ငုတ်သျှိုးနေသော ခြင်္သေ့၏စိတ် မျိုးချစ်စိတ်ဟူသည် မယွင်းမဖိတ်

နေ့ တိုင်း မှန်ကြည့်ရင်..
အဖေကို သတိရတယ်..
ကျမမျက်နှာက အဖေနဲ့ ချွတ်စွတ်..
အဖေ့ သမီးမှန်း လူတိုင်းသိတယ်။

ငယ်စဉ်က ကျောင်းတက်ချိန်ခေါ်ရင်
အဖေ့ကို သတိရတယ်..
ကျမနာမည်အရှေုက အဖေ့နံမည်..
ရှိပါတယ်ရှင့် ထူးတိုင်း
သမီးနားမှာ အဖေရှိတယ်။

ကျမကို မြင်ရုံ
ကျမ နာမည်ကြားရုံနဲ့
လူတော်တော်များများက သိတယ်
အော် အောင်ဆန်းရဲ့သမီးလား.
လာမေးကြတဲ့ မေးခွန်းတွေ။
ကျမ သိတတ်တဲ့ အရွယ်ကစ
ဓါတ်ပုံထဲက မြင်ရတဲ့သူ
ကျမ အဖေ ဘယ်သူလည်း။
အောင်ဆန်းဆိုတာ.
မည်သို့ သောလူပါလည်း

သူတပါးတွေ အဖေကိုယ်စီ..
ကျမ ၃ နှစ်သမီးက အဖေမရှိဖူး။
ပန်းခြံတွေထဲလက်တွဲ
ပြေးလွှားဆော့စရာ အဖေ မရှိဖူး။
ညအခါ အိပ်ယာဝင်
ပုံပြောပြမဲ့ အဖေ မရှိဖူး။
အဖေ မရှိဘဲ ကြီးပြင်းရတဲ့ သမီးဘ၀
ဘယ်သူများက နားလည်မယ်။
ရင်မှာ နာကြင် အထီးကျန်လွန်းတယ်။

အမေရေ..
အဖေ့ကို ဘာလို့ သူများသတ်တာလည်း။
မေးတဲ့အခါ..အမေက ဖြေတယ်။
“အာဇာနည်ဆိုတာ မှန်တာ လုပ်တယ်..
မကြောက်မရွံ့ နောက်မတွန့် ဖူး.
ပြည်သူ ချစ်ပေမဲ့ အာဏာရှင်က မုန်းတယ်။
ပြည်သူက လူမသတ်တတ်ဖူး..
အာဏာရှင်က လူသတ်တယ်..
သမီးဖေဖေကို လူသိန်းပေါင်းများစွာချစ်သော်လည်း..
လက်နက်ရှိတဲ့ လူရူးရဲ့ အမုန်းအတွက်..
သမီး ဖေဖေ ကျဆုံးတယ်။”

အမေ သင်ပြတဲ့ မြန်မာမှု
ပန်းပန်တာ ကျမ ကြိုက်တယ်။
ချိတ်လုံချည်ကို ချစ်တယ်။
ပင်နီအင်္ကျီ ယောထမီကို နှစ်သက်တယ်။
ဆံရစ်သိမ်းနဲ့ ယဉ်ကျေးသည်။
အမေ့သမီး အောင်ဆန်းစုကြည်

အဖေရေးခဲ့ တဲ့စာများဟာ ကျမရဲ့ အဖော်..
အဖေ့ မိန့် ခွန်းများသာ ကျမအတွက်အဆုံးအမ
အဖေ ပေးတဲ့ သွေးတစက်နဲ့ 
ကျမ ဘဝ စပါတယ်။
အောင်ဆန်းသွေးသို့ စွေးစွေးနီ..
အဖေ့ သမီး အောင်ဆန်းစုကြည်။

ကျမ သိချင်တယ်။
အောင်ဆန်းတဲ့ အဖေ
ဘာကြောင့် အသက်အသေခံ
တိုင်းပြည်ကို ဒီလောက်ချစ်ရသလည်း။
အိမ်ထောင်ရှိရက်..
တိုင်းပြည် အရေး ဘာကြောင့်
သူ အလေးပေးသလည်း။
ဘာကြောင့် သွေးခင်းတဲ့လမ်းပေါ်
လျှောက်ချင်ရသလည်း။
အဖေ မိသားစု ကို မချစ်ဖူးလား။ ချစ်သလား။
တွေးမိလေလေ..သိချင်လေလေ
ဝင်စားကြည့်ချင်တယ် အဖေ့ ရဲဝိညာဉ်
သူ့ ရင်ထဲ ဘာတွေ ရှိမလည်း။
မျိူးချစ်စိတ်ဆိုသည် ဘာကို ခေါ်ပါသလည်း။
တွေးတိုင်း အဖြေမရှိ
ပဟေဌိ ပုစ္ဆာ အဖြေညှိဆဲ..

