ကြံကို ဘယ်နေရာက စ စားမလည်း..

တရံရောအခါ
အင်းဝ ၀န်ဇင်းမင်းရာဇာ နှင့်
မွန်ပညာရှိ အမတ် သီဟပတေ့
မွန်မြန်မာ အမတ် နှစ်ပါး..
စစ်မက်ရန်သတ်၊ အပစ်အခတ်ရပ်
သစ်ကညင်အရပ်။
ငြိမ်းချမ်းအတွက် စေတမာန်၊
ပြည်ထဲရေး၏ စကားဆိုရန်
တွေဆုံကြလေ၏။

မွန်အမတ်သည် ကြီးသူကို လေးစား
ရိုကျိုးစွာ နိုမ့်ရာက ခစား၏။

ဝန်ဇင်းမင်း လည်း
အပြန်အလှန် လေးစား
"သင့်တင့်သောနေရာတွင် ထိုင်ပါအဆွေ" ဖိတ်လေ၏။

မင်းနှစ်ပါး အဆုံ
မည်သို့ စကားကို မည်သို့ ဆို..
မေးခွန်း မေးလေသတတ်။

မင်းရာဇာ။ ။ “အဆွေတော် သင်အမတ်
အရှည်ငြိမ်းချမ်း တူယှဉ်တွဲရေး
ပြည်ထဲရေးကို ဆိုရေးငှါ..
စစ်သူကြီးကဲ့သို့  ဆိုမည်လော..
ပညာရှိကဲ့သို့ ဆိုအံ့လော”

သီဟပတေ့ ။ ။ “ အိုဘဲ့ အမတ်မင်း..
စစ်သူကြီးမည်သည်..
နှစ်သက်သော စကားကြားက နားဝင်။
မနှစ်သက်သော စကားကြားက စစ်ဆင်။

ပညာရှိတို့ မည်သည်..
ဟုတ်မှန်သော စကားကြားက
အသာတကြည် နားဝင်။
မဟုတ်မှန်သော စကားကြားက
သက်သေ သာဓက
ညင်သာ ချိုသာ ငြင်းလေ၏။

သ်ို့ တပြီးကား နှစ်နိုင်ငံအရေး..
အကျွန်တို့  ပညာရှိနှယ် ဆွေးနွေးကြပါအံ့”
ဤသို့ တပြီးကား.
အမတ်မင်းနှစ်ပါး စစ်ငြိမ်းရာအရေး
ဆွေးနွေးကြလေ၏။

သီဟပတေ့ ။ ။ “သမီးကညာ ကြံ၊ ပညာရှိ
ဤအတုမရှိသော ဘ၀၏ အရသာ
မေတ္တာဖြင့် အကျွန်ဆက်၏။
ဝန်ဇင်းမင်းရာဇာ သုံးဆောင်တော်မူပါ”
အသင့်ယူလာသော ကြံဖြူကို
ဆက်ကပ်လေ၏။

မင်းရာဇာ။ ။ “ကောင်းပါပြီ အမတ်မင်း
မေတ္တာဖြင့်ပေးသောကြံ
အကျွန်သုံးဆောင်ပေအံ့”
မင်းရာဇာသည် ကြံ၏အဖျားမှစ၍
စားသုံးလေ၏။
မွန်အမတ်ကား အရင်းမှ စ စားသုံးလေ၏။

သီဟပတေ့ ။ ။“ အိုဘဲ့  အဘိုး မင်းရာဇာ
ဘယ်သိုအကြောင်းကြောင့်
ကြံဖျား အရသာမဲ့ကင်း ရာမှ
စတင် သုံးဆောင်ပါ၏နည်း အရှင်”

မင်းရာဇာ။ ။ “ အကျွန်သည်ကား
ဗေဒင်အလို..အရသာကို
နည်းရာမှများရာ တိုးတိုးရစေ..
အဖျားမှစ စုတ်ပေလေ၏။”

သီဟပတေ့ ။ ။“ ဘ၀ဟူသည် တိုပါဘိ။
ကွေးသောလက် မဆန့် 
ဆန့် သောလက် မကွေးမီ..
အရသာ ကောင်းမခံစားရမီ
သေလွန်ရှိက..အရှင်..
ချိုသော အရသာကို သင်မသိ..
ပညာရှိမမည်ပါ၏ လော”

မင်းရာဇာ။ ။ “သင် ၏ စကား
တရားတော်၏ ညီပေ၏။
ငါ၏စကားထက် သင်၏စကားက ထက်ပေ၏”

အမတ် သီဟပတေ့
သဘောတော် အလွန်ခွေ့ လေသတတ်။
သီဟပတေ့ ။ ။ “ နောင်တော် မင်းရာဇာ..
သင်သည် အမှန်ဆိုဘိ၏။
အကျွန် နှစ်သက်ပါပေသည်။
သင်သည်လည်း မမှားပေ။
တရားတော်နှင့်သာ မညီခြင်းတပါး
အရှုံးကို ၀န်ခံရဲသောပညာရှိ.
အမှားကို လက်ခံရဲသောပညာရှိ.
သင်လိုလူသည် ဘယ်မရှိ
အကျွန်ပ်၏ တပိဿာခွဲ အလေးချိန်ရှိ ကွမ်းအစ်
ပဏ္ဍာအဖြစ် လက်ခံတော်မူပါ”

မင်းရာဇာ။ ။ “ လောက၀တ် ဓမ္မ၀တ်
ကုံလုံပါသောပညာရှိကား ရှားပါလေ၏
သင်သည်ကား ပညာလည်းရှိ လိမ်မာသိ၏
ပညာရှိကျေးဇူး အထူးသိ၏
ပညာရှိတဦး၏ ကျေးဇူး
အခြားတစ်ဦးမှ ဖော်ပြချီးမွမ်းမှုကား မရှိသလောက်ရှားလေစွ
သင်သည် အမှန်ပင်
မင်းတိုင်ပင် မွန်ပညာရှိ ဖြစ်လေ၏”

ဤနှယ်ပင် အမတ်မင်း နှစ်ပါး..
ချစ်ကြည်စွာဖြင့် ငြိမ်းချမ်း..
လူမျိူးနှစ်မျိူးကြား ပေါင်းစည်းညီရေး..
မေတ္တာဖြင့် ဖြေရှင်းလေ၏။

ဤပုံပြင်၏ အချုပ်
ငြိမ်းချမ်းရေးကိုတည်ဆောက်လျှင်..
နှိမ့်ချမာန..ပျော့ပြောင်းစွာ မေတ္တာဖြင့်ပြင်

ဆင်ခြင်ပါလေ။
မြန်မာ အမတ်သည်..
အဘယ်ကြောင့်ကြံကို အဖျားမှစားသနည်း..
မည်သည့် အရာမဆို..နိမ့်ရာမှ မြင့်ရာ
အောက်ခြေမှစ အထက်သို့ တိုးတက်ရာ
ကြံဆောင်ပေ၏။
အောင်မြင်ပါက ၀မ်းသာရှိ၏။
ဘ၀၏ ပီတိ..အဆုံး၏ အောင်မြင်မှူအရသာ
မြတ်ပါလေသောကြောင့် ကြံဖျားမှစ၍ စား၏။
ဤ လုပ်ရပ်သည် မမှား အကျိုးများစေနိူင်၏။

ကြံရင်းမှ စစားခြင်းသည်..
စည်းစိမ်ချမ်းသာ ယခု ရှိသော်ညား
တဖြေးဖြေး လွင့်စင်ပျောက်..
ပျက်စီးခြင်းသဘောသို့ ရောက်၏
မိမိ သာယာရာသာ တနပ်စား..
တကိုယ်ကောင်းသမားများနှင့်တူလေ၏။
ဘ၀တဏှာများ မိမိအရေးသာလျှင် မိမိကြည့်လေ၏။

ဤသည်ကို မင်းရာဇာသိသော်ညား..
စစ်မက်အရေး ငြိမ်းချမ်းရေးအတွက် လာသူ..
အသေးအမွှား ငြင်းခုန်နေ၍ အကျိူးမရှိ
ပညာရှိမာနထက်စာ ချင့်ချိန်ရမဲ့ ပြည့်သူ့ မျက်နှာ
အနိူင်ယူသူကို အရှုံးပေး
ငြိမ်းချမ်းရေးအတွက် သိက္ခာကိုရင်း
မွန်အမတ်မှန်သည်ဟု ဆိုလေသည်။

နိူင်ငံတစ်နိုင်ငံ လူမျိုးကွဲ မူကွဲ
အတူတကွ ငြိမ်းချမ်းရန်စဲ
ရှဥ့်လည်းလျှောက်သာ ပျားလည်းစွဲ
အဆုံးမှာ အကျိုးများရန်သာ မူရင်း
ညီညွှတ်တည်မြဲရန်..တည်ဆောက်ရမည် နိုင်ငံတခု

ကဲ ဘယ်သူက
ကြံကို ဘယ်နေရာက စစားမလည်း..
တွေးတောကြံစည်..သဘောပေါက်သင့်ပြီ။

မသဒ္ဓါ ( ၁၁။၂၆။၂၀၁၀)
အကိုးအကား..ဒေါင်းဖတ်စာ။ ။

အပြည့်အစုံသို့ 

အကျဉ်းချုံး

ဂုဏ်ပြုထိုက်သောသူကို ချီးမြှင့်ခြင်း၏ မင်္ဂလာတစ်ပါး..

သောတာပန် ဟူသည်
သောတ နှင့် အာပန္န ပါဠိ အရ
သောတ-ဟူသော
သမ္မာဒိဋ္ဌိ၊ မှန်သော အမြင်
သမ္မာသင်္ကပ္ပ၊ မှန်သော အကြံ
သမ္မာဝါစာ၊ မှန်သာ စကား
သမ္မာကမ္မန္တ၊ မှန်သော အမှု
သမ္မာအာဇီဝ၊ မှန်သော သက်မွေးမှု
သမ္မာဝါယာမ၊ မှန်သော အားထုတ်ပြု
သမ္မာသတိ၊ မှန်သော ဆင်ခြင်အောက်မေ့ခြင်း။
သမ္မာသမာဓိ၊ မှန်သော တည်ကြည်ခြင်း
ဤ ရှစ်ပါး သော မဂ္ဂင်…
ဦးစွာအလျှင်ရောက်ရှိသောသူသာ
သုံးပါးသော ဘုရား တရား သံဃာ
အကြွင်းမဲ့ သက်ဝင်ယုံကြည်နိုင်သူသာ
ငါးပါးသီလ မကျိုးမပေါက်
ပြည်စုံခိုင်မာခြင်းသောသူသာ..
သောတာပန္န-သောတာပန်ရသောသူ မည်၏။

၁။ ဒါနပါရမီ…ရက်ရော ကူညီစောင့်ရှောက်တတ်သောသူ

၂။ သီလပါရမီ သန့် ရှင်းစင်ကြယ်သော အကြံအစည်၊
အပြုအမူ ၊အပြောအဆို ၊ စည်းကမ်းရှိ..ယဉ်ကျေးသိမ်မွေ့သူ

၃။ နိက္ခမပါရမီ၊ တစ်ကိုယ်ကောင်းမဆန်၊ ကိုယ်ကျိုးမရှာသူ၊
အများအတွက် ကိုယ်ကျိုး စွန့်လွှတ်နိူင်သူ

၎။ ပညာပါရမီ ။ ပညာရှိသူ ၊ အမှန်တိုင်းသိမြင်နိူင်သူ
အများကို အမှောင်မှ အလင်းသို့ ပို့ဆောင်နိူင်သူ
အသိဥာဏ် ဗဟုသုတ ခေါင်းဆောင်နိုင်သောသူ

