ဒါးမြကြီးနဲ့  သူခိုးလက်ခံ ရွာများ. ( စစ်အာဏာရှင်နဲ့ အာစီယံ )

ရှေးသရောအခါ၊..ပြည်ဗာရာ
မြင့်မြတ်သော..မင်းဗြဟ္မဒတ်
တရားမျှတစွာ။ အုပ်စိုးအပ်။

ပြည်တိုင်းအစွန် ဇနပုဒ်
“ သုခဂါမ” အမည်နဲ့  ရွာသာယာ..
ဖြောင့်မှန်ကန်တဲ့ ရွာလူကြီး
ဘုရားထီးတကာ၊ ဘိုးစိတ်ကောင်း
ရွာသားအပေါင်း..ကြည်ညိုရှာကြ
ချမ်းမြေ့ရိပ်မြုံ ရွာအလှ .ပသာဒ။

ရွာယာယာရှိ လယ်သူလယ်သား
တကယ်ဆို ဆင်းရဲနွမ်းပါး။
မိုးရွာရင်..လယ်ထဲဆင်း။
ထင်းခွေရာတောအုပ်တွင်း။
ဖယောင်းတိုင်လုပ်စရာ ပျားအုံဖွတ်။
ရေကြည်လာအောင်..ရေတွင်းတူး။
တရွာလုံး ညီညာ၊ ပျော်ရွှင်ကြည်နူး။
ရွာဦးဆီ ထုံးဖြူဖြူ နဲ့  စေတီ
ကြာမျိုးငါးမည်နဲ့ ရေကန် ပြာပြာ၊
သာယာတဲ.့ ဘုံကုသိုလ် နဲ့ သရက်ဥယျာဉ်
ရွာကလေး.သေးသေးတွင်၊
ဆင်းရဲသော်လည်း..ရောင့်ရဲ ပျော်ရွှင်။

တနေ့ မှာ ရွာကို ဒါးမြတက်၊
အကြမ်းဖက်ပြီး..ရွာသူကြီးတက်ပြု
ဆင်းရဲရွာသားကို နှိပ်စက်ကလူု၊
ကောက်ကျစ်စဉ်းလဲသူ။
ဆိုးဒါးပြဗိုလ်ကြီး၊ သူနံမည်က. ဦးညာဖြီး။

ဒါးပြ ပြီးမိုက်။ ရှိသမျှ ရွာက ဘဏ္ဍာနှိုက်
မခံနိုင်ပြန်ပြောတဲ့ ရွာသားကိုသတ်
အပြစ်မရှိအပြစ်ရှာ.ထ်ိပ်တုံးခတ်။

ရွာဇရပ်က၊ ထရံခွာရောင်း။
ထင်းခွေတောအုပ်၊ မျိုးပြုတ်ခုတ်ရောင်း။
ကြာတင့်တဲ့ ရေကန်ငယ်မှ၊.
ငါးကြင်း၊ငါးဖယ်..ငါးစိမ်းသည်ဆီပါသွား။
စိမ်းညို့ ညို့ ၊ သရက်ပင်တော။
ရှိသမျှအသီး..မျိုးကော။
ရသမျှ၊ မရ ဒဿက ချိုင်။
ရွာပိ်ုင်သမျှ၊ ဒင်းအပိ်ုင်စီး၊.
သူ့ ဒါးကြီး ပြပြပြီး။
အရှေ့ ရွာ၊ အနောက်ရွာ…ရှိသမျှလည်ရောင်း၊
ပေါချောင်ကောင်းနဲ့  မတန်တရာဈေး ။
အောက်ဈေး ဖြတ်ချရေးဘဲ
ဈေးတွက်တွေးတဲ့၊ အနီးနားက ရွာ
သူရဲ့ မိတ်ဆွေသဟာ။

ဒို့ ရွာသားတွေ၊ ငတ်ပြတ်ပိန်လှီကပ်။
ရွာမှာ ရိက္ခာပြတ်။
စပါးမရှိ တဲ့ စပါးကျီ။
ခွေးတောင် ထမင်းရည်မတိုက်နိုင်ပြီ။
ကြာမရှိ ရေခြောက်ခမ်း၊
တောအုပ်မဲ့ တောလမ်း။
အရွက်ကြဲကြဲ နဲ့ သရက်ဥယျာဉ်
ရွာသာယာ အသွင်ပျောက်၊
ဖုန်းဆိုးဘ၀ ကိုရောက်။

ရွာဦးကျောင်းက ဦးဂမ္ဘီရ
လူဆိုးတွေကို နားချ.
“လိမ်မာကြ.. လိမ်မာကြ”
ဘယ်လိုဘဲ တရားပြ
ဒိဋ္ဌိတပိုင်း နဲ့  ဒါးမြများ။
ဘုန်းကြီးကိုတောင် သတ်သွား။
သံဃာတု တဲ့၊ ခွေးပါးစပ် နတ်စကား
အမလေး ပြောတတ်ကြပါရဲ့၊
သူတို့ ကတော့ ဒါးမြသက်သက်။
ရွာကို လုယက်ကြသူ။

