuesday, October 21, 2008

သစ္စာဆိုခြင်း ရန်မာန်ရှင်းစေ။ အမှန်တရား၏ အဖြေ


ရုပ်နာမ် ခန္ဓာ (လေးပါး) တို့သည်
စိတ်လျှင်သာ ပဓါန ရှေ့သွား
စိတ်လျှင်သာ အကြီးအမှူးရှိကုန်၏၊
စိတ်တို့ ဖြင့် ပြီးကုန်၏၊

ပြစ်မှားစိတ်ဖြင့်၊ ပြောဆို ပြုလုပ်
ကြံစည်ကျိုးကုပ်။ အားဆောင်ထုတ်သော်
ဝန်ဆောင်နွား၏ ခြေရာသို့
အစဉ်လိုက်ဘိ၊ လှည်းဘီးနှယ်၏။
ဆင်းရဲခြင်းသည် ။ ထပ်ချပ်မကွာ
ဤသူယုတ်ထံသို့ အစဉ်လိုက်တတ်၏။

သန့်ရှင်းကြည်လင် စိတ်အစဉ်ဖြင့်
ပြောဆို ပြုလုပ်၊ ကြံစည်ထုတ်သော်
ကောင်းမှု အထိပ်။ အေးချမ်းရိပ်သည်
ထိုသူပါးသို့ ချမ်းသာသုခ အစဉ်လိုက်လေ၏။

သူတဦး၏ နတ် နိဗ္ဗာန်
သုံးတန်သော ချမ်းသာမျိုးကို
အမိအဖသည် မပြုစွမ်း နိုင်၊
ဆွေမျိုးတို့သည်လည်း မပြုစွမ်းနိုင်၊
ကိုယ်ပိုင်စိတ်နှလုံး၊ ကောင်းစွာမွေးမြူအပ်ပါမှ
ထိုသူ၏ဘဝ၊ မြင့်မြတ်သောဘုံ ရောက်ရှိပါတုံအံ့။

သူတစ်ပါးတို့၏ မလျော်အပြစ်၊
သူတစ်ပါးတို့၏ အပြစ်အနာအဆာ
သူတစ်ပါး၏ ကောင်းမှုမကောင်းမှု ပြုမပြု
လက်ညှိုးထိုးလှောင်ပြောင် မကြည့်ရှုရာ၊
မိမိ မည်မျှ ကောင်း မကောင်း
ကောင်းမှု မကောင်းမှု ပြု၏ မပြု၏
မိမိဖာသာ ဆင်ခြင် သုံးသပ်ရှုရာ၏။

အိပ်မပျော် နိုးသူအား ညဥ့်တာရှည်၏၊
ခရီးပန်းသူမှာ ယူဇနာခရီးသည် ရှည်၏။
သူတော်ကောင်းတရားကို မသိသူ
လူမိုက် သံသရာ ရှည်လျား၏။

မိုက်သောသူပင်ဖြစ်စေ
မိမိ မိုက်ကြောင်း အပြစ်ကိုသိ၏၊
အပြစ်ကိုပြင် ပညာရှိဖြစ်နိုင်သေး၏၊
ရူးမိုက်ဝါကြွား၊ ငါသာပညာရှိ တကားဟု
မိမိကိုယ်ကို ထင်မှတ်ယူပါမူ
ဤသူသည် စင်စစ်လူမိုက်ဟူတကား၊

ခိုင်ခံသော ကျောက်တောင်သည်
(အရပ်လေးမျက်နှာမှ) လာသောလေကြောင့်
တုန်လှုပ်ခြင်းအလျှဉ်းမရှိ။
ပညာရှိ တို့သည် ချီးမွမ်းခြင်း
ကဲ့ရဲ့ခြင်းတို့ကြောင့် စိုးစဉ်းငယ်မျှမတုန်လှုပ်ကြကုန်။
(ဓမ္မပါဒ တရားတော်)

အောင်မြင်ခြင်း ၊ ကျဆုံးခြင်း ၊
ချမ်းသာခြင်း ၊ ဆင်းရဲခြင်း ၊
အခြွေအရံ များခြင်း ၊ နည်းခြင်း ၊
ချီးမွမ်းခြင်း ၊ ကဲ့ရဲ့ခြင်း အားလုံးသည်
လောကပါလ ၏ နိယာမ၊ သဘာဝတရားများ
( လောကဓံတရား ရှစ်ပါး သာ ) ဖြစ်သည်။

ချီးမွမ်းလျှင် ခုနှစ်ရက်
ကဲ့ရဲ့သော် ခုနှစ်ရက်
အကဲ့အရဲ့ စဉ်းငယ်မျှ လွတ်သောသူ
မည်သူမျှ လောကမှာမရှိ။
ဘုရားရှင် ကိုယ်တောင်တိုင်ပင်
အကဲ့ရဲ့ မလွတ်၊ လောကဓံ မှမလွတ်နိုင်သေးပါက
သာမာန်လူမသဒ္ဓါ..တရားနှင့်ဖြေနိုင်ပါသည်။

မိဘကောင်းမှ မွေးဖွား သမီးကောင်း၏
ဘ၀တစ်ကွေ့ ၌ မိဘယုတ်မှ မွေးဖွား
မသွန်သင်ထားသော သူယုတ်မာအား
ကံအကျိုးမလှတွေ့ ဆုံရသောအခါ.

အမိယုတ်သား ကြမ်းတမ်း၊ ယုတ်မာလပ်ပေ၏။
ရှက်စရာသည် မည်သည့်အရာဟူသည်ကိုပင် မသိ
ခွေးရူး နွားရူးနှယ် မြင်ရာ ရမ်းတတ်၏။
အဆင့်အတန်းနှင့် မလျှော်သော
သိမ်ဖျင်းစကား ပြောကြားတတ်၏။
မိမိ ၏ အဆင့်အတန်း ဖော်ပြကြွားဝါ
ရှက်ဖွယ်ရာ လိလိ။
လည်သောဘီး ချေးသင့်ချိန် ရပ်မည်သာဖြစ်၏

ပညာတတ်သည် ဆိုသည်မှာ
တက္ကသိုလ်မှ အောင်လက်မှတ်ဆိုသည်ထက်
အမှန် အမှားကို ကိုယ်ပိုင်ဥာဏ်တို့ ဖြင့်
ပိုင်းဖြတ်သောဓမ္မပါဒ တရားကိုသိသူသာ
ပညာရှိ အမှန်ဖြစ်၏။

ဘုရားဂုဏ် တရားဂုဏ်
သံဃာ့ ဂုဏ်။ ဆရာ့ ဂုဏ်
အမိဂုဏ်။ အဖဂုဏ်
ဆွေ ဂုဏ် မျိုးဂုဏ်
သူတော်ကောင်းဂုဏ်
ပညာရှိဂုဏ်.အားသိအပ် မြတ်နိုးအပ်သော
လူသားတစ်ဦး၏ ဘ၀ ရရှိခဲ့ရခြင်းကြောင့်
အသိအမြင် ဥာဏ်ပညာကို ရရှိခဲ့ခြင်းကြောင့်
ဂုဏ်တော်တို့ ၏ ကျေးဇူးအားရှစ်ခိုးဦးတင်.
မသဒ္ဓါ ပန်ဆင်ပါသည်။

ဤ မှန်ကန်သော သစ္စာတရားကြောင့်
အမှန်တရားသည် နွံတွင်မညစ်သော
ပတ္တမြားကျောက် ကဲ့သို့ 
ရောင်ဝါ ထွန်းလင်းပါစေ။
မဟုတ်မမှန် သူယုတ်မာ၏
ကဲ့ရဲ့ ဆိုသောစကားများသည်။
လက်ခံသူ လက်မခံလိုပါက.
ပေးလှာသူ မှ တဖန်ပြန်လည် ယူဆောင်ရရိုး
ထုံးစံသာ ဖြစ်ပေ၏။

ထိုသူ၏ ပြုလာသော စေတနာနှင့် အမျှ
တဖန်ပြန်လှန် အာနိသင်သက်ရောက်ကြပါစေ။
တူသောအကျိုးခံစား စံစားရပါစေ။
ဤမြေပံသု ကိုတည်..
ကျမသည် သစ္စာ ဆိုပါ၏။

လူသားများအပေါ်
တရားမျှတ လောကပါလတရား ဖြင့်နေနိုင်စေရေး
သွန်သင်ညွှန်ပြ ထားခဲ့သောစေတနာကြောင့်
မြန်မာပြည်သား အားလုံး
အေးချမ်းသောဘ၀ အားလုံးရရှိ
ငြိမ်းချမ်းလွတ်လပ် ပျော်မြူးနိုင်ကြစေ။

မသဒ္ဓါ (၁၀။ ၂၀။ ၂၀၀၈)

အပြည့်အစုံသို့ 

Saturday, October 18, 2008

အတောင်စုံငြိမ်းချမ်းရေးဌက်..ဝေဟင်ထက်ဆီ ပျံလမ်းဆီသို့ 


လူကြီး လူငယ်..
အမြင်မှားကြတာ ထုံးစံဘဲ
အိမ်ထောင်စု တစ်ခုတောင်..
အဖေနဲ့ သားတောင် ဝိဝါဒ မူကွဲ
အရွယ်ရောက်ဌက် လေဆန်ပျံကြည့်ချင်တာဘဲ။

အချိန်က အသိုက်ထဲက ထွက်
တောင်ပန်တွေ ဖြန့်ကျက်
ဒို့ တွေလည်း ပျံခဲ့ဖူးတယ်
နားလည်မှူ တစ်ခုဘဲလိုတယ်။
လူကြီးကလည်း ခွင့်ပြုပေးတတ်ရမယ်။
လူငယ်တွေ အပေါ် ယုံကြည်တတ်ရမယ်။
လူငယ်ကလည်း လူကြီးကို လေးစားတတ်ရမယ်။

လူငယ်ဆိုတာ တက်လူတွေ.
တက်ကြွအားမာန် စိတ်ဓါတ်သန်တယ်။
အသစ် အသစ်တရား လက်တွေ့ ရှာဖွေလိုတယ်။
အချိန်တန် အရွယ်ရောက်.
အပြင်လောကကို စနည်းနာလိုတယ်။

လူကြီးဆိုတာ အတွေ့ အကြုံရင့်တယ်
ပြဿနာနဲ့  လောကဓံတရားတွေ
ရင်ဆိုင်ခဲ့ဘူးတယ်။
အမှားဆိုတာ
ထောင်ချောက် ဘယ်ဟာ ဘယ်မှာ မြင်သိတယ်။
မှန်မှန်နှေးနှေး.အမှားကင်းအောင်နေတယ်။
လူငယ်အပေါ် စေတနာထား သွန်သင်ဆုံးမပေးတယ်။

မှန်ကြပါတယ် နှစ်ဖက်စလုံး.
လူငယ်တွေရဲ့အမြင်..လူငယ်တွေ ရဲ့ လုပ်လိုအား.
ငါလူကြီးဘဲ ချုပ်မထားသင့်ပါဘူး။
စိတ်ပူ ကြောင့်ကျ ဘေးမရှိစေချင်ပေမဲ့
ပျံချင်တဲ့ ဒေါင်းဌက်.လွတ်လပ်စွာ ပျံပါစေ။
လူငယ်ဘာဝ အမှန်တရား လက်တွေ့ ရှာဖွေပါစေ။

အမှားဘယ်ဟာ ရှင်းပြတာ လူကြီးတာဝန်။
ဘယ်လိုသွား ဘယ်နေရာ..ဘာလုပ်သင့်တာ
ပြောပြရမှာ လူကြီးတာဝန်။
လိုက်နာတာ မလိုက်နာတာ..လူငယ်နဲ့ အလုပ်.
ဝေဟင်ထဲ မုန်တိုင်းလာ..ဘာတွေ လုပ်..
စာတွေ့ ..ပြောပြတာ က အလွန်လွယ်။