၅ ။ ၀ီရိယပါရမီ သတ္တိရှိစွာ ကြောက်ရွံ့မဲ့ကင်း
ရည်မှန်းချက်ပန်းတိုင် ဇွဲခိုင်ခိုင်ဖြင့် ကျော်လွှားနိူင်သောသူ

၆။ ခန္တီပါရမီ သည်းခံစိတ်ရှည် ခွင့်လွှတ်တတ်သောသူ

၇။ သစ္စာပါရမီ မှန်ကန်ရိုးသားတည်ကြည် မုသားမဲ့သောသူ

၈။ အဓိဋ္ဌာန်ပါရမီ ပန်းပွင့်လို နူးညံ့ ကျောက်ဆောင်လိုခိုင်မာ
ခိုင်မာပြတ်သား သံမဏိစိတ်ထားနဲ့သူ

၉။ မေတ္တာပါရမီ ကြင်နာသနား
သွေးရင်းနှယ် ဂရုဏာထား..ပြုစုစောင့်ရှောက်တတ်သူ

၁၀။ ဥပေက္ခာပါရမီ စိတ်လှုပ်ရှားမဲ့ ညီမျှတည်ငြိမ်မှု
အေးချမ်းတည်ငြိမ်သူ ဖြစ်ရမယ် ၊

ဤရခဲ့သော ပါရမီတရားဆယ်ပါး
ပြည်စုံသူသာ သူတော်ကောင်း အာဇာနည်တပါး။

ဒေါ်စုနဲ့ မသဒ္ဓါ အပြင်မှာ မမြင်တွေ့ ဖူးပါ။
ဘုန်းတော်ဘွဲ့ တွေရေး…မသဒ္ဓါ ငတ်သူလည်း မဟုတ်ပါ။
ချီးမြှင့်ထိုက်သူ ချီးမြှင့်ရသော မြတ်မင်္ဂလာ
မသဒ္ဓါ မွေးဖွားခဲ့တာ အမျိုးကောင်းသမီး၏ နေရာ။

ကဲ့ရဲ့လွယ်သလောက် အကောင်းမြင်မှုပျောက်နေတဲ့
ကပ်လောကထဲ..မသဒ္ဓါ၏ ချီးမြှင့်မှုဆိုတာ..
အတ္တိသရ ၀ုတ္ထိအလင်္ကာ မဟုတ်ပါ။

သူမ၏ ကျေးဇူးသည် တင်နေတာ မြန်မာ၏ အကြွေး
သူမ၏ ပေးဆပ်မှုသည် ကျမတို့ အတွက် သမိုင်းရေး..
သူမ၏ စွန့် လွှတ်မှုသည် တမျိုးသားလုံး ကောင်းစားရေး

ဝေဖန်ကဲ့ရဲ့တတ်သော သူများရယ်
သင်သည် ဤသို့ စွန့်လွှတ်နိုင်ပါသလော...
သင်သည် ဖော်ပြပါ အရည်အချင်း ပြည့်စုံပါ၏လော။
လက်ညှိုးထောင်သူရှိရင်..သင့်အတွက်ပါ
ကျမ ချီးမြှင့်ပေးပါ့မယ်။ လာဆက်သွယ်။

ကဲ…
ဒီအတွက် ထိုက်တန်သော သူတော်ကောင်း၏ ဂုဏ်ရည်။
အထက်ဖော်ပြပါ အရည်အချင်းများ ပြည်စုံသောလူ သည်
လေးစားလောက်ပါသော ဒေါ်အောင်ဆန်းစုကြည်
ဝိသာခါသို့  မိန်းမ ကျမ ဂုဏ်ပြုပါသည်။

မသဒ္ဓါ ( ၁၁။၂၅။၂၀၁၀)

နာမည် အတွက် မရေး
ငွေကြေး အတွက် မရေး..
ပေါ်ပင် အတွက် မရေး
ဖားလို၍ မရေး
ယုံကြည်မှူအတွက် ကျမ ရေးသည်။

အပြည့်အစုံသို့ 

အကျဉ်းချုံး

ဝိသာခါလို မိန်းမမြတ်

ဘုရားဟော ကျမ်းဂန်

ရှေးထုံး၏ အမှန်..

အမျိုးမတူသူ မယူရ..

တားဆီးခဲ့တာ ဘယ်မှာမှ မရှိ။

လူ့ သမ်ိုင်းစဉ်ဆက်၊ လူမျိုး အယူ မတူသူ

သမီးပေး သမီးယူ၊

ငြိမ်းချမ်းရေး၏ အမူအကျင့်၊

လူတွေ ကျင့်ခဲ့တယ်။

မြန်မာ မင်းသမီးငယ်၊ တရုတ်ထံဆက်၊

ရှမ်းစောမွန်လှ၊ မြန်မာနဲ့ လက်ဆက်။

သီဟိုဃ် မင်းသမီးငယ်၊ ပုဂံနန်းထက်။

အမျိုး မယှက်ရတဲ့ ဥပဒေသ၊

လူ့ ဘောင်လောကမှ မတည်ရှိ။

ရဟန်းအမ ၀ိသာခါ

အမျိုးမတူသူကို ယူရပေမင့်

တက္ကဒွန်း အယူမှားသူ

ယောက္ခမ ကို ကယ်ဆယ်ချင်တာနဲ့ 

ကျမ ယောက္ခမကြီး၊ အဟောင်းစားသူ လို့ 

ရဲရဲဝံ့ဝံ့ ဆိုခဲ့တဲ့ သူ။

အမျိုးတူတူ မတူတူ၊ အရေးမဟုတ်

အတွေးမတူ ၀ါဒမတူသူ ကို ကယ်ထုတ်

ဗုဒ္ဓဘာသာဝင်ကို ဖြစ်စေခဲ့တာ

သောတာပန် ရဟန်းအမ မိဂါရ မာတာ

သို့ မဟုတ် ယောက္ခမ၏ မိခင်ကြီး ၀ိသာခါ။

မိမိ၏ အရွယ်၊ အလှ၊

မိန်းမသားတို့ဘ၀၊

ဣနြေ္ဒ၊ တန်ဖိုးများကို ထမ်းသိမ်းခဲ့တာ

ဒါန အရာ ဧတဒင်္ဂရ၊ ကျောင်းအမကြီး ၀ိသာခါ။

လောကဓံ၏ တရားရှစ်ပါး..

ဘုရားပင် မလွန်ဆန်နိုင်သောတရား.

ချစ်သူလည်းရှိ၊ မုန်းသူရှိ၏။

ချီးမွမ်းသူရှိ၊ ကဲ့ရဲ့ရှိ၏။

မှန်သည်မြင်၏၊ မှားသည်မြင်၏

ပဓါနသည်..မိမိ၏ စေတနာ..

ပညာမရှိသူ လက်ညှိုးထ်ိုးကဲရဲ့.

သိက္ခာ မရှိ..မရှက်သူ ပြောကြပါစေ။

အများထုချစ်..တယောက်က ဆဲဖြစ်တာ

ဒါဟာ အရှက်မရှိသော သူ့ ၏ သိက္ခာ။

ဒေါ်စုကို အမျိုးမတူသူယူ၊

ဘယ်သူဝေဖန် မလည်း။

သင်လည်း..အမျိုးမတူတူတူ၊

နှစ်သက်ရင် ယူမှာပါဘဲ။

မရ၍ မေးငေါ့၊

ဒီစိတ်ဓါတ်တွေ ယုတ်ညံ့ပါဘိတော့။

ဘယ်အမျိုးတူတူ၊ အသွေးအရောင်မတူတူတူ

ကြိုက်သူ ယူခွင့်ရှိတယ်။

ပဓါန အရင်းခံ၊ မိမိ အယူကိုသာ ရည်သန်

အဝေးရောက်စေငြား၊ ဆံပင်ရှည် ထမီဝတ် ပန်းပန်

အိနြေ္ဒ သိက္ခာနဲ့ ၊ ထိုက်တန်သူသာ ယူခဲ့သူပါ။

ဗုဒ္ဓဘာသာ၏ မိခင်မှန်၊ အလှူဒါန ထက်သန်

သားများကို ရှင်ပြု၊ ဘာသာကို ရှင်သန်ပြုစုသူ..

သူတော်ကောင်းသာ ပြုနိုင်သောတရား။

ကြွယ်ဝသမျှ နိူဘယ်၊ ဆုလာဘ်ငွေသား

အိပ်သွန် ဖာမှောက်၊ မခြွင်းချန် တချပ်တပြား

နိူင်ငံ သို လှုရဲ သော ဒီ မိခင်။

ခေါ်တွင်ထိုက်သူ မြန်မာ၏ မိခင်။

ဒီလူကိုမှ သမိုင်း မတင်

မသဒ္ဓါ တို့  ညံ့လိုက်သပါ့ ရှင်။

မြင်အောင်ကြည့်ပါ ဝေဖန်သူရယ်။

ရှင့် မျက်ချေးရေးရေး၊ ရေစိုအ၀တ်လေးနဲ့ ဆေးပါဦး

သိပ်မကြာပါဘူးရှင်။ စောင့်ကြည့်ပေါ့။

အဟောင်းစားသူ လူယုတ်

ဗေဒင်ဆရာ တက္ကဒွန်းကို၊ ကိုးကွယ်သူ ပုပ်

အဘအို ကိုပင် ငြိမ်းချမ်းစွာ မေတ္တာပြ

အယူမှားကို ချွတ်နိုင်တဲ့အချိန်ကြရင်

ငယ်သူကို ကြီးသူက၊ ဦးညွှတ် ဒူးထောက်

ခေါ်လောက်မဲ့ ဒီ နာမည်။

မြန်မာ့မိခင် အောင်ဆန်းစုကြည် ဆိုတာ

ဘဘ၏ မာတာ။

မသဒ္ဓါ (၁၁။၂၄။၂၀၁၀)

ဝိသာခါ ဆိုတာ ဘယ်သူလည်း သိချင်သူများအတွက်

ဝိသာခါကျောင်းအစ်မ

ဒါနာဘိရတ ဧတဒင်္ဂရ ဥပါသိကီ

“ရဟန်းတို့ လှူဒါန်းခြင်း၌ မွေ့လျော်ကုန်သော ငါ၏ သာဝိကာ ဥပါတိကာတို့တွင် ၀ိသာခါသည် အမြတ်ဆုံးဖြစ်၏” ဟူ၍ မြတ်စွာဘုရား၏ ဧတဒင်္ဂထားခံရသော ဒါယိကာမကား “မိဂါရမာတာ” ခေါ် ၀ိသာခါပေတည်း။

ရှေးလွန်လေပြီးသော ကမ္ဘာ တစ်သိန်းထက်၌ ပဒုမုတ္တရမြတ်စွာဘုရားပွင့်တော်မူသည်။ ရဟန်းတစ်သိန်း ခြံရံသည်။ ခမည်းတော် မယ်တော်တို့မှာ သုနန္ဒာမင်းကြီးနှင့် သုဇာတာ မိုဖုရားကြီးတို့ဖြစ်ကြပေ၏ ။

ထိုအခါဝယ် ၀ိသာခါလောင်းလျားသည် မြတ်စွာဘုရား၏ အလုပ်အကျွေးဒါယိကာမနှင့် ရင်းနှီးသော အဆွေခင်ပွန်း ဖြစ်ခဲ့၏။ ထိုမြတ်သော အလုပ်အကျွေး ဒါယိကာမသည် မြတ်စွာဘုရား အမှူးပြုသော သံဃာတော် အရှင်မြတ်များနှင့် အကျွမ်းဝင်၏ ။ ရှစ်ပါးသောဆိုကို ရ၏။ မိခင်အရာ၌တည်၏။ မြတ်စွာဘုရားထံတော်သို့ ညရော နံနက်ပါ မပျက်မကွက် ရောက်လေ့ရှိပြီး ပစ္စည်းလေးပါးဖြင့် လုပ်ကျွေး၏ ။

