ချစ်သောကိုရင်..အမှန်မြင်လော့..နိုးထတော့

တိမ်မိလ္လာနီ..ရှေ့ ယွန်းဆီက
ရောင်နီစွန်းထင်း..အာရုဏ်ကျင်းပေါ့
မြည်ကုလားတက်..၀တ်ဦးတက်ချိန်
နိုးထခဲ့ပြီ....နေ့ သစ်ဆီ။

မြေးရေထ..ထ..ဆွမ်းချက်ကြစို့ 
လှုပ်နှိုးခဲ့ပြီ..ဖွားမြရီသည်....
မယ်ထွေးနိုးလျှင်..ဆွမ်းချက်မည်။

ကြေးစည်ရိုက်ဆော်..
ကျောင်းသားအော်သည်.
ကြွ..ဆွမ်းတော်ဗျို့ ..လောင်းကြဖို့ 

မောင်ကြီးကိုရင်.. အိနြေ္ဒဆင်၍
မျက်လွှာစုံချ..လှမ်းချင်းကြွချီ
အ်ိမ်ပေါက်ဝဆီ...ရောက်ခဲ့ပြီ။

ပြာပြာသလဲ..ဦးတော်ကုန်းချ
ဖိုးသာလှက..မြေးကိုရင်အား
လျှောက်တင်ကြားသည်..
ကိုရင်..ကျန်းခန်မာပါစ။

ဆွမ်းကွမ်းစုံလင်..ချိုချဉ်ခဲဘွယ်
လှုလောင်းလိုက်သည်.
ကိုရင့်မယ်တော်..တကာမ

ထိခြင်းငါးပါး..ဦးထိပ်ထားသည်
ဦးပြည်းရိတ်ပြီး..သင်္ကန်းဆီးသူ
ဖေ့သားလူလေး..မောင်ရွှေသွေးအား
ဖခမည်းတော်..၀မ်းမြောက်စွ

အတူကစား..ကျည်သားရိုက်ဖက်
နှမထွေးက..စကားစသည်
ဘယ်တော့ကိုရင်..လူထွက်ပါ့

ကိုရင်ငယ်ငယ်..အိမ်လွမ်းသော်ညား
ဝိနည်းများကြောင့်..ပြောမထွက်နိုင်
စိတ်အားခိုင်ဖြင့်..သာသနာ့မွေ
ရခဲလေစွ..ကိုရင်ဘ၀
နွေကျောင်းပိတ်ရက်..ဒီတလ..

ဗုဒ္ဓဘာသာ…မြန်မာမှန်က
သားယောက်ျားမွေး.. ရှင်ပြုရေးသည်
မိဘတာဝန်.. ဦိးပန်ဆင်သည်.
ဂုဏ်ယူလေစွ..မိနဲ့ ဖ..

နှစ်ကြာညောင်းစေ..ဘယ်မေ့မရ
ငယ်ဘ၀တွေ…နှမမယ်ထွေး
ရွှေပြည်ဝေးလည်း..နှမကိုရင်
ချစ်သောမောင်ကြီး..စစ်ဗိုလ်ကြီးသည်
ပြောင်းလဲဘ၀..ငရဲကျသည်.
မင်းမိန့် နာခံ..မေတ္တာမှန်သော
သံဃာသတ်ရေး..ပစ်မိန့် ပေးသည်
မယုံရင်သာ..ပုံပြင်မှတ်..

ကွေးလက်မဆန့် ..ဆန့်လက်မကွေး..
စက္ကန့် လေးတွင်..သေနိုင်သပါ့
သင်္ခါရတွင်…မယ့်ကိုရင်သည်..
ဆင်ခြင်တွေးမြင်..မရှုသလော။

သည်ဝမ်းတထွာ..သမုဒ္ဒရာသည်.
သူတော်စင်သတ်..မှုန်းချေအပ်မှ..
သင့် ဝမ်းပူဆာ..ပြေမည်လော.

ရေပွက်ပမာ..ခဏနေရ
လူဘ၀တွင်..မေတ္တာရှင်ကို
နှိပ်စက်စော်ကား..မေ့ကိုရင့်အား
နှမမယ်ထွေး..အမျှပေးတောင်.
လွတ်ရက်မရှိ..ငရဲရှိ၏
ကိုရင်..ကြည့်လှည့်မြင်တော်မူ..

မသဒ္ဓါ (၁၁။၃။၂၀၀၇)