လက်တွေ့ မုန်တိုင်းထဲက ဒေါင်းကလေး.
အခက်အခဲ.တွေ ကိုယ်တွေ့ ကြုံတဲ့အခါမှ
တသက်မမေ့ အမြဲသတိတရ။.
သူ လူကြီးဖြစ်လာခဲ့ရင်..
သူတဆင့်လက်ဆင့်ကမ်းမယ်။
လူကြီုးဖြစ်ဖို့  လူငယ်ဘ၀ ဖြတ်သန်းရဖူးတယ်။

ကြိုဆိုပါသည် NLD မှ လူငယ်များ..
ဒီအချိန်ဟာ ပျံသန်းရမဲ့အချိန်။
လူကြီးတွေ ရဲ့စေတနာကို ကျေးဇူးဆိုခဲ့ရမဲ့အချိန်။
လေဆန်ကိုမော့ ပျံပါတော့
သိန်းဌက်ကို ရှောင်.
မုန်တိုင်းကို ရှောင်.
သတိထားပါ၊ အမှားမရှိအောင်။

သင်သည်..လူငယ်၏အားမာန်.
လွတ်လပ်မျှတ လူ့ ဘောင်တည်ထောင်ရန်.
အတောင်စုံ ပျံချင်ကြတာဘဲ..
ကံကောင်းဖို့ ဆုတောင်းပေးဆဲ..
တနေ့ လူကြီး..မင်းစေတနာထားတတ်မှာမလွဲ..
ကဲ ပျံသန်းကြစေ.။ ငြိမ်းချမ်းရေးဌက်.
ဝေဟင်ထက်မှာ အမှန်တရားသို့ ရှာ။

မသဒ္ဓါ ( ၁၀။ ၁ရ။၂၀၀၈)
NLD မှ လူငယ်များအတွက်.အားမာန်ပေးပါတယ်။ နိူင်ငံအတွက်ဆက်လက် ထမ်းဆောင်နိူင်ပါစေကြောင်းဆုမွန်ကောင်းများဖြင့်

အပြည့်အစုံသို့ 

မုန်တိုင်းလေဆန်မဲ့ ခွပ်ဒေါင်းများသို့ အားပေးခြင်း


ဒေါင်းကလေးများတို့ ရေ..
ပင်လယ်ထဲပျောက်ရှသွားတဲ့ ရေတစ်စက်အတွက်.
ဘာမှ စိတ်ပူပင်မနေပါနဲ့ 
ထပ်ရွာဦးမဲ့တိမ်တိုက်တွေ အဆင်သင့်မိုးပေါ်မှာရှိတယ်

အနောက်ဖက်ဝင်သွားတဲ့ နေလုံးကြီးအတွက်
ဘာမှ ငိုကြွေးမနေပါနဲ့ 
မနက်ဖြန် မနက်ထပ်ထွက်လာမဲ့ နေလုံးကြီးရှိသေးတယ်။

ဖိတ်ကျစင် ကွဲသွားတဲ့ ထောပတ်တစ်ခွက်အတွက်.
ဘာမှ စနိုးစနောင့်မဖြစ်စေနဲ့ 
ထပ်ရှိတဲ့ နွားများ..ထောပတ်စားဖို့ မွေးရမယ်။

လွန်ခဲ့တဲ့ နှစ် (၂၀) အတွက်.
ဘာမှ နောင်တဖြစ်မနေနဲ့ ။
ကုန်လွန်ခဲ့တဲ့ နှစ်များ အမှားပြင်ဖို့  အမှန်ရှာ။
အမှားကို သိ အမှန်ရှိတယ်။

ဘ၀မှာ ဘာမှ အလကားဆိုတဲ့ အရာမရှိဖူး။
လွယ်လွယ်ရတဲ့ အရာ တန်ဖိုးတတ်မရှိဘူး။
တော်လှန်ရေးရဲ့လမ်း ပန်းခင်းလမ်းမဟုတ်ဖူး။

အဓမ္မဆိုတာ ဓမ္မရဲ့ ပျော့ပြောင်းတဲ့ပျော့ကွက်ကို
ငြိမ်းချမ်းရေးရဲ့ သာယာတဲ့တေးသံကို
ပျောက်ကွယ်ဖျက်ဆီးတတ်တဲ့ ဌက်ဆိုးထိုးသံ
မတရားမှုဆိုတာ သူပျင်းသူယုတ်များရဲ့ အတ္တနဲ့ 
လောဘ မောဟ တွေကြား..
စာနာခြင်းတရား လွင့်ပါးနေမှုဘဲ။
မေတ္တာတရား ခြစားနေမှုဘဲ။

အမှန်တရားကရှိတယ်..
ဒါပေမဲ့ လာမယ် ကြာမယ်။
ဒီအတွက် ဒို့ တတွေ စတေးရမယ်။
ဓမ္မ အတွက် ဒို့ သွေးတွေရင်းရမယ်။
အမိမြေအတွက် အသက်စွန့် ရမယ်။
မှန်ကန်မှူအလင်းရရှိအောင်..နောက်မတွန့် ရဘူး။

မှန်မှန်သာရွေ့ ။ တက်မထောင်ကြနဲ့ ဟေ့။
နှစ် (၂၀) ပေး သင်ခန်းစာ. လေ့လာကြဟေ့။
တူညီခွန်အားမခိုကပ်ကြနဲ့ ဟေ့။
ကြားလေ သွေးထိုးစကား နားမယောင်ကြနဲ့ဟေ့။

ဘယ်လောက်ကြီးတဲ့ အင်ပါယာဖြစ်ဖြစ်..
ဘယ်လောက် အင်အားသာ တပ်မဟာဘဲဖြစ်ဖြစ်.
ဘယ်လောက်မြင့်မား စစ်တံခွန်များဘဲဖြစ်ဖြစ်.
အောင်မြင်မှူဟာ ရေတစ်ပွက်ပါဘဲ.
ပြိုပျက်တဲ့အခါ.သင်္ချိုင်းသာသာ ပြာမှုန်ဘဲ။

ရိုမန်၊ ဟန်းတရုတ်၊ မက်ဆီဒိုးနီးယား
ပါသေ့။ ပါရှင်း။ ဘေဘီလိုးနီးယန်း။
အီဂျစ်။ ဂရိ။ အာမေးနီးယန်း။
မွန်ဂို ကုဘလေခန်။ မဂို အာသောက။
ကြီးမားပေ့ဆိုသမျှ အင်ပါယာ
လူဝီ။ နပိုလီယန်။ ဇာ။ ဟစ်တလာ
မိုဆိုလိုနီ ပေါ့ပေါ့၊ ချောင်ဆက်စကူ။
ခုံမေနီ။ ရှား။ မားကို့ စ် ။ ဆာဒန် အစရှိတဲ့
တန်ခိုးထွားပေ့သူများ.နောက်ဆုံးဘယ်လမ်းများ သွားကြပါလိမ့်။
မြန်မာပြည်သံဃာသတ် လူသတ်သမား.သူဖုန်းစား
သူတို့ လည်းဘဲ ဒီလမ်းသွားပါလိမ့် မယ်။

သူယုတ်ဆိုတာလည်း ချို မရှိဘူး။
အပျော့ အချိုကိုဆို..
ဘာဆိုလိုသလည်း အရိုးသာ ကြည့်ရှောင်။
မျက်နှာဖုံးတပ် မျက်နှာပြောင်ပြောင်
ဘုရားလူကြီး အယောင်ဆောင်တယ်။
စစ်ယူနီဖောင်းအပေါ်က တင်တဲ့ ပိတ်ဖြူတဘက်
သွေးစွန်းလက်နဲ့ သွန်း ရေစက်ခွက်
အရောင်ပြ ဗုဒ္ဓဘာသာ လိမ်တယ်။

ညစ်တဲ့ တရားသူကြီး
တခါ နိူင်ပွဲ ဆုမပေးတဲ့ အလိမ်မျိုး
နောက်တခါ ဒို့ အနိုင်ရလည်း
ပေးပါ့မလား သံသယ သာ ကြွယ်။
လျှာဖျားနှစ်ခွ မြွေဟောက်..
ဒို့ ပြန် အလမ္မါယ်ပြတတ်ရမယ်။

အင်အား စုစည်း ညီညာပြီး.
ရသမျှ အင်အား.မလျှော့တမ်းတော်လှန်သွား.
တရွေ့ ရွေ့  တစ်နေ့ တစ်နေ့ 
ပုဂံ ဘယ်ရွေ့ မလည်းဟေ့။
သင်သည် အမိမြေရဲ့ သူရဲကောင်းချစ်သား
အာဇာနည်များ သေသော်ငရဲမလား.

ဒို့ တတွေ အမှန်လူသား..
ထောင်တန်းမကြောက်ဖူးဟေ့
ရေနှယ် ကြည်လင်တဲ့ မြန်မာပြည်သား..
အငွေ့ ပျံအောင်လုပ်တာ.
ဘယ်သူလည်းဟေ့။

ပူလွန်းရင် ကြွ
ဆူလွန်းရင် ထ။
ဖိလွန်းရင် ပေါက်ကွဲကြစို့ ရဲ့။
အေးနေရင်..ပိုအနှိပ်စက်ခံရရုံရှိ။
ခေါင်းစင်းခံလေ..ထင်းတစ်ချောင်းချင်းသာပဲ့ကြွေ
စုစည်းရင်နွားအုပ် ကျားငစဉ်းလဲကိုတောင် မောင်းထုတ်
ရပ်ကြည့်နေ..နောက် ၂၀ ကျွန်ခံပေဦး
သွေးကြောင်နေ ဒို့ တွေအရှုံးဘဲ အနိုင်မရှိ
ရရင် ရ မရရင်ချ ကြဖို့ ဘဲရှိ
ကြောက်မွေးပါ ဇာကနာနဲ့သာ နှုတ်ခဲ့
လာဟေ့ ခွပ်ကြတော့ သူငယ်ချင်း။

သွေးနဲ့ ရင်းမှ တော်လှန်ရေး.
ကျန်တဲ့ရာဇ၀င်ကြွေး နောက်လူက ဆက်ရေးမယ်။
ပြိုင်သူသာတွန်း ကိုယ့်တာဝန်ကျေဖို့ ဘဲလိုတယ်။

တိုက်ပွဲသို့ ပြင်။ ဒေါင်းဆိုလျှင်.
ခွပ်၍သာ အသက်စွန့် ကြရိုး.
ရာဇ၀င်မှာ ကဗျည်းတင်စေမည်။
ခွပ်ဒေါင်းစစ်သည် မြန်မာဓါးကိုသွေး.
အာဏာရှင်ဇက်သွေး နဲ့ ဒို့ ခြေဆေးမည်.။
မုချ အောင်ရမည်။

မသဒ္ဓါ (၁၀။ ၁၇။၂၀၀၈)

အပြည့်အစုံသို့ 

Wednesday, October 15, 2008

မြေခွေး ဘာကြောင့် အူရသနည်း။


တရံရောအခါ.
တောကြို အုံကြားက
စဉ်းလဲတဲ့ မြေခွေးတကောင်

ရွာကြိုအုံကြား ဇနပုဒ်
စားကြွင်းစားကျန်ရလိုငြား
အနံ့ ခံ.ရှာဖွေ ခိုးသုတ်
ကပြာကရာ ပြာရိပြာရာ
ချွတ်နင်း လာရှာတဲ့
ခိုးကြောင်ခိုးဝှက်မြေခွေးသူခိုး.
အစာမရ..ဘာမရ
တည်ထားတဲ့ မီးနေသည်မ ရဲ့ ဆနွင်းအိုး
တိုးမိတဲ့အခါ သူ့ ကိုယ်ပေါ်မှောက်
အမွေးအရောင် ဆနွင်းထိန်တောက်
မြေခွေး ဂုဏ်မောက်တယ်။
ငါဟာလေ..ရွှေအတိ အဆင်း..
ဘယ်မြေခွေးမနဲ့မှ မတန်လေချင်း။

မြေခွေးငယ်က စိတ်ကြီးဝင်
င့ါ ၏ ခန္ဓာ ရွှေရုပ်သွင်
မတူညီပါ ထူးခြားတဲ့ ငါ
ငါသာ ငါလျှင်..မြေခွေးဘုရင်.
ဘယ်သူ့ ကို ဖူးစာရှင်ရွေးရပါ့။
ငါဟဲ့ အတ္တ။
တဏှာထ..ရာဂကြွ
လောဘ တားမရ..
မောဟများတဲ့အခါ

မိုးအာကာ ထက်က
လမင်းကို သူမြင်..
ငါသာလျှင်..ရွှေမြေခွေး.
လမင်းလေးနဲ့ မှတန်တဲ့..
ငွေလမင်းကလေးရဲ့ လမင်းကိုကို..
ရွေလင်ဘန်းနဲ့  ဆီဆမ်းထမင်း
အချောင်ခို စားချင်စမ်းတယ်။
စိတ်ကူးယဉ်ပို..မတန်ရာကို မှန်း.
အနူလက်နဲ့ ရွှေခွက်ကို တမ်း။
မြေပြင်က ရော်ရမ်း.
မပိုင် ဇာတ်ခင်းချင်။

ပြည့်လ ရွန်းရွန်း
လ၀န်းကိုမော့ကြည့်..
မြေပြင်က အူနေသည့် မြေခွေး..
ရင်သာ ကြေကွဲ
လမင်းကတော့ကြွေမလာ..
မြေခွေးသာ. အာခေါင်ခြောက်ရေဆာ..