ဝိသာခါလောင်းလျာ ဒါယိကာမသည် သူ၏ခင်ပွန်းမကို အားကျ၏ ။ ထို့ကြောင့် မြတ်စွာဘုရားထံတော်တွင် လျှောက်ထားစုံစမ်းသည်။ ထို့နောက် မြတ်စွာဘုရားနှင့် သံဃာတော်တစ်သိန်းကို အိမ့်သို့ ပင့်ဖိတ်သည်။ ခုနှစ်ရက် ပတ်လုံး ဆွမ်း၊ ခဲဖွယ်နှင့် အဖျော်ယမကာများကို ဆက်ကပ်လှူဒါန်းပြီးလျှင် နောက်ဆုံးနေ့တွင် သင်္ကန်းလျာ ပုဆိုးတို့ကိုပါ လှူဒါန်းကာ ဆုတောင်းမှုပြုသည် ။

“ ဘုရားတပည့်တော်မဟာ သည်ကောင်းမှုကုသိုလ် အကျိုးဆက်အဖြစ် နတ်စည်းစိမ်ကို မလိုချင်ပါဘုရား။ မင်းစည်းစိမ်ကိုလည်း မတောင်းတပါဘုရား ။ ရှင်တော်ဘုရားလို တစ်ဆူသော မြတ်စွာဘုရားထံတော်မှာ ဆုရှစ်ပါရတဲ့ မိခင်အရာတည်ရပါလိ်ု၏ဘုရား ။ မြတ်စွာဘုရားအမှူးပြုတဲ့ သံဃာတော် အရှင်မြတ်များကို ပစ္စည်းလေးပါးနဲ့ မပြတ်လုပ်ကျွေးနိုင်စွမ်းရှိတဲ့ မြတ်သောအလုပ်အကျွေးဖြစ်ရပါလို၏ဘုရား ”

ပဒုမုတ္တရမြတ်စွာဘုရားသည် ထိုဒါယိကာမ တောင်းသောဆုသည် လာမည့် ကမ္ဘာတစ်သိန်းထက်၌ ပွင့်တော်မူမည့် ဂေါတမမြတ်စွာဘုရား၏ ရွှေလက်ထက်တော်၌ ပြည့်လတ္တံဟု ဗျာဒိတ်ပေးတော်မူ၏။

ထိုဒါယိကာမသည် အသက်အတိုင်းနေပြီးနောက် ကွယ်လွန်၏။ နတ်စည်းစိမ်ကို မလိုချင်သော်လည်း တာဝတိသာနတ်ပြည်၌ ဖြစ်သည်။ ဤသို့ဖြင့် လူဖြစ်လိုက်၊ နတ်ဖြစ်လိုက် ကြိမ်ဖန်များစွာ ကျင်လည်ပြီး

ကဿပမြတ်စွာ၏ ရွှေလက်ထက်တော်ဝယ် ကာသိကရာဇ်မင်း၏ သမီးတော်“သံဃဒါသီ”ဖြစ်လာခဲ့သည် ။

ကာကိကရာဇ်ဘုရင် ကကီမင်းတရားကြီးတွင် သမီးတော် ခုနှစ်ပါးရှိရာ သံဃဒါသီမှာ အငယ်ဆုံးဖြစ်သည်။ သမီးတော် ခုနှစ်ပါးသည် အိမ်ထောင်မပြုဘဲ ဒါန သီလ ဘာဝနာမှုတို့ကိုသာ ပြုခဲ့သည်။ သံဃဒါသီ မင်းသမီးသည် ဒါနာဘိရတ ဧတဒင်္ဂရဆုကို ကဿပမြတ်စွာဘုရားထံတော်တွက်လည်း ထပ်မံ ပန်ခြွေခဲ့သည် ။

သံဃဒါသီ မင်းသမီးသည် ထိုဘ၀မှ စုတေခဲ့သောအခါ လူ့ပြည် နတ်ရပ် အထပ်ထပ် ကျင်လည်ခဲ့ပြီးနောက် ယခုနောက်ဆုံးဘ၀တွင် ဓနဉ္စယသူဌေးသမီးဖြစ်လာ၏ ။

ဗိမ္မသာရမင်းကြီး စိုးစံတော်မူသော ရာဇဂြိုဟ်ပြည်တွင် အတိုင်းမသိ ပစ္စည်းဥစ္စာပေါများသော သူဌေးကြီးငါးဦးရှိ၏ ။ ဇောတက၊ ဇဋိလနှင့် မေဏ္ဍာက၊ ပုဏ၊ ကာက၀လ္လိယတို့ဖြစ်ပေ၏။

ဝိသာခါသည် မေဏ္ဍာက သူဌေးကြီး၏ မြေးဖြစ်၏ ။ အဖမှာ ဓနဉ္စသူဌေး၊ အမိ သုမနဒေ၀ီဖြစ်၏။ ၀ိသာခါမှာ ကလေးဘ၀ ကတည်းက သောတာပန်တည်ပြီးသူဖြစ်သည် ။ အကြောင်းမှာ သူငယ်စဉ်က ဘဒ္ဒိယမြို့သို့ မြတ်စွာဘုရား ကြွမြန်းတော်မူစဉ် အဖိုးဖြစ်သူနှင့် ကျောင်းတော်သို့ လိုက်သွားကာ မြတ်စွာဘုရား၏ တရားတော်ကို နာယူခဲ့ရသောကြောင့်ပေးတည်း ။

ထိုအတောအတွင်း၌ ၀ိသာခါ၏ ဖခင်မှာ နေရာပြောင်းရန် အကြောင်းဖန်လာခဲ့သည်။ ဖန်လာပုံမှာ ဤသို့ဖြစ်သည် ။

ကောသလမင်းနှင့် ဗိမ္မသာရမင်းသည် မောင်လှယ်နှမလှယ် သမီးယောက်ဖများဖြစ်ကြသည်။ တစ်နေ့သောအခါတွင် တာဝတ္ထိပြည့်ရှင်ဘုရင် ကောသလသည် သူ့နိုင်ငံ၏ ဓနအင်အားတွင် စစ်ကြည့်သောအခါ လောက်လောက်လားလား သူဌေးကြီးခေါ်လောက်သောသူ တစ်ယောက်မျှ မရှိသည်ကို တွေ့ရသည်။ သို့ဖြင့် သူသည် ယောက်ဖတော် ဗိမ္မသာရမင်းထံသို့ရောက်သွားသည် ။

“ အဆွေတော်မင်းကြီး၊ ကျွန်ုပ်ရဲ့ နိုင်ငံတော်မှာ အဆွေတော်ရဲ့ နိုင်ငံထဲက သူဌေးကြီးငါးယောက်နဲ့တူတဲ့ သူဌေးတစ်ယောက်မျှ မရှိဘူး။ ဒါကြောင့် တိုင်းနိုင်ငံရဲ့ ကျက်သရေဆောင်ဖြစ်အောင် တစ်ယောက်ပေးပါ”

ဇောတိက....အစရှိသော သူဌေးကြီးများမှာ ဆင် မြင်း ကျွဲ နွာနှင့် လူသူအခြံအရံမှာ လွန်စွာများပြား၏။ ထို့သို့သော တစ်ယောက်ယောက်အား အရွှေ့အပြောင်းခိုင်းလျှင် အလွန်းခက်ခဲသောဝန်ကို အထမ်းခိုင်းခြင်းနှင့် မခြားတော့ချေ။ တစ်နည်းအားဖြင့် မဟာပထ၀ီမြေကြီးကို ရွှေ့ပြောင်းသကဲ့သို့ရှိ၏။

ထို့ကြောင့်ဗိမ္မိသာရမင်းသည် ကောသလမင်းကျေနပ်အောင် ရှင်းပြပြီးနောက် ဓနဉ္စယသူဌေးကိုခေါ်ကာ မေတ္တာရပ်ခံ၏။ ဓနဉ္စယသူဌေးသည် ဘုရင်နှစ်ပါးကျေနပ်စေရန် ကောသလမင်းနောက်သို့ လွန်စွာများပြားသော လူသူ နှင့် ဆင် မြင်း ကျွဲ နွား ဥစ္စာဘဏ္ဍာများကိုရွှေ့ပြောင်းသယ်ယူလျက်လိုက်ပါလာ၏။ သို့သော် သူ့ပရိတ်သတ်မှာ သာဝတ္ထိမြို့ မဆံ့သောကြောင့် မြို့နှင့် ခုနှစ်ယူဇနာကွာအရပ်ရှိ ရေမိုးအဆင်ပြေပြီးမျက်နှာပြင် ညီညွတ်သောအရပ်၌မြို့တည်ကာ နေထိုင်၏။ မြို့ကိုလည်း “သာကေတ”ဟု အမည်ပေး၏ ။

ဝိသာခါသည် သာကေတမြို့ ၌အရွယ်ရောက်လာ၏။ ထိုအခါ သာဝတ္ထိမြို့သား မိဂါသူဌေး၏သား ပုဏ၀ဃုနနှင့် ထိမ်းမြားလက်ထပ်ရသည်။ မျိုးရိုးတူမျှသည်ဆိုကာ ဓနဉ္စယသူဌေး သဘောတူ ပေးမြန်းခြင်းဖြစ်ငြား မိဂါရသူဌေးသည် စိတ်ထားသေးသိမ်သည်.။ အ၀တ်မ၀တ်သော တက္ကတွန်းများကို ကိုးကွယ်သည့် မိစ္ဆာဒိဠိလည်းဖြစ်ပေသည် ။

မိဂါရသူဌေး၏ စိတ်ထားသေးသိမ်ပုံတစ်ခုကို ဖော်ပြရသော် ဤသို့ဖြစ်ပါသည်။

ပုဏနှင့်ဝိသာခါတို့လက်ထပ်ပြီးနောက်တွင် ၀ိသာခါမှာ လင့်အိမ်သို့လိုက်ရတော့မည်။

ထိုအခါ ဓနဉ္စယသူဌေးက “သမီးနောက်ကို လိုက်ချင်သူတွေ လိုက်သွားကြ” ဟု ခွင့်ပေးသည်။ အမှုလုပ်ယောက်ကျား မိန်းမများစွာတို့သည် အထုပ်အရွက်များဖြင့် ထွက်လာကြသည်။ ဤသည်ကို ကြည့်သော မိဂါရသူဌေးက “ ဒါလောက် များတဲ့လူတွေကို ငါမကျွေးနိုင်ဘူး” ဆိုပြီးခဲဖြင့်ပစ် တုတ်နှင့်ရိုက်သည်။ ၀ိသာခါသာ ၀င်ရောက်အတားမြစ်လျှင် ၀ိသာခါနောက်သို့ တစ်ယောက်မျှ ပါလာဖွယ်မရှိ။ ယောက္ခမအိမ်သို့ ၀ိသာခါရောက်ပြီး မကြာမီ တစ်ခုသောနံနက်တွင်ဖြစ်၏။ မိဂါရသူဌေးသည် ရေမရောသောနို့ထမင်းကို ရွှေခွက်ဖြင့်ထည့်လျက် သုံးဆောင်နေ၏။ ၀ိသာခါက ယောက္ခမအားယပ်လေခတ်ပေးနေ၏။ ထိုအချိန်တွင် သဃံတော် တစ်ပါးသည် အိမ်ရှေ့၌ ဆွမ်းရပ်တောမူ၏။ မိဂါရမှာ ရတနာသုံးပါးအား မကြည်ညိုသူဖြစ်ရာ မမြင်ယောင်ဆောင်နေ၏ ။