မင်းတရား ရွှေနားတော်ပေါက်ကြား၊
အထောက်တော် ကိုစေပါး။
ဖြစ်ကြောင်းစုံလင်၊ သံတော်ဦးတင်၊
မှန်တာကိုဘဲ ငါသိချင်။

အထောက်တော်လာ တဲ့ ထိုတခဏ၊
ဦးညာဖြီး ကြောက်ချေးပန်းရှာလှ။
ပုန်းနေတယ်။ ဖျာလိပ်ထဲက
မျက်နှာတောင်၊ သူထွက်မပြ။

ငါ့အစား..ဒါးမြလက်ထောက်
ငစဉ်းလဲ သာ။ ဆက်သွယ်ရေးဝန်ထောက်
ညာသာ ညာ..လိမ်သာလိမ်။
အရှေ့ ရွာ၊ တောင်ရွာ
အလယ်ရွာ၊ အနောက်ရွာ။
လည်ပြီးသာ၊ လာဘ် ပဏ္ဍာပို့ 
ဒီသူကြီး ကောင်းကြောင်းထောက်ခံဖို့ ။

ရွာသာယာ ထွက်ဆန်စား၊.အရှေ့ ရွာသား။
ဦးညာဖြီးပြောသမျှ၊ ခေါင်းညိမ့်ထား။
အရှေ့ ရွာမှာ ဆန်မထွက်၊
ဦးညာကြီးမရှိရင် သူတို့လည်းအသက်တွက်
ဘယ်သူသေသေ..ဒို့ မသေဖို့ အရေးကြီး
“ဒို့ က ဦးညာဖြီးမှ.. ဦးညာဖြီး..”

ထင်းမရှိရှားပါး၊ တောင်ဖက် ရွာသား၊
ဒီဒါးပြကြီးမရှိက..ဒို့ ထင်းရှာရမလွယ်၊
ကြိ်ုက်ကြိုက်၊ မကြိုက် ကြိုက်
ထင်းကြောင့်သာ မျက်နှာလိုက်
ဒို့ လည်းလေ. “ဒီသူကြီး" ဘဲကြိုက်

ပျားဖယောင်းတိုင်ရ၊ မြောက်ဖက်ကရွာ
သူတို့ လည်းအဆစ်ပါ။
ဒီ သူကြီးကိုတော့ သိပ်မကြိုက်
သို့ သော်လည်း..
သူ့ ဖယောင်းတိုင်မရှိက..ဒို့ ရွာအမှောင်တိုက်
မချိသွားဖြဲ..မရဲတရဲ
ဟေ့ ကျုပ်တို့ လည်း.."သူ" ဖို့့မဲ။

အထောက်တော် ခေါင်းကုတ်
ဒီသုခရွာ က အရှုပ်..
ကိုယ်တိုင် မြင်ခဲ့.
အချုပ်ထဲက လူတွေ.
တရားခံမမိရင်မနေ၊
တဆွေလုံး သေကျေကြောင်း၊
လဒစားနေတဲ့ ရေပေါ်ပေါ်အလောင်း။
ဘယ်လို ယုံရမလဲ၊
ဒီသူကြီးက၊ လူကြီးလူကောင်း။

အကြောင်းနဲ့ အကျိုးချင့်
မင်းဗြဟ္မဒတ် သံတော်ဆင့်
ရွာအကျိုး..သယ်ပိုးသူသာ
သူကြီးလုပ်ကြေး၊ ဒါးပြပြီး မမိုက်ကြရေး.
မဲဆန္ဒပေးတဲ့ အခါမှ
ဦးညာဖြီးရဲ့ ရှုံးဘ၀
ကျောတစ်ရာ..ရင်တစ်ရာ ကြိမ်ဒဏ်ခ။
မြိုင်ဟေမာ တောနက်အတွင်းကိုနှင်။
ဤပုံပြင်ကလေး နိဂုံးတွင်။

မသဒ္ဓါ။ (၁၁။ ၂၅။၂၀၀၇)
ဇာတ်ပေါင်းခဏ်း
မင်းဗြဟ္မဒတ် = UN အဖွဲ့ အစည်း။
“ သုခဂါမ” = မြန်မာပြည်။
ဦးညာဖြီး = စစ်အာဏာရှင်ကြီး ဦိးသန်းရွှေ
တောင်ရွာ.မြောက်ရွာ..အလယ်ရွာ = အာစီယံ အဖွဲ့ ဝင်နိုင်ငံများ