ရေဆာတဲ့ မြေခွေး..
ရေရှာရန် ချောင်းကိုပြေး..
ချောင်းရေထဲ သာနေတဲ့ လမင်းငယ်..
ဟော တွေ့ ပြီ..သူဘဲ သူဘဲ
" လမင်းကလေးသာ ကိုကို့ ဖူးစာရှင်..
လာဟဲ့ ငါတဲ့ကွ.."
တအားပြေး ခုန်ဖမ်း..

ချောင်းရေကအလှုပ်..
ဂယက်ငယ် အပုတ်
လမင်းက ကွယ်ပျောက်ငုတ်.
မြေခွေးသာ ရေထဲမြုပ်..
ချောင်းထဲ ဇီဝိန်ချုပ်ခဲ့တယ်။

မတန်မရာ..ကြံစည်တဲ့မြေခွေး.
ရေထဲမှာ အလောင်းကျ.
သေပုပ်တဲ့ မရဏ
လင်းတက မျိုချခဲ့ပြီ..
နိဂုံးချုပ်ခဲ့ပါပေါ့။
မာန်ဝင့်သော မြေခွေးတစ်ကောင်သည်။
လမင်းတော့ မရ..အသက်သာသေတော့သည်။

မသဒ္ဓါ ( ၁၀။၁၄။ ၂၀၀၈)
ဖေဖေပြောပြဖူးတဲ့ အိပ်ယာဝင်ပုံပြင်ပါ။ စိတ်ကူးယဉ်သူများအတွက်..ရည်စူးပါတယ်.

အပြည့်အစုံသို့ 

ရာသီဆဲ့နှစ်ပွဲနွှဲခဲ့ ၊ ပျော်ရွှင်တဲ့နှလုံးသားရဲ့မြေမဟီ


သီတင်းကျွတ်လပြည့်ည.
ကောင်းကင်ကိုကြည့်မိတဲ့အခါ
မှုန်တရေးရေး..လွမ်းမိတဲ့ ငယ်စဉ်ခါ.
သီတင်းကျွတ်ချိန်ကာလ..ပန်းဆီမီးဝင်းထိန်ဖြာ.
ကြီးသူတွေရိုသေသမှု ပြုကြတဲ့ ချိန်ခါ.
လွမ်းမိတယ်..အမိမြေရဲ့
လှပဖူးတဲ့ အကြင်နာရွာ။

ဆယ်နှစ်ရာသီပွဲတော်များ ကျင်းပ.
တန်ခူးနွေလ ကျင်းပကြသင်္ကြန်။
ကဆုန်လ ညောင်ရေသွန်းပြန်။
နယုန်လမှာဆို စာပြန်ပွဲ
ဝါဆိုလကျ ၀ါဆိုပန်းခူးပွဲ
စာရေးတံမဲပွဲ ဆွဲကြတဲ့ လ၀ါခေါင်
ခါ တော်သလင်း ရိုးရီးလေးလေး လှေပြ်ိုင်တဲ့မောင်
ဆီမီးထိန်ကြည် သီတင်းကျွတ်ကာလ
ကထိန်ပွဲတော်ခင်း တန်ဆောင်မုန်းတဲ့လ
စာဆိုတော်ဆုချီးမြှင့်မည် နတ်တော်ရာသီ
ပြာသိုလသည် လွတ်လပ်ရေးအောင်ပွဲ
ထမနဲထိုးပွဲနွဲ…လမြတ်တပို့တွဲ
တပေါင်းလဆီ နွဲခဲ့ပြီ..တပေါင်းပွဲတော်သည်။

၁၂ လဆီ ပွဲတော်များ
မြန်မာ ဓလေ့ မပျောက်စေသား
ဆုတောင်းထားခဲ့ လည်း.
တဖြေးဖြေး မှိန်ဖျော့ကွယ်ပျောက်.
သာသနာလည်း အမှောင်အောက်မှာ.
ရာသီပွဲတော်ဆိုသည်.လေတဲ့လွင့်တဲ့ရွက်ယော်
၄၆ နှစ်အတွင်း မြန်မာပြည်ဆိုသည်..
ပါးလျှားသွားတဲ့ အ၀တ်စုတ်လို
စုတ်ပြဲ အနာတရ..
ကျမတို့ ငယ်စဉ်ကာလ မြန်မာဘဝ..
ဘယ်တော့ မှ ပြန်မရ
အဝေးက မျှော်ရမ်း လွမ်းခဲ့တဲ့ အမိမြေ..
ကျမျက်ရည်မိုးစွေ။
ရင်ထုမနာ..နှမြောတသမိပါ ပေ။

မသဒ္ဓါ (၁၀။ ၁၅။၂၀၀၈)

အပြည့်အစုံသို့ 

ဓါတ်ပုံများကပြောပြခဲ့ ဘွားရဲ့မွေးရပ် တချိန်ကရွှေမြေ


မြန်မာမှန်ရင်
ဘယ်လောက် ဆင်းရဲဆင်းရဲ
စားမဲ့ဆန်ထဲ က လက်တစ်ဆုတ်
တမူး တပဲ တကျပ်တပြား.
စေတနာတရား အကြင်နာထား.
ဂရုဏာ စာနာသဒ္ဓါပွါး
လှူဒါန်းကြပေသည်။

ညောင်စေ့လောက်ဘဲ သေးပစေ
စေတနာအတိသာဆို..ရမဲ့ ညောင်ပင်ကြီးထိအလှူ
ရေစက်ခွက် လက်ဆွဲ
ပဒေသာပင်..မြေမှာသီး.ခဲ့တဲ့မြေဆီ.
ခုခါမှာ..ရိုးရာတွေ ကွယ်ပျောက်.
ကုသိုလ်လည်း ခြောက်ခမ်းခဲ့ပြီ။

ဘယ်မှာလည်း..မနက်ခင်းရဲ့ ကုလားတက်သံ
ဘယ်မှာလည်း..ဆွမ်းတော်ဗျို့ တဲ့ ကြေးစည်သံ
ကြားခွင့်မသာရတော့ အသံမစဲပဌာန်းပွဲရဲ့ ရွတ်ဖတ်သံ
တိတ်ဆိတ်ခဲ့ စာသင်ခန်းထဲ ခလေးများရဲ့ စာအံသံ
မတွေ့ မြင်ရ ပန်းခြံတွေထဲ ခလေးများဆော့ကစားသံ
ပြုံးပျော်နေ..မိသားစုများရဲ့ ရယ်မောသံ။
ရှင်ပြုပွဲ မစဲတဲ့ စည်ဗြောသံ။

လူဟူသည်..
ကိုယ်ခန္ဓာ ဘယ်မျှ ပင်ပန်းပန်း
စိတ်ပင်ပန်းမှုကို မခံနိုင်ကြ။
မိမိ ထမင်းလုပ်.မိမိဖာသာ အလုပ်လုပ်
ရောင့်ရဲ ကျိုးကုပ်သော်ညား
တရားမျှတမှုကို လိုသည်။
ကိုယ်ပင်ပန်းရကျိုး ကိုယ်ခံစားလိုသည်။
ခေါင်းပုံဖြတ် ဖိနှိပ်သည်မကြိုက်ပြီ။

ကျေနပ်ပါက စိတ်ပျော်ရွှင်.
စိတ်ကျန်းမာမှ..အားတက် ဘ၀င်
အားတက်ပါမှ သင်သည် စွမ်းအားရှင်.
စွမ်းအားရှင်အပေါင်းရှိမှ ပြည်ရွှာသာစေကြောင်း.
လူ့ ဘောင်လောက..လူသားအားလုံးအသုံးဝင်ကြ
စိတ်လက်ချမ်းသာပျော်ရွှင်မှူက..အရေးကြီးဆုံးပဓါန။

ခုများက..တကိုယ်ကောင်းဝါဒီ
တိုင်းပြည်ဂုတ်ခွထိုင်နေသည်။
သွေးစွန်းတဲ့ ၀ါရွှေသင်္ကန်း..
ဖုန်မြေလူးနေတဲ့ သာသနာ့အလံ
ခေါင်းလောင်းဆိတ်တဲ့ ကျောင်းဝန်း
ခလေးစစ်သားပေါတဲ့ တိုင်းပြည်.
လာဘ်တွေ စားတဲ့ စားဖားတို့ ပြည်.
သင်္ကန်းရောင်ဝါလည်း
ရုပ်သေးရုပ်သံဃာတော်များရဲ့ပြည်..
ပညာတတ်သူထွက်ပြေး..
လူယုတ်ဓါးမြကြီးစိုးရာ ပြည်။
ကြုံဘူးပလေ..နှစ် ၄၆..
အပြစ်စင် သာသနာတော် ရေကြည်နောက်.
နောင်ကို ပြည်ပျောက်မယ်။

နောင်လာမဲ့ မြေးမြစ်လောင်းများတို့ ရေ..
ရာဇ၀င်အစဉ်အဆက်
ထက်မြက်တည်ကြည်တဲ့ မြန်မာ့နှလုံးသား
အာဏာရှင် ခွေးအ အစားမှာ ပုပ်သိုးသွားတယ်။
ရောင့်ရဲတတ်သော မြန်မာ့နှလုံးသား
စစ်ဖိနပ်အောက်မှာ ပြားသွားတယ်။
မြေအောက်က ခေါင်းခွံများ.
ဟစ်တလာသတ်တဲ့လူထက်များတယ်။
ဓါတ်ပုံထဲက ဘီလူးကြီး..
အာဏာရူးမှုးကြီးသန်းရွှေ ဆိုတဲ့လူရူး
ဒို့ မြေကို ဖျက်တာသူ။
ဒို့ ဘာသာကို ဖျက်တာသူ။
ဒို့ ခလေးတွေအနာဂတ် ရေနှစ်သတ်တာသူ။

မွန်ဂို အုပ်ဖူး၍ မြန်မာမျိုးမပျက်
ရှမ်းသိုဟန်ဘွား. မင်းကြီးရန်နောင် နှိမ်နင်းခဲ့
ဗြိတ်ိသျှ အုပ်စိုး ဘုရားမြေ ဖိနပ်မစီးအောင်တားနိူင်ပါရဲ့
ဂျပန် အတက်..ပြန်မောင်းထုတ်နိူင်ခဲ့
လွတ်လပ်ရေးအတွက် ဗိုလ်ချုပ်တို့  အသက်ပေးခဲ့ပါရဲ့
ဘွားတို့ ခေတ်မှ..မြန်မာကို မြန်မာအုပ်စိုး.
မြန်မာ့ အောင်လံကျိုးတယ်..
တွေးရင်းရှက်တယ် မြေးတို့ ရယ်.