သို့အတွက် ၀ိသာခါက လှမ်းပြီးလျှောက်ထားသည် ။

“ တပည့်တော်မရဲ့ယောက္ခမဟာ အဟောင်းကိုသာ စားသူဖြစ်တဲ့ အတွက် ကန်တော့ဆွမ်းပါဘုရား”

မိဂါရသူဌေးသည် သူသိသမျှ ကြားဖူးသမျှ အပေါ်တွင် မူတည်ကာ ဒေါသတကြီး ထအော်သည်။

“ သည်ကျွန်မကို ဆွဲခေါ်ပြီး အိမ်အပြင်ကို မောင်းထုတ်လိုက်ကြစမ်း”

ရွှေခွက်ကို ဘေးဖယ်ပြီး မိဂါရ အော်သော်ငြား ၀ိသာခါအား မော့ကြည့်သူပင် မရှိပါ။ တစ်အိမ်လုံးတွင် ရှိရှိသမျှ လူအားလုံးမှာ ၀ိသာခါအား ချစ်မြတ်နိုးသူတွေချည်းဖြစ်နေသောကြောင့်ပေတည်း..။

သို့တစေ ၀ိသာခါက ဤကိစ္စကို ဤတွင်ပြီးပြီးပျောက်ပျောက် လုပ်မပစ်ပါ။ ယောက္ခမသူဌေးအား ညင်သာစွာပြောသည်။

“အို ဖခင်၊ မိခင်တို့ဟာ ကျွန်တော်မကို လမ်းက ကောက်ယူလာတာမဟုတ်ပါဘူး။ ကျွန်တော်မဟာ ရေဆိပ်ကဆောင်ယူလာတဲ့ ကျွန်လည်းမဟုတ်ပါဘူး။ ကျွန်တော်မရဲ့ဖခင် ဓနဉ္စယသူဌေးကြီးက သူကြွယ်ကြီးရှစ်ယောက်ဆီမှာ ကျွန်တောမကို အပ်နှံပြီး လွှတ်လိုက်တာပါ။ ဒါကြောင့် သူကြွယ်ကြီးတွေကို ခေါ်ပေးပါ။ ကျွန်တော်မမှာ အပြစ်ရှိမရှိ သူတို့ရှေ့မှာ သကာင်္ရှင်းပါရစေ”

မိဂါရသူဌေးသည် လင့်အိမ်သို့ ၀ိသာခါ လိုက်ခါနီး၌ ဓနဉ္စယသူဌေးက အပ်နှံလိုက်သော သူကြွယ်ကြီး ရှစ်ယောက်ကို မိမိအိမ်သို့ပင့်ဖိတ်သည်။ လူစုံညီလျှင် သူက စတင်ပြီး စွဲချက်တင်တော့၏။

“ ရေမရောတဲ့ နို့ဃနာကို ရွှေခွက်နဲ့ထည့်ပြီး သုံးဆောင်နေတဲ့ ငါ့ကို အညစ်အကြေးစားသုံးသူ လို့မင်းတို့ သမီးက ဆိုသကွ”

ထိုအခါ သူကြွယ်ရှစ်ယောက်က “ ချစ်သမီး အဲသည်လို ဆိုတာ ဟုတ်သလား” ဟု ၀ိသာခါအားမေး၏ ။

“ အဖေတို့၊ ကျွန်တော်မရဲ့ယောက္ခမဟာ ရေမရောတဲ့ နို့ဃနာကို ရွှေခွက်နဲ့ထည့်ပြီး သုံးဆောင်နေတုန်းမှာ မထေရ်ရှင်တစ်ပါး ဆွမ်းရပ်လာတာကို အရေးမလုပ်ဘဲ နေတဲ့အတွက် “ သြော်၊ ငါ့ယောက္ခမကြီးဟာ ဤကိုယ်၏ အဖြစ်၌ ကောင်းမှုကိုမပြု ။ ရှေးဘ၀က ပြုခဲ့ဖူးသော ကောင်းမှုကံ၏ အကျိုးကိုသာခံစား နေပါတကား” လို့တွေးမိတဲ့အတွက် “ ကန်တော့ဆွမ်းပါဘုရား၊ တပည့်တော်မရဲ့ယောက္ခမကြီးဟာ အဟောင်းကိုသာ စားသောက်ပါတယ် လို့ လျှောက်ထားမိတာ အပြစ်ရှိပါသလား”

ထိုအခါ သူကြွယ်ကြီးများက မိဂါရအားပြိုင်တူမေးကြ၏ ။

“သည်စကားကြောင့် ကျုပ်တို့သမီးမှာ တစိုးတစိမျှ အပြစ်မရှိ။ အဲသည်လို အပြစ်မရှိဘဲနဲ့သူဌေးကြီးဘာကြောင့် ဒေါသဖြစ်ရတာတုံး”

သို့သော် မိဂါရ သူဌေးက သူမြုံထားခဲ့သော ၀ိသာခါ၏ အပြစ်များကို စီတန်းကာ ဖော်ထုတ်ပြီး စွဲချက်တင်၏။

ယင်းတို့မှာ...

တစ်ရံသောအခါ သန်းခေါင်ယံအချိန်၌ ၀ိသာခါသည် အစေအပါး ယောကျာင်္မိန်းမများခြံရံလျက် အိမ်နောက်သို့ဆင်းသွားခြင်း။

လင့်အိမ်သို့ လိုက်ပါသွားမည့် သမီးအား ဓနဉ္စယသူဌေးကြီးက အတွင်းမီးကို အပြင်သို့မထုတ်ရ။ အပြင်မှ မီးကို အတွင်းသို့ မသွင်းရဟု မှာကြားလိုက်ခြင်း။

ထို့အပြင် စုစုပေါင်းဆယ်ချက်ဖြစ်၏ ။

ဤသည်တို့ကို ၀ိသာခါသည် တစ်ချက်ချင်း ပြေလည်အောင်ရှင်းလင်းပြလိုက်ရာ မိဂါရသူဌေး မချေပနိုင်တော့။ မချေပနိုင်ရုံသာမက သူသည် လူပေါကြီးလုံးလုံးဖြစ်သွာတော့သည်။

“ ဟုတ်ပါပြီ ရှိပါစေတော့ ”

သို့လျှင် မိဂါရသူဌေးကျေနပ်သွားငြား ၀ိသာခါ မကျေနပ်ပါ။

“ ကျွန်တော်မမှာ ဘာအပြစ်မှမရှိဘူးဆိုတာ သကာင်္ရှင်ပြီးတဲ့နောက်မှာ ယောက္ခမကြီးရဲ့ ဆန္ဒ အတိုင်း သည်အ်ိမ်ပေါ်ကဆင်းပါမယ်”

“ ဟဲ့သမီး သွားဖို့မလိုတော့ဘူးလေ နေမြဲနေပေါ့” မိဂရတားမြစ်သည် ။

“ အဖေ ကျွန်တော်မသည် ငယ်စဉ်တောင်ကျေးကလေးဘ၀ကတည်းက ရတနာသုံးပါးနဲ့မွေ့လျော်ခဲ့သူပါ။ အခုလို ဘုရားအစရှိတဲ့ သံဃာတော်များကို မဖူးမြင်ရ မလှူဒါန်းရတဲ့ နေရာမျိုးမှာ မနေပါရစေနဲ့တော့”

ဝိသာခါက ပေါ်လာသောအချက်ကို အမိအရ ဆုပ်ကိုင်လိုက်သည်။

“ ဘုရားအမှူးရှိတဲ့ သံဃာတော်တွေကို ငါ့သမီး သဘောကျပင့်ဖိတ်လှူဒါန်းဖို့လည်း ခွင့်ပြုပါတယ်ကွယ်”

သူကြွယ်ကြီးရှစ်ဦးရော ၀ိသာခါပါ အတိုင်းထက်အလွန် ၀မ်းမြောက်ကြရသည်။ ထိုနေ့မှစ၍ ယခင်က ကိုယ်လုံးတီး တက္ကတွန်းများလွှမ်းခြုံနေခဲ့သော မိဂါရ သူဌေး၏ အိမ်မှာ မြတ်စွာဘုရားနှင့်တပည့်သာဝကများအား ဆည်းကပ်သောအိမ် ဖြစ်လာလေ၏ ။

တစ်နေ့သ၌ ၀ိသာခါသည် မြတ်စွာဘုရားနှင့်သံဃာတော်များအား ပင့်ဖိတ်ပြီးဆွမ်း ခဲဖွယ် ဘော်ဇဉ်များ ဆက်ကပ်လှူဒါန်းသည် ။ ဆွမ်းအနုမောဒနာတရားနာရန် အတွက် ၀ိသာခါသည် ယောက္ခမကြီးကိုခေါ်သည် ။

မိဂါရသူဌေးထွက်မလာသဖြင့် ချွေးမက ဒုတိယအကြိမ် သွားခေါ်ပြန်သည် ။

“ အဖေ သည်ကပဲ နာတော့မယ် သမီး ”

သူဌေးသည် တင်းတိမ်ယံအတွင်းမှ အမှန်ပင် တရားနာပါသည် ။ တရားတော်အဆုံးတွင် သူသည် သောတာပန်တည်သွားရာ အခန်းတွင်းမှ ပြေးထွက်လာ၏ ။ မြတ်စွာဘုရား၏ ခြေတော်အစုံကို နမ်း၏ ။

“ မြတ်စွာဘုရား တပည့်တော်ဟာ အသက် ဒါလောက်ရလာတာတောင် သာသနာတော်မြတ်ကြီးမှာ ပေးလှူရတဲ့ အကျိုးဟာ ဒါလောက်ကြီမားတယ် ဆိုတာ မသိခဲ့ပါဘူး ဘုရား ။ အခုမှပဲ တပည့်တော်ရဲ့ ချွေးမကို အမှီပြုပြီးသိရတဲ့ အတွက် အပါယ်ဆင်းရဲက လွတ်ရပါပြီ ဘုရား ။ ၀ိသာခါဟာ တပည့်တော်ရဲ့ အမေ ဖြစ်သွားပါပြီဘုရား”

ဤသို့ဖြင့် ၀ိသာခါမှာ ထိုချိန်မှ အစပြုပြီး မိဂါရသူဌေး၏ အမေ “မိဂါရမာတာ” ဟူ၍ အမည် တစ်မျိုးတိုးလာလေ၏ ။

ဝိသာခါမှာ သူ့အဖေ ဓနဉ္စယသူဌေးက မင်္ဂလာတန်ဆာအဖြစ် ဆင်ယင်ပေး လိုက်သော မဟလ္လတာ တန်ဆာရှိသည် ။ ထို မဟလ္လတာတန်ဆာတွင် ကွမ်းစားလေးစလယ်ရှိသော ၀ရဇိန်ကျောက်၊ ပုလဲ ၁၁ စလယ်ကွမ်းစား၊ သန္တာ၂၂ စလယ် ကွမ်းစား၊ ပတ္တမြား ၃၃ စလယ် ကွမ်းစား ပါဝင်ရငွေရှိ တိုင်းမ၀တ်ဆင်နိုင်ပေ ။ တစ်ကွမ်းစားမှာ တစ်ပြည်နှင့်ညီသောကြောင့် ဆင်ပြောင်ကြီးငါးစီး၏ အားနှင့်ညီသော ခွန်အားဗလ ရှိသည့် ၀ိသာခါသာ ၀တ်ဆင် နိုင်သည် ။

ထိုတန်ဆာကို ထိန်းသိမ်းသယ်ယူရန် ၀ိသာခါနှင့် တန်းတူ ခွန်အားဗလရှိသော မိန်းမတစ်ယောက် ကို သီးခြားထားရတသည် ။ ထိုသို့ မလွယ်ကူသောကြောင့်