နှစ်စဉ်တိုင်း..ဇူလိုင်လ (၁၉)ရက်
ရောက်ရာနေရာကနေ
အမေ မြန်မာပြည်ပြန်လေ့ရှိတယ်။
အမည်းရောင် ပုဝါစုံချ
အာဇာနည်ကုန်းက ချစ်လင်ကို အလေးပြုနေကျ.
အလှူအတန်း ဆွမ်းရေချမ်းလှူ
အမျှဝေ ရေစက်ချ..
အဖေကတော့ သိပါ့မလားမသိဖူး။
အမေကသာ ပါရမီဖြည့်ဖက်
မှတ်တမ်းမတင်ခဲ့တဲ့ အာဇာနည်မ အိမ်ထောင်ဖက်
ဒေါ်ခင်ကြည်မရှိ…အောင်ဆန်းဖြစ်မလာပါဖူး။

၁၉၈၈ ကျမ အသက် (၄၂)နှစ်..
တိုင်းပြည်မှာ အရေးအခင်းဖြစ်တော့
အဖေချစ်တဲ့ တိုင်းပြည်..
အဖေ ချစ်တဲ့ပြည်သူ..
ကျမ ဘာ ကူညီနိူင်မလည်း..
ကျမရဲ့ သမရိုးကျ အိမ်ထောင်သည်မဘဝ
ရုန်းကန်ထ..နိူးလာတဲ့ ခြင်္သေ့မ ပေါ့။
အဖေ မျိုးချစ်စိတ်က ကျမကို လှုပ်နိူးခဲ့တယ်။
"သမီးရေ..ထတော့ အချိန်ကျပြီ" တဲ့

ငုပ်နေတဲ့ အဖေ့ဝိညာဉ် က
အခုလေ..ကျမသွေးကြောထဲမှာ..
ကျမ ဒီလောက် စိတ်ဓါတ်ခိုင်မာတာ
ကျမကိုယ်ကျမ တောင်မသိ
အံ့သြမိတယ်..
သာမန် အိမ်ထောင်ရှင်မပေမဲ့
တိုင်းပြည်နဲ့ လူမျိူးအတွက်ကြည့်တဲ့အခါ..
လင်သားနဲ့ သားသမီးသည်..
ဘ၀၏ ဒုတိယဦးစားပေး
ဘ၀ပေး ၏ ပါရမီ..
အာဇာနည်၏ ရေစက်သည်
့ပြာဖုံးရာက ဘဝသစ်စခဲ့ပြီ..
မီးလျှံဖီးနစ်ဌက် ပျံတက် မိုးထက်ဝဠာဆီ

နှစ် ၂၀ အကျဉ်းခံလည်း.
ကျမ၏ စိတ်ဓါတ် မာန်ဝင့်ဆဲ။
နာမည်ဆိုး အပြစ်ဖွဲ့ 
သားပုပ်လေလွင့် အမှုဆင်စွဲ.
မှဲ့ တစ်စက်မထင်… ကျမ ခေါင်းမော့ဆဲ..
သမိုင်းထင်တဲ့ သတ္တိဘာမထီ.
ရာဇ၀င်ထိုးမည့် အောင်ဆန်းစုကြည်။

ချောင်းရိုးမြောင်းရိုးသာ တိမ်ကော
လူအမျိုးသည် မတိမ်ကောဖူး
ဘယ်တော့မဖွေးမဲ့ အောင်ဆန်း၏ သွေး..
မော်ကွန်းတင် ဥဒါန်းဟစ်ကြွေးတယ်။

အောင်ဆန်းမျိုးဆက် ခွပ်ဒေါင်း၏ အာဇာနည်.
ကျမ၏ အမည် အောင်ဆန်းစုကြည်
အမျိုးကို ချစ်မြတ်နိုးသည်။
သတ်မရသော အောင်ဆန်း၏ ဝိညာဉ်သည်
မြန်မာတည်သ၍ ဆက်ရှိနေမည်။

မသဒ္ဓါ ( ၇။ ၁၆။၂၀၀၉)
အာဇာနည်နေ့ သို့  အမှတ်တရ....တိုင်းပြည်ချစ်သော အဖေနဲ့  အဖေတူသမီး..အမေစုအတွက်