မြန်မာဆိုတာ
အိမ်မက်ထဲက သာယာတဲ့ရွှေပြည်..
စေတီပုထိုး ပေါများရာပြည်။
ဆီကိုရေချိုး။ ဆေးရိုးမီးလှုံ၊ စပါးတောင်ပုံခဲ့တဲ့ပြည်။
တမူးရလို့  တပဲလှူ.ဒါန ရက်ရောပါတဲ့ပြည်။
ရွှေတွင်းငွေတွင်း ပယင်းဒုတ္တာပေါများတဲ့ပြည်။
ရတနာ စိန်ကျောက်ဇယ်တောက်ကစားခဲ့တဲ့ပြည်။
ရေနံဆိုတာ ချောင်းရေလိုစီး.လက်ယက်တွင်းနဲ့ရေနံထုတ်ရာပြည်။

ခုတော့
ထွက်တဲ့ ရေနံဓါတ်ငွေ့  ကိုယ်တိုင်မသုံးရတဲ့ပြည်။
ဆန်ကောင်းထွက် ဆန်ကွဲစား.ချဉ်သီးရှားတဲ့တိုင်းပြည်။
လူသေကောင်ပုပ် ငါးပူတင်းစားပစေအမိန့် ပေး
ငါးအပေါ် သထာတတ်တဲ့တိုင်းပြည်။
ဆာလောင်နေသူတွေ..အစာမကြွေး.
တမင်းရည်တိုက်စေတဲ့တိုင်းပြည်..

ဒီပြည်ကြီးရှိခဲ့ဘူးတယ်..
တချိန်က ကမ္ဘာကြီးရဲ့ ဒီနေရာမှာလေ..
ခုများတော့ တရုပ်ပြည်ရဲ့ ပင်လယ်ထွက်ပေါက်.
မြောက်ကိုရီးယားရဲ့
ရွေ့ ပြောင်း နျူကလီယားလက်နက် သိုလှောင်ရာ
ရုရှတို့ ရဲ့ ယူရေနီယမ်ရှာရာ မိုင်းတွင်း.
အီဂျစ်ခေတ်က ကျွန်များ.၊
ဟစ်တလာ့သားကောင် ဂျုးများလိုဘဲ
အစာရေစာမဝ၊ အဲဒီ ပိန်ညောင်သေးကွေး
စက်ရုပ်လို ခေါင်းလှုပ် လက်လှုပ်နေရတဲ့
ဂလီဗာ ပုံပြင်ထဲက လူပုကလေးတွေဟာ
ဘွားတို့ အမျိုး ရွှေုမြန်မာပေါ့.

အိမ်နီးနားချင်းတွေ က သယံဇာတတွေ ၀ိုင်းကြိတ်
ကမ္ဘာကလည်း သူ့ ပြည်တွင်းရေးဘဲဆို မျက်စိမှိတ်။
UN က မကူညီခဲ့ တိတ်တိတ်ဆိတ်ဆိတ်
ပြည်လူတွေ သေမှာကြောက် ခေါင်းငြိတ်ကောင်းလိုက်တာ
နိူင်ငံကို ဖဲ့ရောင်း သမီးကိုစိန်ဆင်ကောင်းတဲ့လူတွေကြောင့်
အခုတော့ မြန်မာ..တရုတ်အောက် အင်ပါယာ
ကျွန်သဘောက်ဘ၀...ဒူးထောက်ကျခဲ့ကြပြီ။

မယုံရင် ပုံပြင်မှတ်..
ထူးမြတ်လှ တဲ့ ရွှေပြည်..
ဒီကမ္ဘာပေါ်ရှိခဲ့ဘူးသည်။
ဒါ ဘွားမွေးရပ်မြေ မြန်မာပြည်။

မသဒ္ဓါ (၁၀။ ၁၅။၂၀၀၈)
စွမ်းအားရှင်.ဆိုသည်မှာ နအဖ၏ လက်သပ်မွေး စွမ်းအားရှင်ကို ဆိုလိုခြင်းမဟုတ်ပါ။ ;)

အပြည့်အစုံသို့ 

Monday, October 13, 2008

မျက်ဖြေ သံဝေဂ လင်္ကာ (အနန္တသူရိယအမတ်ကြီး)


သူတည်းတစ်ယောက်၊ ကောင်းဖို့ရောက်မူ
သူတစ်ယောက်မှာ၊ ပျက်လင့်ကာသာ
ဓမ္မတာတည်း။

ရွှေအိမ်နန်းနှင့်၊ ကြငှာန်းလည်းခံ
မတ်ပေါင်းရံလျက်၊ ပျော်စံရိမ်ငြိမ်
စည်းစိမ်မကွာ၊ မင်းချမ်းသာကား
သမုဒ္ဒရာ၊ ရေမျက်နှာထက်
ခဏတက်သည့်၊ ရေပွက်ပမာ
တစ်သက်လျာတည်း။

ကြင်နာသနား၊ ငါ့အားမသတ်
ယခုလွှတ်လည်း၊ မလွတ်ကြမ္မာ
လူတကာတို့၊ ခန္ဓာခိုင်ကြည်
အတည်မမြဲ၊ ဖောက်လွဲတတ်သည်
မချွတ်စသာ၊ သတ္တဝါတည်း။

ရှိခိုးကော်ရော်၊ ပူဇော်အကျွန်
ပန်ခဲ့တုံ၏၊ ခိုက်ကြုံဝိပါတ်
သံသရာစက်၌ ၊ ကြိုက်လတ်တုံမူ
တုံ့မယူလို၊ ကြည်ညိုစိတ်သန်
သခင်မာန်ကို၊ ချန်ဘိစင်စစ်
အပြစ်မဲ့ရေး၊ ခွင့်လျှင်ပေး၏
သွေးသည်အနိစ္စာ၊
ငါ့ခန္ဓာတည်း။

(အနန္တသူရိယ)

အနန္တသူရ သည် ပုဂံခေတ် ကထင်ရှားကျော်စောသော ပညာရှိသုခမိန်အမတ်ကြီးဖြစ်သည်။
မြန်မာနှစ် - ၅၃၃ (ခရစ်နှစ် - ၁၁၇၁ ) တွင် ပုဂံထီးနန်းကို သိမ်းပိုက်စိုးစံသော ဘုရင် မင်းယဉ်နရသိင်္ခ သည် ညီတော်အိမ်ရှေ့စံ နရပတိစည်သူ၏ မိဖုရား ဝေဠုဝတီကို အတင်းအဓမ္မ သိမ်းပိုက် ယူသောကြောင့် မြန်မာနှစ် -၅၃၆ တွင် ညီတော်နရပတိစည်သူက နောင်တော်ကို ပုန်ကန်သတ်ဖြတ်လုပ်ကြံပြီး နန်းတက်သည်။ ထို့ နောက် နောင်တော်၏ အထိန်းတော်သားလည်းဖြစ်၊ လူရင်းအဖြစ် ခစားသူလည်းဖြစ်သည့် အနန္တသူရိယ အ မတ်၏ အပေါ်တွင် အထင်လွဲ အမျက်ပွား အငြိုးထားပြီး "ဖမ်း၍သတ်စေ"ဟု သူသတ်တို့အား မိန့်မှာ လေ၏။

ရဲရင့်တည်ကြည်သော အနန္တသူရိယသည် အသတ်ခံရအံ့ဆဲဆဲတွင် လောက၏ ဖြစ်ပျက်ဓမ္မတာ သဘောကို ဆင်ခြင်၍ အေးဆေး တည်ငြိမ်စွာ "သူတည်းတစ်ယောက် ကောင်းမှုရောက်မူ" အစဖြာသော မျက်ဖြေ လင်္ကာ ကို သူသတ်ကုန်းတွင် ရုတ်ချည်း စပ်ဆို ပြီး မင်းကြီးအား ဆက်သပါဟု မှာကြားခဲ့လေသည် ။
မင်းချင်းတို့ ဆက်သသော သံဝေဂ အလင်္ကာ ကို နရပတိစည်သူမင်း ကြားလေသော်. သံဝေဂ ရ၍ ချက်ခြင်း လွှတ်ရန် အမိန့်ပေးသော်လည်း အနန္တသူရ အမတ်ကား လွန်ခဲ့လေပြီ။

မှတ်ချက်။ ။
မသဒ္ဓါအား..ဤရက်အပိုင်းအခြားတွင် "နောင်တခေတ်၏ အောင်စစ်သည်" ဟု မိမိကိုယ်အမည် တတ်ထား သော၊ မိမိကိုယ် မိမိ မျိုးချစ်များ ဟု ထင်မြင်ပြောနေကြသူ၊ နိုင်ငံတော်၏ ထောက်ပံ့မှု ပြည်သူ၏ အခွန်ဘဏ္ဍာ အားစားသုံး၍ နိူင်ငံကြီး တစ်နိူင်ငံတွင် ပညာသင်ကြားနေကြသော စစ်သည် အသိုင်းအ၀ိုင်းမှ ခလေးများက လာရောက်၍ ရန်စ ပါသည်။

ယခင်ကတည်းက နိူင်ငံရေးအခြေအနေ မငြိမ်မသက်သော အချိန်များ၌ နိူင်ငံရေး ဘလော့ဂါ မိန်းကလေးများ၏ ဘလောက် နှင့် CBox များတွင် လာရောက် ဖိနှိပ်စော်ကားခြင်း၊ စကားအရာ ညစ်ညမ်းစွာသုံးစွဲ၍ ရန်စခြင်းတို့  ရံဖန်ရံခါ ရှိခဲ့ရိုး ထုံးစံရှိပြီး ဤသည်မှာနအဖ ၏ မီဒီယာ လက်နက်များ ဖြစ်ကြပါသည်။ အထူးသဖြင့် လင်း လက်ကြယ်စင်၊ မမေငြိမ်း၊ မခင်မင်းဇော် နဲ့ကျမ အား အမြဲတမ်းလိုလို လာရောက် တိုက်ခိုက်လေ့ရှိကြပါသည်။

ဤ အကြိ်မ်တွင် ရန်စလာသူများသည် မသဒ္ဓါထက် အသက်အရွယ် ငယ်မြစ်သော မလိမ်မိုးမလိမ်မာ က လေးများ ဖြစ်သောကြောင့် ကျမ အနေဖြင့် လူကြီး ပီသစွာ ခန္ဓီစ ပါရမီ အား မိမိဖာသာ မွေးမြူ၍ ခွင့် လွှတ် ခဲ့ပါသည်။ သူတို့ ကလေးများ၏ ပြူမူချက်မှ ကျမ ၏ ခွင့်လွှတ် နိူင်သော ပါရမီအား ရင့်ကျက်လာစေခဲ့ပြီး၊ စိတ် ဓါတ်၏ ကြံ့ခိုင်အားအပေါ် တစုံတခုသော အတိုင်းအတာအထိ မှတ်ကျောက်တင်နိုင်ခဲ့သည့် အတွက် မသဒ္ဓါ အနေဖြင့် ကျေးဇူး အထူးတင် ရှိပါသည်။

ကျမအနေဖြင့် ခလေးများ၏ ငယ်ဂုဏ်။ အမျိုးဂုဏ်။ ရာထူးဂုဏ်၊ ပညာဂုဏ်၊ မောက်မာမှုတို့ အပေါ် တတ်နိူင် သမျှနားလည် ခွင့်လွှတ်ပြီး လာရောက်စော်ကား ရေးသားချက်များကို အခြားသော စာရှူသူများ ဖတ်မိပါက နောင်တခေတ် အတွက် အရာရှိရာထူး အုပ်ချုပ်ရေး ရာထူးနေရာများတွင်တက်လာမည့် စစ်အရာရှိ လောင်း များ၏ အတွေးအခေါ် အယူအဆ၊ မျိုးချစ်စိတ်၊ အသိဥာဏ် ပညာ။ အကျင့်သိက္ခာ၊ ဂုဏ်သိက္ခာ မကျဆင်း ရလေ အောင် ရေးသားသမျှကို ဖျက်ပေး ထားပါသည်။

လောကဓံတွင် တည်ကြည် ရင့်ကျက်ခဲ့သော လူကြီးတယောက်အနေဖြင့် ခလေးတစ်ယောက်၏ အပြစ်တင်ဆဲ ရေး ပုတ်ခတ်မှူအပေါ် မည်မျှပင် မည်သို့ စော်ကား စေကာမူ မည်သည့် စကားနှင့်မျှ တစုံတရာ ပြန်လှန် ပြော ဆို ခြင်း၊ ပြန်လှန် ရန်ဖြစ်ခြင်းများ ကို မသဒ္ဓါ အနေဖြင့် စိုးစဉ်းမျှတုန့် ပြန်မှူ ပြုမည်မဟုတ်ပါ။ IP address အတု များသုံး၍ လက်သီးပုန်း ထိုးနေကြသော်လည်း တနေ့ သောအခါတွင် မိမိ ဘာပြောခဲ့သည်။ မိမိ ဘာလုပ်ခဲ့ သည် ကို မိမိဖာသာ မိမိသိကြပြီး နောင်တရကြမည် ဖြစ်ပါသည်။