ယောက္ခမ မိဂါရသူဌေးက “ ဃနမဠက”တန်ဆာကိုပြုလုပ် ကာ ချွေးမ အားပေးသည် ။

ထို့နောက် မကြာမီ ၀ိသာခါသည် မြတ်စွာဘုရား အမှူးပြုသော သံဃာတော် များအား ပင့်ဖိတ်ပြီး ဆွမ်းကပ်ပြန်သည် ။ ဤအကြိမ်ဆွမ်းအနုမောဒနာတရားတော်အဆုံးတွင်ကား မိဂါရသဌေး ကတော်မှာ သောတာပန်တည်လေ၏ ။ မိဂါရသူဌေး၏အိမ်သည် ထိုချိန်မှ စတင်ပြီး မြတ်စွာဘုရား၏ သာသနာတော်အတွက် ဟင်လင်းပွင့်သော တံခါးမရှိသည့်အိမ် ဖြစ်လာတော့သည် ။

တစ်ရံခါသော် ၀ိသာခါသ်ည မြတ်စွာဘုရား၏ ကျောင်းတော်သို့ မဟလ္လတာ တန်ဆာကို ၀တ်ဆင်ပြီး သွားသည် ။

သို့သော် မြတ်စွာဘုရား၏ ရှေ့တော်သို့ ၀င်ကာနီ၌ ထိုတန်ဆာကိုချွတ်ပြီး အထိန်းမိန်းမသို့ ပေးသည် ။

အထိုင်အထ လွတ်လပ်ပေါ့ပါးသော ဃနမဠက တန်ဆာကို ပြောင်းလွဲ ဆင်မြန်းသည် ။

ဝိသာခါသည် မြတ်စွာဘုရား၏ တရားတော်ကို နာကြားပြီးနောက် လျှောက်ထား စရာ ရှိသည်များကို မေးမြန်းလျှောက်ထားပြီးလျှင် အိမ်သို့ပြန်လာသည် ။ အိမ်ရောက်မှ မဟလ္လတာတန်ဆာ ထိန်းသိမ်းသည့် မိန်းမသည် အလန့်တကြားအော်ဟစ်ကာ ကျောင်းတောသို့ ပြန်ပြေးသည် ။ မဟလ္လတာ တန်ဆာထုပ် မေ့ကျန်ခဲ့သောကြောင့် ဖြစ်သည် ။

ပစ္စည်းထုပ်ကို ရွက်လျက် ထိုမိန်းမပြန်လာသောအခါ ၀ိသာခါက စစ်ဆေးကြည့် သည် ။ ထိုအထုပ်ကို မြတ်စွာဘုရားရှေ့တော်၌ မတွေ့ ။ ကျောင်းတော်ရှေ့ တန်ဆောင်းထဲမှ ယူခဲ့ရကြောင်း ။ တန်ဆောင်းထဲသို့ ထိုအထုပ်ရောက်ရခြင်းမှာ အရှင်အာနန္ဒာ ရွှေ့ထားခြင်းဖြစ်ကြောင်းသိရသည် ။

“ အရှင်မြတ်ရဲ့ လက်တော်နဲ့ ကိုင်ပြီးသားပစ္စည်းကို ငါဝတ်ဆင်ရင် မရိုသေ ရာ ရောက်တော့မယ် ။ သည်ပစ္စည်းကို ရောင်းပစ်ပြီး ကျောင်းဆောက်တာ ကောင်းဆုံးပဲ ”

သို့ကြောင့်ဝိသာခါသည် ပန်းတိမ်ပညာရှင်များ အား အိမ်သို့ခေါ်ကာ မဟလ္လတာ တန်ဆာကို အဖိုးဖြတ်ခိုင်းသည် ။ ပညာရှင်များက ထိုပစ္စည်းအတွက် လက်ခ တစ်သိန်း၊ ပစ္စည်းတန်ဖိုး သိန်း ၉၀၀ ဟု တန်ဖိုးဖြတ်ကြသည် ။ ၀ိသာခါ၏ ပစ္စည်းထိန်းသည် မဟလ္လတာတန်ဆာကို ယူဆောင်လျက် ရာဇဂြိုဟ်မြို့တွင်းသို့ လှည့်လည်ကာ ကိုးကုဋေတစ်သိန်းဖြင့် ရောင်းချသည် ။ လက်ရာကို ကြိုက်၊ ပစ္စည်းကို သဘောကျသော်ငြား ၀တ်ဆင်နိုင်သော ခွန်အားဗလမရှိသောကြောင့် မ၀ယ်ဝံ့ကြပေ ။

သို့အတွက် နောက်ဆုံး၌ ၀ိသာခါပင် သူ့ပစ္စည်းကို ပြန်လည်ဝယ်ယူ ကာ မြတ်စွာ ဘုရား ကျောင်းတော်ဆောက်လုပ်ရန် မြေနေရာက်ကို ကိုးကုဋေဖြင့် ၀ယ်ယူ သည် ။ မြေနေရာမှာ ရာဇဂြိုဟ်မြို့၏ အရှေ့တံခါး အနီးတွင်ဖြစ်သည် ။ ထို့နောက် အဆောက်အအုံ လောက်လုပ်ရန်အတွက် အသပြာ ကိုးကုဋေကို ၀ိသာခါ၏ အိတ်ထဲမှ စိုက်ထုတ်သည် ။

ဝိသာခါ၏ ကောင်းမှု ကျောင်းတော်ကြီးမှာ “ပုဗ္ဗာရုံ” ဖြစ်၏ ။ ဘုံခုနှစ်ဆင့်ရှိပြီး တိုက်ခန်းတစ်ထောင်ဖြင့် ဖွဲ့စည်းထားသော ကျောင်းတော်ကြီးမှာ အရှင် မဟာမေဂ္ဂလာန် ကိုယ်တော်မြတ်ကြီး ကူညီစောင့်ရှောက် သောကြောင့် ကိုးလဖြင့် ပြီးစီး၏ ။

ပုဗ္ဗာရုံကျောင်း ဒါယိကာမကြီး ၀ိသာခါသည် သားသမီး နှစ်ကျိပ်မွေးဖွားသည် ။ သားဆယ်ယောက်၊ သမီးဆယ်ယောက်ဖြစ်သည် ။ သူသည် အသက် ၁၂၀ ရှည်သောငြား ဆံပင်မဖြူ အရွယ်မကျ ၁၆နှစ်သမီးကဲ့သို့ ရှိသည် ။

သားသမီးနှစ်ကျိပ်သည် တစ်ယောက်လျှင် သားတစ်ကျိပ် သမီးတစ်ကျိပ် စီ ပေါက်ဖွားပြန်သောအခါ မြေးပေါင်း ၄၀၀ ဖြစ်လာသည် ။ ထိုမြေးများကလည်း အထက်နည်းအတိုင်းပွားစည်းပြန်ရာ ၀ိသာခါ၌ သားသမီး မြေးမြစ် စုစုပေါင်း ၈၄၂၀ ရှိသည် ။

ကျောင်းဒါယိကာမကြီးဝိသာခါသည် ထိုသားသမီး မြေးမြစ်များ ခြံရံလျက် မြတ်စွာ ဘုရား၏ ကျောင်းတော်သို့ သွားသည် ။ ဘေးမှမြင်ရသူတို့သည် မည်သူ ၀ိသာခါ ဟု မခွဲခြားတတ်ကြချေ ။ ၀ိသာခါ၏ နုပျိုမှုကြောင့်ဖြစ်သည် ။

သူသည် ကျောင်းတော် ရေစက်ချပွဲကို ကိုးကုဋေကုန်ကျခံကာ ကျင်းပအပြီး၌ သားသမီး မြေးမြစ်များ ခြံရံလျက် ကျောင်းတော်ကို လှည့်ပတ်ကြည့်ရှုသည် ။ အဆောင်ဆောင်အနန်းနန်း စုလစ်မွန်းချွန်များဖြင့် တင့်တယ်နေသော ကျောင်းတော်ကြီးကို ကြည့်ကာ ၀ိသာခါသည် ဥဒါန်းကျူးရင့်၏ ။

“ ငါဟာ ထုံး အင်္ဂတေ မြေနီ မြေဖြူတွေနဲ့ လိမ်းကျံထားတဲ့ နှလုံး သား မွေ့လျော်

ပျော်ဖွယ်ရာရှိတဲ့ ပြသာဒ်ကျောင်းကြီး တစ်ဆောင်ကို ဘယ်အခါမှ ပေးလှူဒါန်းရ ပါမတုံး လို့တောင့်တခဲ့တာဟာ ကနေ့ပြည့်ဝပြီ ”

“ ညောင်စောင်း၊ အင်းပျဉ်၊ ဘုံလျှို၊ ခေါင်းအုံး၊ အိပ်ရာနေရာ၊ ကျောင်းဘဏ္ဍာတွေ ကို ဘယ်အခါများမှာ သံဃာတော် အရှင်မြတ်များကို ပေးလှူရပါမတုံး ဆိုပြီး တောင့်တခဲ့တဲ့ ငါ့ ဆန္ဒ ကနေ့ ပြည့်ဝပါပြီကော ”

“ ငါဟာ အမဲ သားငါး အစရှိတဲ့ ဆွမ်းဘောဇဉ် အလှူကို ဘယ်အခါများ ကျမှ ပေးလှူခွင့်ကြုံပါမလဲလို့ တောင့်တခဲ့တာ အခုပြည့်ဝပါပေါ့လား”

“ ကာတိတိုင်းဖြစ်အ၀တ်၊ ခေါမတိုင်းဖြစ် အ၀တ်၊ ၀ါချည်ပုဆိုးအ၀တ်ဖြစ်တဲ့ သင်္ကန်းတွေကို ဘယ်အခါများမှ ပေးလှူပါမတုံးလို့ငါ တောင့်တခဲ့တာ ကနေ့ပြည့်ဝပြီ ”

“ ထောပတ်၊ ဆီဦး၊ ပျား၊ တင်လဲ ဆိုတဲ့ဆေးအလှူကို ဘယ်အခါများမှ လှူရပါမ လဲလို့ တွေးတောစိတ်ကူးခဲ့သမျှဟာ ကနေ့ပြည့်ဝပြီ”

ကျောင်းတိုက်အတွင်းရှိ သံဃာတော်အရှင်မြတ်များသည် ၀ိသာခါ၏ အထက်ပါ ကျူးရင့်သံကို ကြားရသဖြင့် ရှင်တော်မြတ်ဘုရားအား လျှောက်ထားကြ၏ ။

“ အရှင်မြတ်ဘုရား ဒါယိကာမကြီး ၀ိသာခါ တေးချင်းဆိုတာကို တပည့်တော်တို့ တစ်ခါမျှ မကြားခဲ့ဖူးပါဘူး ဘုရား ။ ကနေ့မှာတော့ ဒါယိကာမကြီး ၀ိသာခါဟာ သားသမီး မြေးမြစ်တွေ ခြံရံပြီး ကျောင်းတော်ကို လှည့်ပတ်သွားရင် တေးချင်း ဆိုပါတယ်ဘုရား ။ ဒါကြောင့် ကျောင်းအစ်မကြီးဟာ ရုးသွပ်သွားပြီလား ဘုရား ။ ဒါမှမဟုတ် သည်းခြေများ ပျက်စီးရော့သလား ဘုရား ”

“ ချစ်သားရဟန်းတို့ ငါ၏ သမီးဝိသာခါသည် တေးချင်းဆိုခြင်းမဟုတ်၊ သူ၏ အလိုဆန္ဒပြည့်ဝလေပြီ ။ သူ၏ တောင့်တအပ်သော ဆုတောင်းတို့အထွတ်အထိပ်ရောက်ရပေပြီဟူ၍ နှစ်သက်ဝမ်းမြောက်သော စိတ်ဖြင့် ဥဒါန်းကျူးရင့်ဖြင်း ဖြစ်ပေ၏ ။