သို့ ပါသော်လည်း..သူတို့ လေးများ၏ မွေးဖွား ကြီးပျင်းခဲ့သော ပတ်ဝန်းကျင် အသိုင်းအ၀ိုင်း၊ မျိုးရိုး မိဘတို့ ၏ ဂုဏ်သိက္ခာအား ထိမ်းသိမ်းစောင့်ရှောက်မှု၊ ယုံကြည် ချက်၊ အတ္တ၊ လောဘ၊ မောဟ၊ ဂါရ၀။ ကိုယ်ချင်း စာတ ရား။ မေတ္တာတရား။ ကတိ သစ္စာ နှင့် အရွယ်နှင်ယှဉ်၍ ရှိအပ်သော ပါရမီများအပေါ် အမေအရွယ် မြန်မာ မိန်းမတစ်ဦး အနေဖြင့် ရင်သပ် ရှူမောစွာ ဆင်ခြင် သုံးသပ်မိပါသည်။

လူလိမ်မာသား ယဉ်ပါး၍ သူယုတ်သား ဆိုးသွမ်း ရမ်းကားတတ်သော လူ၏ သဘောသဘာဝ နှင့် ပတ်ဝန်းကျင် နှင့် ရေမြေ အသက်မွေး ဝမ်းကျောင်းမှူသည် လူတဦး၏ သိက္ခာ သမာဓိနှင့် အကျင့်စရိုက်တို့ အပေါ် မည်သို့  အရောင် လွှမ်းမိုး တတ်ကြောင်း သင်ခန်းစာ ရရှိပါသည်။

အမျိုး မမှန်ပါက၊ ဗီဇ မမှန်ပါက တနေ့ တွင် မည်သည့် အပင်မျိုး ဖြစ်ကြောင်း ဗူးပေါ်သလိုသာ ပေါ်ရရိုး ထုံးစံ ဖြစ်ပါသည်။ အမျိုးမမှန်သော မျိုးစေ့မှ ထပ်ကျ၍ ပေါက်ကြမည့် အပင် ကလေးများသည် လည်း ဘမျိုးဘိုးတူ ကလေး များသာ ဖြစ်လိမ့်မည်ဟူသော ကောက်နှုတ်ချက်ကိုသာ ရင်လေးစွာ ချမိခဲ့ပါကြောင်း။

ဤ အတွက် ဖြစ်ပျက်တတ်သော သဘောသဘာဝ လူတို့ ၏ ဖြစ်တည် ချုပ်ငြိမ်းရာသည် နောက်ဆုံးတွင် လားရာ နေရာမှန်မှာ တမျိုးသာ ရှိကြောင်း အများသိစေရန် ဤ သံဝေဂ အလင်္ကာ ကို တင်ပြကိုးကားပါသည်။

ခင်မင်စွာဖြင့်
မသဒ္ဓါ (၁၀။၁၃။၂၀၀၈)

အပြည့်အစုံသို့ 

Saturday, October 11, 2008

မျိုးဆက်သစ်၏လှိုင်းတံပိုး..စစ်အာဏာတံတိုင်း ကိုချိုးမဲ့သူ

အမျိုးဂုဏ်အရောင်..ထွန်းရှိန်ပြောင်တဲ့..
ဇာနည်နွယ်ဘွား..ဗမာပြည်သားဆိုတာ..
ကဗျည်းထိုးရာဇဝင်မှာ..

ရှေးအစဉ်အဆက်..ဒါးရောင်လက်လက်.
သတ္တိထက်စွာ..ကာကွယ်ကြ
အမိမြေရဲ့ မြေတလက်မ..
အသက်သွေးကျ..စတေးခဲ့ကြတဲ့ဗမာ.။

သူ့ ကျွန်အဖြစ် နွံ့ နစ်မခံ..
လွတ်လပ်ရေးကို ခုခံကာကွယ်ရန်.
အမျိုးမြင့်မြတ်..ယုတ်လတ်မဟူ.
ပါဝင်ကူ၍
ရာဇသွေး၊ သံဃာ့သွေး။
လယ်သမား၊ အသည်သား။
တိုင်းရင်းသား၊ ကျောင်းသား
ပေါင်းစည်း သွေးသား..
ဒို့ ပြည်ကြီး လွတ်လပ်ရေးရခဲ့ဖူးတယ်။

လက်နက်ရှိသူ ဓါးထက်ထက်.
မတရားသက်သက်.အာဏာမက်
ရက်စက် ခြေမှုန်း.
လောင်းရ်ိပ်မိ အညွန့်တုံး
တိုင်းပြည် မီးဟုန်းဟုန်းထ..
လွတ်လပ်ရေးဆုံးခဲ့ရ..အမှောင်ကျခဲ့သည်။
တွေးကြည့်မိရင်. နှစ် ( ၄၆)
ခုထိ အာဇာနည့် သွေးတွေ မခြောက်သေးဘူး။
ခုထိ စတေးမှု တွေ မပျောက်သေးဘူး။

ဘယ်အရာမဆို..လွယ်လွယ်နဲ့မရ..
လွတ်လပ်ရေး မှန်က..သွေး အသက်ရင်းရ.။
ခုလည်း..ဆက် ရင်းကြရဦးမယ်။
ဒို့  တတွေကလည်း စိန်ခေါ်ရဲ
သူတို့ ကလည်း..ဆက် ညှင်းဆဲကြဦးမယ်။..
သတ္တိရင်း..အံကြိတ်ရင်း..
ဒို့ လက်ထက်မှာ ရင်းမလား..
နောက်မျိုးဆက်သစ်ကျမှ..ထိုးကြွေးမလား။
ဒို့ တွေ တာဝန်ကျေပြီလား။

အမွေ ဆိုတာ..
ကောင်းမွေသာ ပေးကြရရိုး..
အကြီးမှန်က
ဆိုးမွေကို..အံကြိတ်ခံရရိုး.
နောင်လာမဲ့ ပန်းငုံတွေ..
အနှောင်မဲ့ ပွင့်လန်းကြပါစေ။
လွတ်လပ်ခြင်း အမွေအနှစ်
ခံစားစံစား ထိုက်ပါစေ။

ဒို့ တတွေ မှာ..ဒဏ်ရာတွေ ဗလပွ.
နောက်တချက်ထပ်ရလည်း ပိုမနာတော့.
ရာဇဝင်ကြွေး.ဒီမှာဘဲ ပေးခဲ့ပါမိတ်ဆွေ..
နောက်လူတွေ ကံကောင်းကြပါစေ။
နောက်လူတွေ လွတ်လပ်ကြပါစေ။

ကိုယ်စိုက်တဲ့ မျိုးစေ့၊ ကိုယ်ရိပ်သိမ်းရမှာဘဲ။
တော်လှန်ရေးကို စထားသမျှ..
ဒို့ မသေခင် အပြီးသတ်ရမှာဘဲ..
ဒေါင်းဆိုတာ..တိုက်ပွဲစ..
တွန်သံပြ..မာန်ဟုန်မချ..
မသေမချင်း ပြန်လှန်ထ
ဆက်ခွပ်ကြစို့  သူငယ်ချင်း။

ပင်ပန်းနေသည်…ဒို့ သိသည်။
မလွယ်တမ်း ရင်ဆိုင်ရမည် ဒို့ သိသည်။
လက်နက်အား မပြိုင်နိုင်သည်.ဒို့ သိသည်။

သို့ ပါသော်ငြား..
သတ္တိအားစိတ်ဓါတ်..ဒို့ ကသာသည်။
အာဇာနည် ၏ သွေး..
ရာဇ၀င် အစောင်စောင်မှာရေးခဲ့..
အမိမြေ တလက်မအပေါ်.
မရေနိုင်အောင် စွန်းထင်းစေခဲ့
ဒို့ တွေသွေးစက် အပေါ်ကထပ်.
လူုဖြစ်ရမြတ်တယ် သူငယ်ချင်း။

မျိုးဆက်သစ်လူငယ်များ အစည်းအရုံး
ဒို့ တတွေ ဆက်လက်တော်လှန်နေဆဲ.
အဖြေမှားတဲ့ပုစ္ဆာ မှန်ကန်အောင်ပြင်ဆင်ဆဲ
ပျက်နေတဲ့ သံစဉ်..တေးသွားအမှန်ညှိနေဆဲ
လှေခွက်ကြီးကျန်..အလံမလှဲ..
အသက်သွေးစတေးရဲ..ဆက်လက်တိုက်မြဲ..
ဒို့ ခေတ်ကျမှ သွေးမကြဲ။

တယောက်ဖမ်းစေ..ဆယ်ယောက်ကြမ်းစေ..
တယောက်သေ..ဆယ်ယောက်မွေးဖွား..
အမှန်လမ်းကို သွားကြမဲ့သူ။
အမိမြေကို ချစ်မြတ်နိူးကြသောသူ..
အမိမြေလွတ်လပ်ရေး.အသက်ပေးမဲ့သူ..
စစ်အာဏာရှင်ကို အပြတ်သုတ်သင်ကြမဲ့သူ။
ရာဇ၀င် ကဗျည်းထူခဲ့
သမိုင်းသစ်ထိုးမဲ့ ဒို့ အာဇာနည်..
ကျနော်တို့ ဟာ
Generation wave လူငယ်များ ဖြစ်ကြပါသည်။

မသဒ္ဓါ ( ၁၀။ ၁၁။ ၂၀၀၈)
Generation wave တနှစ်ပြည့်အတွက်..
အမိမြေအတွက် အခွင့်အရေးမယူ။ လစာရိက္ခာမယူ။ အာဏာမယူ၊ နာမည်မယူ၊ ကျော်ကြားမှုမယူ၊ အမှန်ကို အမှန်အတိုင်း ရိုးရှင်းစွာမြင်. နိူင်ငံ၏ လွတ်လပ်ရေး အတွက် ရရာနေရာမှ.ရရာ လက်နက်ဖြင့် ရွတ်ရွတ်ချွံချွံ တော်လှန်သော သံမဏိ စိတ်ဓါတ်နှင့် မြင့်မြတ်သော ရဲဝံ့သော ကလေးများ အား လေးစားဂုဏ်ပြုပါသည်။

အာဇာနည်မျိုး သေရိုးမရှိ..
ဆက်လက် တိုက်ခိုက်အောင်မြင်ပါစေကြောင်း မသဒ္ဓါ နှစ်လည်ဆုမွန်တောင်းပေးပါသည်။

အပြည့်အစုံသို့ 

Thursday, October 9, 2008

လူ့ ဘောင်ဘဝ ပျက်စီးမှု၏ အခြေခံဇစ်မြစ်


ပြည်ရွာ ပျက်ခြင်း.
လူတို့ ၏ အသက်အဆင်း
ယုတ်လျှော့ခြင်း၏ အခြေခံ
မူလ အရင်းမြစ်တို့ အား..
မြတ်စွာ ဘုရားသည်
ဤသို့  ရှင်းလင်းပြတော်မူပေ၏

ချစ်သား ရဟန်းတို့ ...
၁) ပစ္စည်းဥစ္စာမရှိသူတို့အား
မင်းနှင့်ပြည်သူ၊ မပေးကူက
ဆင်းရဲခြင်းအား ပိုပွါးစေ၏၊