ရှင်တော်မြတ်ဘုရားက ရှင်းလင်း မိန့်ကြားတော်မူ၏ ။ ထိုမှအဖန် ရဟန်းတော် က မေးတော်မူသည် ။

“ တပည့်တော်မရဲ့အလှူကို ခံယူသူရယ်လို့ သိရရင် အဲသည် အလှူကို အောက်မေ့ဆင်ခြင်ပြန်တဲ့အတွက် တပည့်တော်မမှာ ၀မ်းမြောက်ရပါမယ် ဘုရား။ ၀မ်းမြောက်တော့ နှစ်သက် ။ နှစ်သက်တဲ့အတွက် ချမ်းသာခံစားရ ။ ချမ်းသာကိုခံစားရလုိ့စိတ်ဟာ တည်ကြည်။ အဲသည် တည်ကြည်ခြင်းကြောင့် တပည့်တော် ဣနြေ္ဒပွားပါလိမ့်မယ် ဘုရား ။ ဣနြေ္ဒပွားတဲ့အတွက် ဖိုလ်ကိုလည်း ပွားစေမှာပါဘုရား ။

ဝိသာခါ၏ ရှည်လျားသော ကြောင်းကျိုးဆက်စပ်သည့် ရှင်းလင်းချက်ကို မြတ်စွာဘုရားက သာဓုခေါ်တော်မူ၏ ။

“ ၀ိသာခါ၊ ကောင်းပေစွ ကောင်းပေစွ ။ သင်သည် ဤအကျိုးအာနိသင်ကို ကောင်းစွာမြင်သောကြောင့် ငါ၏ထံ၌ ဆုရှစ်ပါးကို တောင်းခံခြင်းမှာ ကောင်းပေစွ။ သင့်အား ထိုဆုရှစ်ပါးကို ငါပေး၏ ၀ိသာခါ ”

ကျောင်းဒါယိကာမကြီး ၀ိသာခါသည် အောက်ပါ အလှူများကိုလည်း သူ၏အိမ်၌ မပြတ်ထားရိသည် ။

၁။ နေ့စဉ်နေ့တိုင်း စားရေးတံဆွမ်း ၅၀၀ ။

၂။ ၁၅ ရက် တစ်ကြိမ်လှူသော ပက္ခဆွမ်း ၅၀၀ ။

၃။ နေ့စဉ် ယာဂုဆွမ်း ၅၀၀ ။

၎။ ၁၅ ရက်တစ်ကြိမ်လှူသော ပက္ခယာဂုဆွမ်း ၅၀၀ ။

၅။ အိမ်ဦး၌ထားပြီး လှူသောဆွမ်း ၅၀၀ ။

၆။ ခရီးသွား ရဟန်းတို့အား လှူသောဆွမ်း ၅၀၀ ။

သို့ကြောင့် ၀ိသာခါ၏နေအိမ်မှာ နံနက်ချိန်ခါတွင် သံဃာတော် အရှင်မြတ်များပြည့်လျက် ရွှေသင်္ကန်းရောင် တောက်ပ၀င်းထိန်နေ၏ ။

ဒါယိကာမကြီးသည် ဤသို့ တမနက်လုံး မမောနိုင် မပန်းနိုင် လှူဒါန်းပြီးနောက် ကျောင်းတော်သို့သွားကာ ဆေးဝါးနှင့် အဖျော်များဆက်ကပ် လှူဒါန်းပြီး တရားတော်ကို နာယူသည် ။

သို့အတွက် “ ရဟန်းတို့၊ လှူဒါန်းခြင်း၌ မွေ့လျော်ကုန်သော ငါ၏ သာဝိကာ ဥပါသိကာတို့တွင် မိဂါရမာတာ ၀ိသာခါ သည် အမြတ်ဆုံးဖြစ်၏ ” ဟူ၍ ရှင်တော်မြတ် ဘုရားမိန့်တော်မူကာ ၀ိသာခါအား “ ဒါနာတိရတ” ဧတဒဂ် ထားတော်မူခြင်းဖြစ်၏ ။

ဦးအောင်သိမ်းမြတ်၏ ( ဗုဒ္ဓ၏ ဧတဒဂ်ရ အမျိုးသမီးများ ) စာအုပ်မှ ကောက်နုတ်ပါသည်။

အပြည့်အစုံသို့ 

အကျဉ်းချုံး

ဘိတ်ချေးကျသွားသော ဘိတ်သား

ကျနော်က ဘိတ်သား
အမျိုးက ဟိန္ဒြူကုလား..
ငယ်နာမည်က အပ္မနား
စိတ်ကူးယဉ်တာက ဓါတ်ရှင်မင်းသား

ရပ်ကွက်ထဲ နာမည်ကျော်
ပျော်ပျော်နေ..စားပြီးအိပ်.
မဟုတ်တာဆို ပထမချိပ်
အောက်တန်းကျကျ ကျနော့ စိတ်
အတန်းစာဆို..ညံ့ပါ့ ဘိတ်
ရူးမိုက်ဆိုးသွမ်း ကျနော်ထိပ်
လူလိမ္မာတွေ မလာနဲ့ တံခါးပိတ် ဂျိတ်

နှုတ်ခမ်းမွေးငုတ်စိ လူပျိုပေါက်
၁၀ တန်းတဖုန်ုးဖုန်း အပေါ်မရောက်
ရည်းစားတွေ တောင်းနဲ့ လိုက်ကောက်
စတိုင်ခပ်ပေးပေး…ကြာလူလီလေး တစ်ယောက်
ရှောက်ပြန်သံပေး ရွာရိုးကိုးပေါက်

တိုတိုသာ ပြောရရင်..
အဖေ အတိုးချတဲ့ နေပြန်တိုး..
ကိုယ့်ငွေနဲ့  ကိုယ် မီးထိုး..
ထိမ်းမရတဲ့ ရုပ်ရှင်ပိုး
အကိုမောင်သီက ဒါရိုက်တာ
ကျနော်ကတော့ မင်းသားနေရာ
မဟုတ်တုတ်တုတ် ဟုတ်တုတ်တုတ်
ကျနော် အညုကောင်းလိုက်တာ
ကံကောင်းစွာ ချေးပုံ ခွေးဟပ်ခိုက်
ကျနော်ဖြစ်တယ်ဗျ  ဓါတ်ရှင် ဇာတ်လိုက်

မိုးလေမမြင် အနှစ်၂၀ ကျော်
လက်မထောင် ကျနော် ရွှေမင်းသားပေါ့..
ဖက်လိုက်ရတဲ့ မင်းသမီး
နှက်ခဲ့ရသော မင်းသမီး..
အကောင်တောင် မရေအားဘူး..
နာမည်ရ..ကျနော် နှာဘူး

တနေ့ တခြား ခြောက်သွေ့ စပြု မျက်နှာပြင်
တဖြေးဖြေး ဖြူလာတဲ့ ဆံပင်
ခပ်ပါးပါး ကြဲလာတဲ့ ခေါင်း
ပါးကြီးလည်း ဖောင်း
ဗိုက်ခေါင်းလည်း ကျယ်
စီပိုင်းကို ဘောင်းဘီဝတ်သည့်နှယ်
အခေါက်ထူ အဆီပြန်
နှာခေါင်းကလည်း တိုလာပြန်တော့
ဝက်နဲ့ တူတူ လာခဲ့ ကျနော့ရဲ့ ရုပ်ရည်
ဘုရား ဘုရား ခုများ..မတွေးရဲပေါင်
ကျနော့ အသက် ၄၀ တောင်

မင်းသားဘ၀က ရာထူးတိုး..
အဖေခန်းကျလည်း ..လုပ်ချင်ဘုးဂျာ..NO NO..
ကျနော် လိုင်းပြောင်း ဓါတ်ပုံဆရာ..
အကြံကုန် ဂဠုန် ဆားချက် ရာ
ပင်လယ်ပြင်ထွက် တောင်ပေါ်တက်
အရင်းမရ ကွဲလိုက်သမှ ၀က်ဝက်

မပိုင်ရင်တောင် ခြင်မရိုက်
ဇေကမ္ဘာ ဦးခင်ရွှေ ရဲ့ အောက်ဆွဲနောက်လိုက်
စီးပွါးရေးသမားတွေနဲ့ အရက်သောက် ဖဲရိုက်
ဆောက်လိုက်မယ်..လေတဲက တိုက်

နောက် (၅) နှစ်ကြာ ကျနော်လည်းလေ
ဖြစ်ချင်တယ်..ကြံ့ဖွတ်အမတ်
သေချာအောင် ခုဘဲ စရံသပ်
ဘယ်လောက် လာဘ် ပေးရမလည်း
ထည့်မယ်လေ..ကြံဖွတ်ကိုမဲ တစ်မဲ
ဧရာဝတီ မှာ ကြေငြာဗုံး ၀င်ကြဲ
ကျနော့ ထမင်းရှင်တွေ..သောက်မြင်ကပ် ကော်ဆဲ
မျက်နှာမရ..အိုးမည်းကျတယ်။

မှားပါတယ်ဗျာ…
သုမန ကျောမှာထင်ခဲ့ပြီ..ဒီအနာရွတ်
ကျနော့နာမည် မင်းသား ကြံ့ဖွတ်
အခု ကျနော်လေ.. မျောက်သစ်ကိုင်းလွတ်
င်ိုခဲ့ရပြီ..မျက်ရည်ဝဲ..ရွှတ်..ရွှတ်..

မသဒ္ဓါ (၁၁။၂၂။ ၂၀၁၀)

လူဆိုတာ ကံကံ၏ အကျိုး ဘယ်သူ မပြု မိမိမှု..။ မကောင်းမှုပြုက..မကောင်းမှု သည် လားရာ ဖြစ်၏။ ကောင်းကင်ပေါ်မော့ထွေးသောတံတွေး၏ ပေကျံရာသည် ထွေးသူ၏ မျက်နှာ..

အပြည့်အစုံသို့ 

အကျဉ်းချုံး

အခက်အခဲတွေရှိပါစေ..ကျနော် ဆက်ဆက်လာမယ်။

ချစ်သော အမေ..
မှတ်မိပါ့မလား ကျနော် အမေ့သားလေ
မတွေ့ ရတာ နှစ်တွေ ကြာရှည်
ကျနော့ အသက် ၃၃ တောင်ရှိပြီ။

မှန်းဆ တမ်းတ..အမေ့အခြေအနေ
ကြမ်းတမ်းဆင်းရဲ အရိုးနဲ့ အရေ
အော်..အမေရယ် ပင်ပန်းနေမှာ..

မိုင်..ထောင်သောင်းဝေးဝေး
တွေ့ ခွင့်လေးများရရင်..
ဘာ အန္တရာယ်တွေဘဲ ဆီးဆီး..
နီးနီးလေးပါ
ကျနော် အရောက်လာခဲ့မှာ.