၂) ဆင်းရဲခြင်းတို့  ပွါးများ နောက်ဆက်
သူတစ်ထူး ဥစ္စာ ခိုးယူလာ၏၊

၃) လိမ်လည်ခိုးယူမှု ပွါးသမှုသည်
လက်နက် ပွါးများ တိုးတက်လာ၏၊

၎) လက်နက်ပွါး များ ပေါများလာသော်
အသက်သတ်မှု တိုးတက်ပြု၏၊

၅) အသက်သတ်မှု ပွါးများဘိသော်
မဟုတ်မမှန် ပြောမှု များပြားလာ၏၊

၆) လိမ်ညာပြောမှု ပွါးများလာသော
ကုန်းချောမှု ပွါးများလာ၏၊

ရ) ကုန်းချောမှု ပွါးများလာသော်
ကာမဂုဏ်တို့၌ မှားယွင်းစွာ ကျင့်မှုလာလေ၏၊

၈) ကာမဂုဏ်အာရုံ မှားယွင်းစွာပါက -
ကြမ်းတမ်းသော စကား
သိမ်ဖျင်းသော စကား
တရားနှစ်ပါးတို့ ပွါးများ ကုန်၏၊

၉) ထို တရားနှစ်ပါးတို့ ပွါးများလာသော် -
လိုချင်တပ်မက်ခြင်း (အဘိဇ္ဈာ)
ပျက်စီးစေလိုခြင်း (ဗျာပါဒ) တို့ ပွါးများ လာကုန်၏၊

၁၀) ထို တရားနှစ်ပါးတို့ ပွါးများလာကုန်သော် -
မှားသော အယူဝါဒ ပွါးများလာ၏၊

၁၁) မိုက်မှား အယူဝါဒ ပွါးများပါက...
မတရားသော တပ်မက်ခြင်း (အဓမ္မရာဂ)၊
အလွန်အကြူး တပ်မက်ခြင်း (၀ိသမလောဘ)၊
မှားသော အကျင့်တရား (မိစ္ဆာဓမ္မ) ၊
တရားသုံးပါးတို့ ပွါးများလာကုန်၏၊

၁၂) အဆိုးတရား ဤသုံးပါးတို့ ပွါးများလာသော် -
အမိကို မသိ
အဖကို မသိ
သံဃာဂုဏ်မသိ
ဗြာဟ္မဏဂုဏ်မသိ
ကောင်းစွာ ပြုသင့်သောကျင့်ဝတ်ကို မပြု
အမျိုးကို မလေးစား
ကြီးသူတို့ကို ရိုသေဂါရဝမဲ့ခြင်း ဟူသော...
မကောင်း တရား တို့သည် ဆင့်ကဲ ပွါးများလာကုန်သတတ်။

၁၃) ဤသ်ို့  မကောင်းသော တရားတို့ ပွါးများလေလေ
ပြည်ရွာပျက်ကြေ။ အမျိုးစုတေ
ထိုလူတို့၏ အသက် ဆုတ်ယုတ်တတ်၏၊
အဆင်းသည်လည်း ဆုတ်ယုတ်၏၊

မသဒ္ဓါ (၁၀။ ၉။ ၂၀၀၈)
စက္က၀တ္တိသုတ် (မှ)၊ ပါထိက၀ဂ်၊ ဒီဃနိကာယ်။
နာဂစ် အတွက် ဖြန့် နေသော လက်ဖဝါးများကိုသတိရနိုင်ကြပါစေ၊

အပြည့်အစုံသို့ 

အမှန် ရှာစေ..အိုချစ်ဆွေတို့ ။

(မှန်ပြီ ဟု မယူဆသင့်သော အချက် ဆယ်ပါး။)

တနေ့ သောခါ.
ကေသမုတ္ထိ နိဂုံးသား၊ ကာလာမမင်းတို့က
မြတ်ရှင် ဗုဒ္ဓ၊ ဂေါတမ အား
ချဉ်းကပ်လျှောက်တင်။ မေးမြန်းလေ၏

“ အသင် ဗုဒ္ဓ။
အချို့သော သမဏ ။
အချို့သော ဗြာဟ္မဏ တို့သည်
မိမိတို့ ၏ အယူဝါဒ
မိမိသာလျှင် ကောင်းကြောင်း
ချီးမွမ်းတတ် ကြပါကြောင်း။
အခြားသော အယူဝါဒ များကို ရူတ်ချ
ဟောပြောကြပါကြောင်း။

သို့ ဖြစ်သောကြောင့်
မည်သူမှန်သည်
မည်သူမှားသည် မသိရဘဲ
အစဉ်ပင် ယုံမှားသံသယ
ဖြစ်ကြရပါသည်”

ထိုအခါတွင် မြတ်စွာဘုရားအရှင်က
ဤသို့မိန့်တော်မူ၏ ။

" ကာလာမ မင်းတို့ ၊
သင်တို့မှာ ယုံမှားသံသယ
ဖြစ်သင့်လှပေစွ၏ ။
သင်တို့သည်

၁) တစ်ဆင့် စကား၊
ကြားပါများ ယုံ ဟုတ်မှန်နိုင်သည်
မယူဆသင့်။

၂) ရှေးက ဆိုရိုး၊ ဘေးဘိုး စဉ်ဆက်
ပြောကြားချက်ဖြင့်
မှန်ပြီ ဟူသည် မယူဆသင့်။

၃) သမိုင်း ထောက်ထား
ရှိသည်များ ကြောင့်၊
မှန်ပြီဟုလည်း မယူဆနှင့်။

၎) စာပေ ကျမ်းဂန်
ညီညွတ်ပြန် ဟု
မှန်ပြီဟုလည်း၊ မယူဆသင့်။

၅) မိမိကြံစည်၊ မှန်ရမည်ဟု
တက္ကဗေဒ၊ နည်းနာမျှ လည်း
မှန်သည် ဆိုငြား၊ မှတ်မမှားနှင့်။

၆) သူများ လုပ်ထုံး၊ နည်းမှီသုံး၍
မှန်ပြီဟုလည်း မယူဆသင့်။

ရ) ကျိုးကြောင်း ထောက်ထား
နှစ်သက်သွား ၍
ကိုယ်မှန်ပြီဟု မယူဆသင့်။

၈) သူများဝါဒ၊ ငါတို့ ဝါဒသည်
စဉ်းစားတူညီ၊ အယူနှင့်ညီမျှ
မှန်လေစွဟု ။ မယူဆနှင့်။

၉) ယုံကြည်ထိုက်သူ။
လေးစားသူကြောင့်
အမှန်ဝါဒ ဟုတ်မှန်လှဟု မယူဆသင့်။

၁၀) ငါ၏ ဆရာ။ လေးစားရာ၏
ငါ၏အကြီးကဲ၊ မြွက်ဆိုလှာ၏။
ဤသာအမှန် လက်ခံရန် ဟု
မျက်ကန်းတစ္ဆေ ၊ မယုံလေနှင့်။

အိုဘဲ့ ချစ်သား၊ အမျိုးသားတို့

ဤ အကျင့်သည်
ကောင်းလည်း မကောင်း၊
လျော်လည်း မလျော်
အပြစ်လည်း ရှိ၊
ပညာရှိကဲ့ရဲ၊ အကျိုးမဲ့ဆုတ်။
ယုတ်သောအကျင့်၊
ဆက်လက် ကျင့်က
အကျိုးမဲ့ကင်း၊ စီးပွါးမဲ့ခြင်း၊
ဒုက္ခအလျှဉ်း။ ဆင်းရဲခြင်းတိုး
ဤဆိုးကျိုးသာ ရရှိလာ၏
ကိုယ်တိုင်သိမူ
နားလည်ယူက။
ဆိုးကျင့်ကိုဖျောက်။ အမှန်ရောက်စေ။
ပြုပြင်လေ။

ဤ အကျင့်သည်
ပညာရှိသူ ချီးမွမ်း ယူ၍
ကုသိုလ် တရား။ စီးပွါးဥစ္စာ။
သုခ ချမ်းသာ၊ ရတနာတို့ 
ပေါကြွယ် တိုးမည်။ မုချမည်၏
မြတ်သော အကျင့်၊ ကောင်းသော အကြံ၊
မှန်သော အယူ။ ဖြူသော နှလုံး
ပြုမူထုံးက၊ လိုက်နာ သင့်စွ
ပြုကျင့်ကြ"


ဗုဒ္ဓ ရှင်မြတ်။ မိန့်မှာ အပ်သည်။
ကြားသိပါစေ။ ချစ်မိတ်ဆွေသို့ ။
အမှားအမှန်။ ကိုယ်တိုင် ဝေဖန်
ဆန်းစစ်စို့ ။

မသဒ္ဓါ (၁၀။၈။၂၀၀၈)

(အဂုင်္တ္တရ နိကာယ် ပါဠိတော် ပထမတွဲ ။ ကာလမ သုတ္တန်အရ)
ယုတ်သော အကြံ။ မှားသော အကျင့်နှင့် နှလုံးခြစားနေသော..မိတ်ဆွေများ အတွက်. မေတ္တာဖြင့် ဓမ္မ လက်ဆောင် ဝေမျှပါသည်။
မိမိဖာသာ..အမှန် ရှာဖွေနိူင်ကြပါစေ။

အပြည့်အစုံသို့ 

Wednesday, October 8, 2008

သက်ရောက်မှူတိုင်းမှာ တူညီသော တန်ပြန်အားရှိသည်။


မသဒ္ဓါ
ဤနေရာမှာ အမှန်တရား၏ ကဗျာ..
အေးဆေးစွာ ရေးပါသည်။

လူကြီးသူမ ဘဝ
အမှားတွေ မြင်ရတဲ့အခါ
မြန်မာရိုးရာ ထုံးစံ
သက်ကြီးစကား သက်ငယ်ကြားနိုင်ရန်
မသေခင် အမှန်ကို ဆုံးမပြုပြင်ခဲ့
စေတနာနဲ့ ကဗျာ..
မေတ္တာနဲ့ ကဗျာ.
ထိုက်သူ ယူ
မထိုက်သူ မရပါဘူး

ယူချင်သူ ယူ..
မယူသူ..ခေါင်းခါပြန်ပေါ့။
ကျမတော့ ဘယ်ခါ လက်မလျှော့
ယုံကြည်ချက် ဂရုဏာသာ ပဓါန။
ကျမ မည်သည့်အကြောင်းနှင့်မှ စိတ်ဓါတ်မကျ။

စွေစောင်းသာ..အရင်ရန်စ.
ခလေးမို့ ဖက်ပြန် ရန်မဖြစ်ပါဘူး.
သူ့ အမေကို သာ အမေချင်း စာနာ..
သူ့ မိဘကိုသာ မိဘချင်း စာနာ..
ကိုယ်သာ သူ့ အမေ နေရာ..
ရှက်လို့ သာလဲ သေလိုက်မဲ့ဖြစ်ချင်း
အမြင်ရှင်းရှင်း ဘဲရေးမိတယ်။
သားသမီးမကောင်းတာ မိဘမှာတာဝန်ရှိတယ်။

မသဒ္ဓါ (၁၀။၇။၂၀၀၈) စွေစောင်း၏ ဘလော့တွင်တင်ထားသော post အား အရင်သွားရောက်ဖတ်ရှု စေချင်ပါသည်.။
မသဒ္ဓါ ရေးထားသောကဗျာတွင် စွေစောင်းအပေါ် တိုက်ခိုက်ခြင်းအလျှဉ်းမရှိခဲ့ဘူးပါ။
စည်းကို စကျော်လာသူ က လူကြီးမိဘ ကိုမသိ ဘုန်းကြီး သံဃာကိုမသိ ဘုရားမသိသူဖြစ်၍ ပြန်ရေးပါသည်။

အပြည့်အစုံသို့ 

မြန်မာပြည်၏ မျက်လုံးပွင့်နေတဲ့ တရားဥပဒေစောင့်နတ်သမီး။


ကုန်ဈေးနှုန်း ကျဆင်းရေး ဆန္ဒပြခဲ့တဲ့ကိုထင်ကျော်
နအဖက နှုတ်ထမ်းထော်
နိုင်ငံတော်ကို အကြည်ညို ပျက်စေမှု ပုဒ်မ ၁၂၄ (က)
နိုင်ငံတော် လုံခြုံမှုကို ထိခိုက်ရန် လှုံ့ဆော်မှု ပုဒ်မ ၅၀၅ (ခ)
ဒါ လုပ်ကြံတဲ့ပုဒ်မ။