ညအိပ်ရာဝင်တိုင်းကြားယောင်တာ အမေ့ အမျှဝေသံ
ညလေပြေသွေးတိုင်းသတိရတာ..အမေ့ဆံပင်က ပန်းသင်းနံ့ 
ညနေစာစားတိုင်း တမ်းတတာ မီးဖိုချောင်က အမေ့ဟင်းနံ
အိမ်မက်ဆိုးတွေမက်တိုင်း..လွမ်းရတာ အမေ့ ရင်ခွင်

အမေရဲ့ ကြမ်းတမ်းတဲ့ အချုပ်နှောင်ရက်တွေထဲ.
ကောင်းအတူ ဆိုးဖက် အမေနဲ့နေချင်ခဲ့ပေမဲ့
ဇူဇကာပုဏ္ဍားလို ရက်စက်..
လူကြမ်းတွေ လက်ထဲကနေ..
" အမေ့ သားတွေအတွက် နောက်ဆံမငင်နိုင်ဖူး။
အမေ့ လူမျိုးတွေအတွက် အကြွေးတင် အမေမခံနိုင်ဖူး။
သားလေးရယ် လွတ်ရာမှာနေတော့
မင်းအဖေကိုသာ အမေ့ကိုယ်စားစောင့်ရှောက်တော့။"
“Good Bye my son” ဆိုတဲ့ စကားတလုံးနဲ့ 
အမေ ကျနော့လွတ်မြောက်စေခဲ့
ငယ်စဉ်ကတော့ ထင်မိတယ်
" ရက်စက်လိုက်တာ အမေရယ် " လို့ 
အရွယ်ရောက်တဲ့ အခါ..အမေ့ စေတနာ
ကျနော် နားလည်လာရတယ်..
မျက်နှာလွှဲတဲ့အခါ အမေရယ် ၀မ်းနည်းနေမှာ။

သားဆီ..စာလေးတောင်ရေးခွင့်မရတဲ့ အမေ့ ဘ၀..
သားကို. စကားလေးတောင် ဆိုခွင့်မရှိတဲ့ အမေ့ ဘ၀..
အဝေးကသာ လွမ်းနေခဲ့တဲ့ကျနော်
သတင်းဓါတ်ပုံတွေထဲက အမေ့မျက်နှာ..
ဇရာကြောင်း ထင်လာသော်ညား
အရင်လိုဘဲ ကြင်နာမျက်လုံးတွေ.
အရင်လိုဘဲ တက်ကြွတဲ့ခြေလှမ်းတွေ
အရင်လိုဘဲ ခိုင်မာသော စိတ်ဓါတ်တွေ
ကျနော် ဂုဏ်ယူတယ်..
ကျနော်လေ အမေ့သားပါ။

အဖေက ပြောဖူးတယ်။
“ နားလည်ပေးပါ..သားတို့့အမေ
သာမညမဟုတ်သော ပါရမီ မိန်းမသား
သူ့ မွေးရပ်မြေအတွက်..သူ ကျေးဇူးဆပ်နေတယ်။
ဂုဏ်ယူပေးပါ..မင်းရဲ့အမေ..
လူသားတွေအတွက်.. သူ ငြိမ်းချမ်းစွာတောင်းဆိုနေတယ်။
အာဇာနည်ရဲ့ သွေးဆက်ဆိုတာ..
ရှင်သန်နေတဲ့ မြစ်တစ်စင်း..
အတားအဆီးမဲ့ ဖွင့်လှစ်စီးဆင်းဖို့ 
ကမ်းနဖူးလို ကာကွယ်ထောက်ပို့ 
ပါရမီဖြည့်ဖို့ က သားတို့ ရဲ့တာဝန်၊”

အမေရဲ့သွေးနဲ့ လူဖြစ်ခဲ့တာကျနော်ပါ
အမေရဲ့အားအင်နဲ့  လမ်းလျှောက်ခဲ့တာကျနော်ပါ။
အမေ့စိတ်ဓါတ်..အမှားဘက်မရပ်နိုင်တာ ကျနော်ပါ။
ဒါပေမဲ့ အမေကိုလွမ်းတဲ့အခါကြည့်ဖို့ 
အမေ့ချစ်တဲ့ ပြည်သူတွေနဲ့အတူ..
ကျနော်လည်း ဒေါင်းသွေးဆက် ပါဘဲ
အောင်ခွပ်ဒေါင်း အလံလွှင့်ထူကြောင်း..
လက်မောင်းပေါ်မှာ ရေးထိုးထားတယ်။

အမေရယ်..
အနှစ် ၂၀ ကျော်ကွဲခဲ့တဲ့သားရဲ့ ဦးခေါင်းကို
အမေ့ရင်မှာဝှက်..
ပီတိရင်မှာ သက်ပါရစေ။
" သားလာပြီအမေ.
လေယာဉ်ကွင်းကို အမေလာ.
ဒီနေ့ ဟာ သားတို့ အတွက် မင်္ဂလာ.
ရွှေလည်တိုင်မောမော့ .
မျှော်လှဲ့ ပါတော့ ချစ်သောအမေ"


မသဒ္ဓါ ( ၁၁။၂၂။၂၀၁၀)
သားငယ် မောင်ထိန်လင်း ခေါ် Kim Aris အတွက်…မိခင်တဦး အနေဖြင့် စာနာ နားလည်ခံစားလိုက်ပါကြောင်း..

အပြည့်အစုံသို့ 

အကျဉ်းချုံး

ကျောက်ဆည်သားရဲ့ ကျီးမနိုးပွဲ။

အစဉ်အလာ တန်ဆောင်မုန်းလပြည့်ည..
ကျီးမနိူးပွဲ နွှဲကြ..မြန်မာတို့ ၏ ထုံးစံ

တန်ဆောင်တိုင်ည .ရွှန်းပလ..
သူငယ်ဆိတ်မှ မိုးသောက်ထ
ပျော်ပျော်ပါးပါး ကာလသား..
သူခိုးပွဲတော် ကျင်းပတယ်။

ရွာသူကြီးရဲ့ အိပ်ကုတင်
လေးဘက်လေးတန် ၀ိုင်းမ
အိပ်ပျော်သူ မနိူးရအောင်
ရှူး တိုးတိုးမ ရွာလည်ခေါင်ချ..
မနက်မိုးလင်းရင်..သူကြီးအဖိုးကြီး..
ခေါင်းကြီးသွားအောင်။

အာကြမ်းတဲ့ ဟို အပျိူကြီး
လူသိများသော ထမီကြီး
တန်းပေါ်က အသာရုတ်.
စာသင်ကျောင်းရှေ့ အလံလုပ်။

လှုဖို့ မရဲ ကပ်စေးနဲ
တောင်အရပ်က သူဌေးငနဲ
ဒီလ ထိမယ်..ဒီညထဲ
ဘုန်းကြီးကျောင်းက ကျောက်ဆင်းတု
ဒေသစာရီ ကြွချီမှု
အဖိုးကြီးရဲ့ အိမ်ကပြင်..
ရောက်ရှိနေလျှင် နေကဇာတင်..
ဆွမ်းသာ ကြွေးဖို့ ပြင်။

မြန်မာ့ဝါဒ..တန်ဆောင်မုန်းည..
ပံ့သကူစွန့် ကြ..ဖွေရှာမှ
ဟိုမှာ ငွေကြေး..စာတိုလေး..
တွေ့ ရှိသူ သာ ကံထူးရာ…
ဦးဘယ်သူ့  အိမ် လာယူပါ။

ဒီလိုပျော်ဖွယ်..ကျီးမနိူးပွဲ..
ကျောက်ဆည်သားတွေ ဆင်ကာနွဲ..
လောဘကြီးနဲ့ အတင်းတုတ်
တောသားရဲက ဆွဲထုတ်
နှစ် ၂၀ အုပ်ချုပ်လိုက်တာ
လက်လွန်ခဲ့ပြီ…နှစ်လုံးပေါက်..
ခိုးမှူကဋ္ဋေ ကာယကံမြောက်
စောရနက္ခတ်..ဒီသူခိုး..
ရသမျှတွေ အကုန်ပိုး..

သားသမီး မြေးမြစ်..တပုံတပင်..
ဆွမ်းကြီးလောင်းပွဲ ထင်
ကျွန်းတောလည်းပြုတ်..ကျောက်လည်း ဆုတ်
ဝန်းကျင်ညစ်ညမ်း..ရေနံခမ်း.
မြေဆီပြုန်းတီး..ဆန်ဈေးကြီး..
ရွှေပြည် ဖုန်းဆိုး.အမည်သိုး..
ဒါ သူခိုးကြီးများရဲ့ ရွာ…

အဖိုးလက်ထက်..ကျီးမနိုးပွဲကျင်းပ
တနှစ်တခါ..တန်ဆောင်မုန်းညမှာ
ကျမတို့ လက်ထက်..ကျီးမနိုးပွဲ ရက်ဆက်မပျက်
ကျမ တသက်ဘဲ။
အကောင်ကြီးတွေ ရဲ့ ကျီးမနိုးပွဲ..
အဆုံးသတ်တော့ မြန်ပြည်မွဲ။

ဦးသန့် ဆယ်ခဲ့သမျှ မြန်မာ့ဂုဏ်
စောရနက္ခတ်ဖွား သူ့ လက်ချက်နဲ့ ကုန်
မြန်မာဆိုသည်..သူခိုးမျိုး သမိုင်းထိုးခဲ့သူ။
မြန်မာဆိုသည်..ကျွန်မျိုး ဖိနှိပ်ခဲ့တဲ့သူ။
မြန်မာဆိုသည်..ဖာမျိုး အရှက်မဲ့သူ။

သူခိုး လူဆိုး..လူယုတ်ပြိတ္တာ။
ဆိုသော သူ့ အမည်မှာ.
ခွေးရေပုရပိုက်၏ ခေါင်းကြီးပိုင်း
World Greatest Criminals top line
ငရဲမှာ ဘုရားအဆူဆူချွတ်..
မကျွတ်နိုင်စေ..ခမ်းခြောက်စေ။

မသဒ္ဓါ (၁၁။ ၂၀။၂၀၁၀)

အပြည့်အစုံသို့ 

အကျဉ်းချုံး

ပြည်သူချစ်သော အနူပညာသည်

ရုပ်ရှင်မင်းသား လုပ်ရမှ အနူပညာသမားမဟုတ်။
ဒါရိုက်တာလုပ်ရမှ အနူပညာ အစွမ်းပြရသည်မဟုတ်။
အိုသူကို လေးစားဦးညွှတ်တတ်သော ဦးခေါင်း။
နာကြင်သူကို ဖေးကူ တွဲသော လက်။
သေသူ ကို သယ်ပိုးသော ပုခုံးတစ်ဖက်။
ရဟန်းကို ဆွမ်းကပ်လှုသော လက်။

သင်သည် လူသားများ၏ အကြင်နာရှင်
သင်သည် လူသားအတွက် မေတ္တာရှင်
သင် နားခိုမဲ့သူများ အတွက် စေတနာရှင်။

သင်ပြုသော ကုသိုလ်..
သင်ထားသော ကိုယ်ချင်းစာ
သင်မျှသော ဂရုဏာ
သင် ထားသော မုဒ်ိတာ
သင်၏ ကြင်နာသော မျက်လုံး
သင်၏ ပီတိ အပြုံးကား
သင်၏ အနူပညာ။

တပါးသူတို့ ၌ ရှာမရသော
တုနှိုင်းမဲ့မေတ္တာသည်
သင်၏ အနူပညာ။

တချို့ လူတွေ အဟောင်းစားချိန်
သင် သည် ကြွေးသစ်ချ
လူဘောင်လောကကို အလှဆင်ပြ
တုနှိုင်းမရှိသော သင်လိုလူ။

သင်သည် ရာသက်ပန် အနုပညာသမား။
ဘယ်သူတားဆီးစေ. အနုပညာ ဒီရေ မရပ်နိူင်ဘူး
သေသည်တောင် အားလုံးလေးစားခံရမည့်သူ
သင် (သို့ မဟုတ်) ကိုကျော်သူ။

မသဒ္ဓါ (၁၁။၁၇။၂၀၁၀)
လေးစားပါတယ် ကိုကျော်သူ..
ကိုကျော်သူရဲ့ profile ထဲက an actor, an artist, a film director and a humanitarian ဆိုတဲ့ အထဲ ကျမတော့ a humanitarian ဆိုတာ ကိုအလေးစားဆုံးပါ။