ဦးစိုးမြင့်ထိန်နှင့် အဖွဲ့
ဆင်းရဲသားကို ဆန်လှူဒါန်းခဲ့သူများ မနာလို မရှုစိမ့်အား
နိုင်ငံတော် လုံခြုံရေးကို ထိခိုက်စေမှု
ထောင်ထဲ နှစ်ကြာကြာနေစေဟု။

သူတို့ ဘဲသေနတ်နဲ့ပစ်၊ ဒဏ်ရာရသေသေ ဘာဖြစ်ဖြစ်။
ဒို့ က ပစ်တာမဟုတ်
တရားခံ ကသာ ဒို့ ပြောင်းဝကို လာတိုး
သေနတ်ပြောင်း ရှေ့ နှောက်ယှက်မှု
ကိုမြသန်းထိုက် အတွက်. ၄ နှစ် ထောင်ဒဏ်ဆု။

စီတန်းဘဲ လမ်းလျှောက်၊ ဘုရားတက်ဘဲ ဝတ်ပြု
သတင်းဘဲ ရေးရေး၊ ဘလော့ဘဲ ရေးရေး။
နိုင်ငံရေး DVD ဘဲ ကြည့်ကြည့်
တရားခွေ CD ဘဲလက်ထဲရှိရှိ
မေတ္တာသုတ်ရွတ်တာ အပြစ်
ဆန်လှူရင် အပြစ်။ ဆွမ်းလှူရင် အပြစ်။
ရေလှူရင် အပြစ်။ ငါးလွှတ်ရင် အပြစ်
မသာသဂြို င်္လ်ပေးသူ အပြစ်။ လူမှုရေးလုပ်ရင် အပြစ်
အင်တာဗျုးရင် အပြစ်။ သတင်းမှန်ရေးရင် အပြစ်
အချစ်ကဗျာရေးရင်အပြစ်။ ပျက်လုံးထုတ်ရင် အပြစ်
သီချင်းဆိုသူ အပြစ်။ ထုတ်ဝေသူ အပြစ်
သံလက်သီးနဲ့အထိုးခံရသူ အပြစ်
ဒီပဲယင်း ကားတန်းလိုက်စီးမိတာ အပြစ်
လူအခွင့်အရေးတောင်းဆိုမိတာ အပြစ်၊ မေဒေး နေ့  တက်ရောက်မိတာ အပြစ်
ဗိုလ်ချုပ်ဓါတ်ပုံ အလေးပြုမိတာအပြစ်၊ အလံထောင် စက်ဘီးစီးမိသူ အပြစ်
သံဃာတော်တန်း လက်တန်းကာမိသူအပြစ်၊ ကဗျာစာရွက် လက်ကမ်းမိတာအပြစ်၊
မှန်တာပြော အင်တာဗျုးမိတာအပြစ်၊ ၈၈ ကျောင်းသားဘဝ လူဖြစ်မိတာအပြစ်
မုဒိန်းကျင့် ခံစားရသူက အပြစ်၊ အစာငတ် လက်ဖြန့် မိတာအပြစ်
AIDS ရောဂါသည်များ အားပေးမိတာအပြစ်၊ အဓမ္မ လုပ်အားပေးကိစ္စ တိုင်စာပို့ တာအပြစ်
နိုင်ငံရေးလှုပ်ရှားသူ လင်ယူမိတာအပြစ်၊ ဦးဂမ္ဘီရ ယောက်ဖတော် မိတာအပြစ်
NLD အဖွဲ့ဝင်က လှေဌား.လှော်မိတဲ့သူအပြစ်
၈၈ကျောင်းသားဆွမ်းကြွေးပွဲ ဆွမ်းဘုန်းပေးတာအပြစ်။
နယ်ဘုရားဖူးသူများ ဘုန်းကြီးကျောင်းလက်ခံမိတာအပြစ်
NLD ရေဘေးကယ်ဆယ်ရေး ဥက္ကဌ ကယ်ဆယ်မိတာအပြစ်

နအဖဖော်လံဖား ဆောင်းပါးရေးသူဆို ကောင်းစား
သခင်ကြီးစားစရာ လာဘ်ရှာပေး. သမီးပေးစရာ သမက်ဖြစ်
ခေါင်းငြိတ်ကောင်းသူများ ညီလာခံ တိုင်းရင်းသားခေါင်းဆောင်များဖြစ်
စစ်ဗိုလ်ကတော်များ ရာထူးကောင်းကောင်းနေရာတိုးမြှင့်။
ပုဝါတကားကား နာဇီ မိန်းမအသင်းဖြစ်
ဓါးမြတိုက် လူသတ်ရဲသူများ ရာထူးတိုးမြှင့်
ထောင်ထွက်လူသရမ်း.စွမ်းအားရှင်ဖြစ်
စစ်တပ်သက်သာချောင်ချိရေးလုပ်ငန်း အနှိပ်ခန်းဖြစ်
ရှိသမျှ စက်ရုံများ. ပေါချောင်ကောင်း အိပ်ထဲလေလံပစ်
လေဘေး ရံပုံငွေ ဒေါ်လာဖြတ်စား.သပိတ်ဝင်အိပ်ဝင်သူဌေးဖြစ်
ဒုက္ခသည်ထောက်ပံ့ရေးပစ္စည်း စစ်ရိက္ခာများတဖြစ်လဲဖြစ်
စစ်တပ်ကိုလှူသူ..သီရိသုဓမ္မ ဘွဲ့ ရှင်အဖြစ်။
ရှိသမျှ ဆောက်လုပ်ရေးမှန်သမျှ..ထူး အစာဘဲဖြစ်။

ခလေးစစ်သား တွေ စစ်ကျွန်ဖြစ်
မိန်းခလေးပျို ယောက်ျားပျိုများလိင်ကျွန်ဖြစ်
တိုင်းရင်းသားပေါင်းစုံ စစ်ပြေးဒုက္ခသည်ဖြစ်
ပညာတတ်လူတန်းစားများရှား ဦးဏှောက်ယိုစီးမှုဖြစ်
ကူးစက်ရောဂါများ AIDS အများအပြားဖြစ်
ပတ်ဝန်းကျင်ပျက်ပြုန်း ရေကြီးမိုးခေါင်ဖြစ်
ပညာမရှိရှား ပညာရေးအဆင့်အတန်း နိူမ့်ပါး
ခလေးတွေ ဆော့ချိန်မရှိ မအား..အမှိုက်ပုံထဲ အစာရှာစား
ဗဟုသုတနည်း ကမ္ဘာ့လူတန်းစေ့ လိုက်မမှီမွဲ
ပြုံးနိုင်သူမရှိ..မျက်နှာသေမွဲမွဲ
လှပတဲ့မြန်မာ..စိတ်စေတနာအပြည့်မြန်မာ
ဗုဒ္ဓရောင်ဝါအောက်မှ မြန်မာ.
တိမ်မဲညို မစွန်းသင့်ပါ.

ကောင်းတာလုပ်သူမှာအပြစ်
မကောင်းတာလုပ်တတ်မှ နအဖချစ်
ဒီလိုတိုင်းပြည်မှ..မြောက်ကိုရီးယား လိုမဖြစ်.
ဘယ်နိုင်ငံဖြစ်ရဦးမလည်း။
ကြာကြာနေ စစ်တပ်လစာ
ဆန်နိူ့ ဆီဗူးနဲ့ ခြင် လခပေးတော့မှာ။

စားနေတာလည်း ကုန်တော့မယ် တော်ပါတော့။
ဖျက်ဆီးခဲ့သမျှ ကြေမွနေပြီဘဲ တော်ပါတော့။
သဘာဝပတ်ဝန်းကျင်ပျက်တော့မယ် ထိမ်းသိမ်းပြုပြင်ပါလော့
မြေပေါ်မြေအောက်သယံဇာတ ဘေးနိုင်ငံတွေဆွဲစားနေတာ ရပ်ပါတော့။
ချဉ်သီးပင်အောက်ချဉ်သီးရှား.မြန်မာစားဖို့ ချန်ခဲ့ပါဦး
ဒီမြေသည်. ဘိုးဘွားအမြေ.
ဆိုင်ကြတယ် မြန်မာအားလုံး။
ခုများတော့
စာရင်းမရှိ အင်းမရှိ.
ဘုန်းနေတာ မသေမချင်း အံတိုနေသည်အထိ
သေခါနီးမသာ..ပန်းပန်နေသည် အရှက်မရှိ

စစ်တပ်သမတ လခ..သမီးကို စိန်ဆင်န်ိုင်ပါသလား။
စစ်ဗိုလ်ချုပ်လခ..အိမ်ဘယ်နှစ်လုံး ဝယ်နိုင်ပါသလည်း။
ဝန်ကြီးလခ..ကားဘယ်နှစ်စင်း ၀ယ်နိူင်ပါသလည်း။
ချိပ်ပိတ်ကာ စစ်ဆေး..
တရားမ၀င်တဲ့ ငွေမဲ..သူတို့ မခိုးဘဲ ဘယ်ကရမလည်း။

ဘာဘဲလုပ်လုပ်. အယူခံဘယ်လောက်ဝင်ဝင်
ဥပဒေပုဒ်မ..ဘာဘဲ ကိုးကား
အမှန်ဆို မသိ မမြင် မကြား.
နအဖ ထီထွင်တာ
သက်သက် အမြင်ကပ်ပုဒ်မများ။

၂၀၀၈ မှာ နိုင်ငံရေးအကျဉ်းသား ၂၁၂၃ ထိ တိုးမြင့်
ပြန်လွှတ်သူ ၉၀၀၀ကျော် က ရာဇ၀တ်သားများ
လူသတ်ဓါးပြများ အပြင်ထွက်..
လာဘ်စားသူများ အပြင်ထွက်..
မုဒိန်း သမားတွေ စော်ကားကြပစေတဲ့
တိုင်းပြည်ကို ဆက်ဖျက်ကြစမ်းဟဲ့
စစ်တပ် လက်အောက် မနေလိုသူ
မညှာမတာ အမျိုးသာ ဖြုတ်ခဲ့ 
လူနာ မျက်ဖြုဆိုက်..ဆရာကကြိုက်
တိုင်းပြည် မငြိမ်တုန်ခိုက် နအဖကြိုက်.
ပြည်ကြီးမဟာ တည်မြဲဖို့ အရေး..
တပ်မတော်အရေး..ဒို့ တာဝန်အရေး..
တကယ်ကျ..ကိုယ့်မယားဝဖို့ အရေး။
ကိုယ်ဗိုက်ပြဲကားစားရဖို့ အရေး..
နအဖ ဒါဘဲတွေး.
ခလေးငယ်တွေ ဘာဘဲဖြစ်ဖြစ်.
မိန်းခလေးတွေ ဘာဘဲဖြစ်ဖြစ်.
သံဃာတွေ ဘာဘဲဖြစ်ဖြစ်
သာသနာ မစစ်..ဘယ်လောက်ညစ်ညစ်
ဒို့ မသာ မဖြစ်ဖို့ သာအရေးကြီးတယ်.
သံသရာ.ငရဲ ဘာညာ နအဖမကြောက်.
ဘုန်းကြီးရဲ့ ခေါင်းခေါက်။

ခုတော့ မြန်မာပြည်ရဲ့ တရားစီရင်ရေး.
ငွေများရာ တရားကနိုင်
ကျည်ဆန်လာမဲ့နေရာ..တရားကနိုင်.
လာဘ်ပေးပါမှ နိုင်ဖဲကိုင်
ရှေ့ နေဆိုတာ မလိုအပ်တဲ့အချိန်.
တရားသူကြီးများ အမြီးကျက် အမြီးစားချိန်.
ခေါင်းကျက် ခေါင်းစားချိန်
မျက်စိပိတ်ထားတဲ့ တခြားနိူင်ငံက
တရားဥပဒေရဲ့ နတ်သမီး..
မြန်မာပြည်မှာကျ မျက်စိပြူးပြီး..
ဘယ်ဘက်က လာဘ် ပိုများ
ဘယ်ဘက်က အာဏာ ပိုများ
ချိန်ခွင်နဲ့ ချိန်ပြီး စားတယ်။
မြန်မာ့ခုံရုံးရှေ့ ရေးရင်လေးဖွယ်။
မြန်မာပြည်မှာ တရားဓမ္မ ရှာလေလေဝေးတယ်။

မသဒ္ဓါ (၁၀။ရ။၂၀၀၈)

အပြည့်အစုံသို့ 

Tuesday, October 7, 2008

သူငယ်ချင်းရေ..မင်းနားကိုက်ခံရမှာစိုးသောကြောင့်


အမယ်မင်း ရှက်လှပါချည့်..
သားသမီးမတော်ရင်..မိဘခေါင်း..
မသဒ္ဓါ၏ အရွယ်တော်တန်း
ကျောင်းတော်က သူငယ်ချင်းဟောင်း
စွေစောင်း၏ မိဘကောင်းများ..
ဘယ်လိုများ သားသမီးကို
သွန်သင် ဆုံးမ ထားခဲ့ပါသလည်းကွယ်။
မင်း တို့  အစား ကိုယ်ရှက်တယ်
သူငယ်ချင်းတို့ ရယ်။

မင်းရဲ့ ရှူမငြီးတဲ့ သားလေးရွှေသွေး
စွေစောင်းဆိုတဲ့ စစ်ဗိုလ်ကလေး..
ငယ်စဉ်က.ရခဲ့တဲ့ ဘုရားစာ
ရှင်ပြုစဉ်..မှ.ဆိုခဲ့တဲ့ သင်္ကန်းတောင်း
ဦးပြည်းခေါင်းပြောင်..ကိုရင်ဆံချ..
သတိရဖူးမှာပါ..
မင်းတို့ မောင်နှံ ဝမ်းသာမျက်ရည်စို့ ဖူးတာ
ဗုဒ္ဓဘာသာဝင်..ခလေးဘဝသားအလိမ္မာ။

ဒီလို လိမ်မာခဲ့ဖူးပါသောသား..
ခိုးသားစခန်းရောက်..ကျေးသား
ပတ်ဝန်းကျင်၏အလို ကြမ်းတမ်းစကား
စစ်ဗိုလ်ဖြစ် မောက်မာသွား.
အမလေး..ကြားလို့ မယုံ နားဝခါး။
ဘာတွေ များ ဖြစ်သွားပါသလည်းကွယ်။

ငါနဲ့ ငါသာ နှိုင်းစရာ..
ငါ သာလျှင်မြတ်..အတ္တကပ်..
မောဟထပ်ထပ်..တဏှာနဲ့ဆုံးဖြတ်.
တနေ့ သုံးနပ်ဖဲစားနိုင်တဲ့ အစာ.
တနေ့  သုံးထည်ဘဲဝတ်နိူင်တဲ့အထည်.
တချိန်မှာ..တခါဘဲဝင်နိုင်တဲ့ အ်ိမ်သာ။
တချိန်မှာ..တခါဘဲထိုင်နိုင်တဲ့ ခုံနေရာ။
တချိန်မှာ..တစီးသာဘဲ စီးနိုင်တဲ့ ကား။
မင်းရဲ့ သားလေး ရွှေသွေး မောင်စွေစောင်းလေး
ဘယ်လောက် ကြာကြာ..ဖားနိုင်မလဲ
ဘယ်လောက် ကြာကြာ..စားနိုင်မလဲ.
ဘယ်လောက် ကြာကြာ.. ကြွားနိုင်မလဲ။
ဘယ်လောက် ကြာကြာ..ကောင်းစားနိုင်မှာလဲ။

ဘယ်လောက်ရွှေမှုန်ကြဲကြဲ
အပုပ်ကောင်ရုပ်ဆောင်တဲ့ လူသား
ဘဝဆိုတာ တကယ်ကျ..အလကား။
သေကောင်ကျရင်..စွန့် ပစ် လင်းတစား။

အနန္တသူရိယ ပြောကြားခဲ့တဲ့ အလင်္ကာ.
ဘဝဟာ ရေပွက်ကလေးသာ.
ရာထူးစည်းစိမ်..နိမ့်လျှော တစ်နေ့ သောအခါ
ဦးပေါ်ဦးပြခဲ့  ခေါင်းတလားအပြင်ဘက်က
ပလာနတ္တိ လက်ဖဝါးသက်သက် လူသေလက်
နောက် တမိနစ်..တစက္ကန့်  ဘာဖြစ်မယ် မသိခဲ့
အားလုံးဟာ..သံသရာ၏ သားကောင်..
မင်းသား မောင်က..မောဟနွံ အလူးလူး
လောဘနဲ့ အစွယ်ကြူးကြူး။
ပုတ်သင်တကောင် အဿပြာလည်ဆွဲ..
ခေါင်းတမော့မော့..အမှန်မမြင်ဘူး.။

ဗုဒ္ဓ ဘာသာပြယ်..
တရားဓမ္မ ကို ဖယ်..
မတရားသမျှ အမှန်ရယ်..
လူဆိုးဓါးပြ..စစ်နအဖအောက်ဆွဲမယ်..
ကိုယ်ဗိုက်ပြည့်..ငတေမာရင်.ပျော်တယ်.
တည့်တည့် အလင်းမမြင်တဲ့
သားလေး အမှောင်ဖုံးရင်..
မိဘတို့ တာဝန်မကျေ
မင်းမွေးရ ဝမ်းရေစပ်တယ် သူငယ်ချင်းရယ်။

လူကြီးကို..စော်ကား..တရားမရှိ
ဘုန်းကြီးစော်ကား..ဘုရားမရှိ.
ကိုယ်ချင်းစာတရား..နှလုံးသားမရှိ
စွေစောင်းလိုသားမွေးထားရ..
မင်းဘ၀ရှုံး၏။

ငယ်စဉ်က နာဘူးတဲ့ ပုံပြင်တပုဒ်..
ခိုးတတ်သော သားအား
အမွမ်းတင်ဖူးသော အမေ
ခိုးရာပါ ပစ္စည်းစား
" တော်လှချည့် ငါ့သား။ များများသာ ယူခဲ့
မိုးခါးရေဆို သောက်သာသောက်..ရရင်ခိုးခဲ့ "
ဥာဏ်မရှိမိုက်မဲ သူခိုး၏မိခင်..
သား ကိုဖမ်းမိ..
ကားစင်တင်တဲ့အခါ မှ..
သားက နားရွက်ကိုကိုက်
သား ခိုး တတ်တာ..
မှန်ရာ မသွန်သင်တဲ့ အမေမိုက်..
မင်း မှောင်မိုက်မှာ မငိုစေချင် သူုငယ်ချင်း။

အချိန်မလွန်ခင်..မင်းသွန်သင်ခဲ့..
မင်းသား လူသွမ်းကြီးစွေစောင်းခမြာ
အင်္ဂလိမာလ လို..
လက်ချောင်းရှာခဲ့ ဆရာကဆိုတိုင်း..
မွေးမေ့ လက်တောင်ဖြတ်မဲ့သား..
ကံကြီးမထိုက်ခင်..သွန်သင်ခဲ့ပါလား..
ဒါမှသာ..မင်းဟာ အမေကောင်း..
မင်းသားလည်း ဇာတ်သိမ်းကောင်းမယ်။

မသဒ္ဓါ (၁၀။၆။၂၀၀၈)
စွေစောင်း (သို့ ) နေလင်းမောင်၊ ကိုယ်ပိုင်နံပါတ် ၃၅၇၅၆၊ အဖကားဒရိုင်ဘာ၊ နေရပ် မန္တလေး ပိုက်ကျုံး၊ လက်ရှိနေရပ် Mephi University (Russia, Moscow)၊ (http://oppositeyes.blogspot.com/) ၏ မိခင်..မသဒ္ဓါ၏ သူငယ်ချင်းသို့  " စိတ်မကောင်းပါဘူး သူငယ်ချင်းရယ်။ ဖော်လံဖား..စစ်ဗိုလ်အမေ လုပ်ရတာ..ဂုဏ်ရှိတယ် ထင်ရသော်လည်း..ကုသိုလ် က တပဲ ငရဲက တပိဿာ "

အပြည့်အစုံသို့ 

Friday, October 3, 2008

ကျွန်ပ်သေလွန်သော်..သင် ဆက်တာဝန်ယူ


ကိုယ့်ဝမ်းနာ ကိုသာသိ..
ကိုယ်ကကျုး ဒူးတောင်မယုံရမဲ့သတိ..
အတ္တာဟိ..အတ္တာနော နာထော..
မိမိ ဖာသာကိုးကွယ်ရာတည့်..

ရှိသမျှ..အရပ်လှည့်အော်..
ကယ်မဲ့သူ မရှိ..
မိမိဖာသာ အားကိုး ..
တော်လှန်ထိုက်ပေပြီ သတိ။

အိမ်နီးနား အယောင်ဆောင်.
ဂုတ်သွေးစုတ်နေ၏
အမိမဲ့ ပြည်သူများ နိူးကြားစေ
အမှန်ကို သိ။

ဘိုးဘွားပိုင် အရင်းမြစ်များ..
စစ်တပ် အလွဲသုံးစားနေဘိ။
အနိူင်ကျင့်ခလေးသာ နို့ စို့ ရ
လူရမ်းကားဂျပိုးများ စွမ်းအားရှင်ဖြစ်နေ၏။

တရားမျှတနေရေး.ကြိုးစားရေးက
ဓမ္မ နဲ့ သုဂတိ။
အာဏာနဲ့  ငွေကြေး
မက်မောတာက အဂတိ။

ပြည်တွင်းက အား..
ပြည်တွင်းမှာဘဲရှိ။
စစ်အာဏာရှင် ဖ်ိအား.
ပြင်းလွန်းက ပေါက်ကွဲမည်သိ။

ထင်းစည်းများရဲ့ အား
ခိုင်မာ စုစည်းထားရာ၏။
တချောင်းစီ မကျိုးမီ.ညီညာသတိ။

ရေအလျှင်တိုက်စား
ကျောက်သားတောင် ပွန်းပဲ့တတ်၏။
ပြိုင်တူ.တတပ်တအားကြိုးစား
မဖြစ်နိူင်တာ ဘာမျှမရှိ။

ဒို့ လူကလေးများညီကြ..
ရင်ဘောင်တန်းကြမယ် လာညှိ။
မင်းယုတ်ကို အပြုတ်လှန်..
ဒါဒို့  သမိုင်းပေးတာဝန်မှန်၏။

ဒို့ ဘိုးဘွားပိုင်မြေ
အားလုံး တာဝန်သိ.
ဒို့ မြေ ဒို့ ရေ..ဒို့ အမျိုး
ဒိ်ု့ သွေး နဲ့ ဒို့ သာသနာ..
စစ်ဖနောင့်အောက်..အညွန့် ကျိုးနွမ်းကြေ
မတရားခြယ်လှယ်.မျက်နှာငယ်ရ၏။

သင်သည်..အမိမြေမှဖွား.
သားကောင်းဇာနည် အတိ
အမိမြေကို ကာကွယ်ရန်တာဝန်ရှိ..
နောက်မဆုတ် ရဲရင့်..
တော်လှန်ရန် သစ္စာ ကတိ
မြန်မာမှန်.ပါဝင်ထိုက်ပါ၏။

တဗိုလ်သေ တဗိ်ုလ်တက်.
တော်လှန်ရေးဆိုသည်.
မပြီးဆုံးက မျိုးစဉ်ဆက်လက်
တာဝန် ထမ်းရွက်ရိုးသည်။

ကျွန်ပ်သေကြေ..၀မ်းမနည်းနဲ့ 
ဆက်လက်ကာ..တာဝန်ယူပါလှဲ့ 
သာသနာရောင်ဝါထွန်းစေဖို့ 
အမျိုးနွယ်..ခိုင်မာမပြတ်စေဖို့ 
မြန်မာဂုဏ်ထည်.မျက်နှာမငယ်စေဖို့ 

ကျွနု်ပ်တို့ သွေး..စတေးခဲ့မည်.
ရဲရဲဝံ့ဝံ့..ရှေ့ သို့ ချီ။

မသဒ္ဓါ (၁၀။၂။၂၀၀၈)

အပြည့်အစုံသို့ 

 
/* EOT ----------------------------------------- */