ဗီဇ နည်းနည်းရှိရင် ငွေရှိရင် an actor, an artist, a film director တွေ ဖြစ်လာနိုင်ပေမဲ့ အောက်တန်းကျသော အသက်ကြီးပြီး အချိန်မစီးသော မင်းသားများ ( ကိုယ်က သိပ်ချောလွန်းလို့  သားနားလွန်းလို့ ကိုယ်နဲ့မတန် အသုဘရာဇာသူတောင်းစားသရုပ် မလုပ်နိုင်ပါဘူးဆိုသော ရန်အောင်။ ကြံ့ဖွတ်က အားသာလို့  ကြံ့ဖွတ်ကို မဲပေးရမယ် ။ နောင် ၅ နှစ် လွင်မိုးလည်း အမတ်ဖြစ် ချင်ဖြစ်မှာပေါ့ လို့  ဗြောင် ပြောရဲသော လွင်မိုး) ဤ အုတ်အရောရော..ကျောက်အရောရော မင်းသားများထက်စာ..သင်သည် မိုးမြေကွာလေ၏။

A humanitarian ဆိုတာကတော့ မေတ္တာစေတနာ ဂရုဏာ အကြင်နာ စွန့် လွှတ်မှု စွန့် စားမှုတွေ နဲ့ အယောက်တသိန်းမှာ တစ်ယောက်ပေါ်ဖို့  ရှားတဲ့အတွက်..မိမိဖာသာအတိုင်းမသိ ဂုဏ်ယူစေချင်ပါတယ်။

အပြည့်အစုံသို့ 

အကျဉ်းချုံး

ဗေဒါပန်းကလေး၏ အထ္တုပ္ပတ္တိ

ဗေဒါဟူသည်၊ ရေ၌ ပေါ်ရိုး
နဒီလှိုင်းဖျက်၊ မုန်တိုင်းသက်စေ
မမြုပ်သက်သေ၊ ပင်မသေတည့်
မနွမ်းလျှလျှ၊ ပန်းမြမြ။

ရေကြက် ဘဲငန်း၊ ဆိတ်ဆွကြမ်းစေ
တစ်ပင်ကိုဖျက်၊ နှစ်ပင်တက်မည်
အားနဲ့ ဗေဒါ၊ ခရမ်းပြာ။

လေပြေအလာ၊ ရွက်စိမ်းမြလွှင့်
နေခြည်အလာ၊ ပန်းခရမ်းပွင့်.
ဒီရေအတက်၊ ရွေ့ လျှားလျှက်
လောကဓံ ရန် ၊ ကြံ့ ကြံ့ ခံ
အားအင်နဲ့ မာန်၊ သတ္တိမှန်။

လှိုင်းရယ်လေကြမ်း၊ ဘယ်လောက်ထန်လည်း။
စီးရေ ဘယ်လောက် မြန်မလည်း။
ဖျက်ဆီးသူ ဘယ်လောက်သန်မလည်း။
ဗေဒါမှန်ရင်…ဘယ်ကမ်းတောင်မြောက်..
ဗေဒါမှန်ရင်…ဘယ်ဆီ ရောက်ရောက်..
မြစ်ပေါက်ရှင်သန်..ပန်းလှပန်။

အမေ သို့ မဟုတ်..
အိခရမ်းပြာ..ပန်းဗေဒါငဲ့
သင်သည်..ငြိမ်းချမ်းရေး၏ ပိုင်ရှင်
မြန်မဟာ၏ မိခင်။

ဘယ်လောက်ဖိဖိ၊ ကိုယ်မချိ
ဘယ်လောက်ထိထိ၊ ဒူး မြေမငြိခဲ့ 
ဘယ်လောက်ပိပိ၊ ခေါင်းထောင်ကြည့်
ဘယ်လောက်ငြိငြိ၊ နာကြင်မရှိ
အာဇာနည်သွေး၊ ရဲနီစွေးစွေး
ကြောက်ရွံ ကင်းဝေး၊ သတ္တိသွေး။

နှစ်ကြာစတေး၊ အမှောင်လမ်းဆီ
သက်ချွေးစတေး၊ သွေးဘဲနီနီ
မလျှော့သောအား၊ ရင်းနှီး မာန်တည်
ခိုင်မာသောဇွဲ၊ အားနဲ့  ရှေ့ ချီ
သူမသည်..ဗေဒါတစ်ပွင့်
မြူးကြွစွင့်ချီ၊ အနာဂတ်ဆီ
လှပနေမြဲ၊ ပန်းပန်ဆဲ။

မသဒ္ဓါ ( ၁၁။၁၄။၂၀၁၀)

အမေစု (သို့ မဟုတ်) ဒေါ်အောင်ဆန်းစုကြည်...သို့ 

အမေ့ရဲ့ ပြုံးနေတဲ့ မျက်နှာလေးမြင်ရဖို့  ၂ရက်ဆက် နေပူ မှာစောင့်နေတဲ့ ပြည်သူတွေ ရဲ့မေတ္တာကို ထိတွေ့ခံစားပြီး အမေ့အပေါ် ထားရှိတဲ့ ပြည်သူများရဲ့မေတ္တာအတွက်..ကြည်နုးလိုက်ပါအမေ။

ပြည်သူမေတ္တာဆိုတာ..လိမ်ညာဝယ်မရပါဖူး.
အာဏာနဲ့ ချစ်စေ..ခိုင်းမရပါဖူး.
လက်နက်ပြ ဒါးမြတိုက်လို့ မရပါဖူး
ဥုံဖွ မန်းမှတ်လို့ မရပါဖူး.

မေတ္တာဆိုတာ မေတ္တာရှိသူသာရစမြဲ
တပြည်လုံးလိမ်ညာခိုးတဲ့ မဲအရေအတွက်ထက်..
ဒေါ်အောင်ဆန်းစုကြည် ကျမ်းမာပါစေ ချမ်းသာပါစေ
အမေ့စု ကျမ်းမာပါစေ ချမ်းသာပါစေ ဆိုတဲ့ ဆုတောင်းသံဟာ အမေ့အတွက်ထာဝရ...ပီတိမြမြ ဖြစ်စေသောအရာပါ။

အမေ ကျမ်းမာချမ်းသာ ဘေးအန္တရာယ်ကင်းရှင်းပါစေကြောင်း..မသဒ္ဓါ ဆုတောင်းကန်တော့လိုက်ပါရစေ။
"welcome Back our beloved Mother, We love you and We need you always"
Design ကိုမျိုးအား ကျေးဇူးတင်စွာဖြင့်

အပြည့်အစုံသို့ 

အကျဉ်းချုံး

တုနိုင်ပါရိုးလား…

မတရား မဲခိုး..စင်ပေါ်တက်တဲ့
မရဲတရဲ ကြံ့ဖွတ် အမတ်မင်း ရဲ့
သူခိုးချွတ်နင်း ခြေလှမ်းထက်စာ..
စောင့်နေတဲ့ ပြည်သူဆီ
မျက်နှာပြဖို့  ခြံစည်းရိုးကိုတက်တဲ့
သူမ၏ ခြေလှမ်းက ခိုင်မာတယ်။

“မှန်ပါ့ဘုရား”
ဗောင်းတော်ညိမ့်
ကြက်ဆူမင်းတရား၏ အနှစ်မရှိသူ
ပုတ်သင်ဖွတ်တွေရဲ့.
အနှစ်မဲ့စကားတွေထက်စာ
“ နှောင်ကြိုးတွေ နဲ့ လွှတ်တာ ကျမ မလိုဖူး” ဆိုတဲ့ ရဲရဲတောက်စကား..
ရာဇ၀င်မှာ ကဗျည်းထိုးပြီးသား။

မတရား လိမ်ကျစ်ကောက်
မြို့ တော်ဝန်ရဲ့ မရှိတဲ့ အရှက်အကြောက်
အပေါက်ခံရသူရဲ့ ပြည်သူ မစင်ထုတ်ထက်..
အားကိုးမဲ့ ပြည်သူရဲ့ မေတ္တာနဲ့ 
စောင့်နေတဲ့ ပန်းလေးတစ်ပွင့်
ခြားနားပြယုဂ် ဤ သက်သေ.
သူမသည် ရှင်သန်ဆဲ..မြန်မာပြည်၏ အမေ

လိပ်ပြာ မလုံတဲ့
ခိုးကြောင်ခိုးဝှက် သူခိုးမျက်လုံးထက်
မှန်ကန်သူရဲ့ မျက်လုံးချင်းဆိုင်ရဲတဲ့ သူမ၏အကြည့်
တုနှိုင်းမဲ့.သူရဲကောင်းရဲ့ သတ္တိ

ခိုးစားသူတွေရဲ့.. လူပါးဝ
ပါးစပ်ဖြဲ ဟန်လုပ်အပြုံးထက်.
ကြည်လင်တဲ့ အပြုံး..
ဖြူစင်တဲ့ အပြုံး
အားပေးသောအပြုံးက သာတယ်။
သူမဟာ..မြန်မာ၏.တောက်ပဆုံးသော သောက်ရှုးကြယ်။

တုနိုင်ပါရိုးလား..
လက်နက်အပြည့် နျူကလီယားဘဲ ဆင်ဆင်
အပြင်ထွက်ရန်..သံကိုယ်ချပ်ဘဲ ပြင်ပြင်.
အမှန်သည်..အမှန်
လက်နက်အားကိုး အာဏာရှင်
လူတွေ အမြင် မကြည်လင်ဖူး.
အချိန်မရွေး..ရှာဖွေရမြဲ
ပြေးဖို့  လမ်းရှာ ခွေးတိုးပေါက်..
ဂုဏ်သိက္ခာ လူ့ ဘ၀ခြောက်ခမ်းသူ

ဓမ္မ နဲ့ အဓမ္မ
မေတ္တာနဲ့ အမုန်း
အနိူင်နဲ့ အရှုံး
အပြုံးနဲ့  အမဲ့
မေတ္တာရှင် နဲ့အာဏာရှင်..
ပြိုင်နိုင်မယ် မထင်နဲ့ ..နိုင်နိုင်မယ် မယှဉ်နဲ့ 
ရူးချင်ယောင်ဆောင် မဲခိုးရင်သာရမယ်။
လက်နက်ပြ မေတ္တာကို ၀ယ်မရ။
စေတနာပြမှ အကြင်နာရတယ်။
ရိုးသားပါမှ ယုံကြည်မှု ရမယ်။

ခိုးစားရသော ပြည်သူ့  မသထာရေစာ
နေ့ စဉ် လူထု ကျိမ်သောကျိမ်စာ
ဘုရားရှစ်ခိုးတိုင်း မျှသော မေတ္တာ..
မတန်သူသာ..သစ္စာစူးပေါ့..
အရှိန်နဲ့ လင်းနေသေးသော
အာဏာရှင်ရဲ့ ဆီမီးခွက်..
ယဲ့ယဲ့ ညင်သာ..မကြာခင် ညိမ်းတဲ့အချိန်..
သင့် အမည်ယုတ်..သမိုင်းစာမျက်နှာ..
ရာသက်ပန် သေရာပါ
အဖြေ ရှာကြည့်ပါ
ဒီပွဲ .တကယ်ရှံးတာ..ဘယ်သူဘယ်ဝါ

ဘယ်သူမပြု မိမိမှု
ချောင်မှာ ငိုလည်း ရှင် အလကား
ပြည်သူ့ မေတ္တာ တန်သလား။

မသဒ္ဓါ ( ၁၁။၁၃။၂၀၁၀)

အပြည့်အစုံသို့ 

အကျဉ်းချုံး