ရိုသေထိုက်သူသာ အလေးပြုပါမည်။

ကလေးဘဝ ကျနော်
အဖေပြောတဲ့ ညအိပ်ရာဝင်ပုံပြင်
ရဲဘော်သုံးကျိပ်ရဲ့ ဂျပန် ခရီးစဉ်
စွန့် စားဝံ့စား တော်လှန်ရေးသားကောင်းများ
အသဲထဲထိ ရင်းနှီူးရတဲ့ အာဇာနည်ဘွား။
ကျနော် ဗိုလ်ချုပ်ကို လေးစားတယ်။

ကျောင်းတက်တိုင်း
ကျောင်းမှာအလေးပြု
အလံတိုင်ရှေ့ က မြန်မာ့အလံ
ကျောင်းအုပ်ဆရာကြီးတိုင်တဲ့ အသံ
“ ဗိုလ်ချုပ်အောင်ဆန်း နဲ့ တကွ ကျဆုံးလေသော
အာဇာနည်ခေါင်းဆောင်ကြီးများ အား အလေးပြု”
ဦးညွှတ် ဂါရ၀ ပြု
“ နေမြဲ ” အသံ မကြားမချင်း မလှုပ်ရဲ
ရိုသေစွာ အလေးပြုရမြဲ
ကျုပ်ရဲ့ ကျောင်းသားရက်များ..
အခုတော့ အိမ်မက်တွေ အလား..
ကျုပ်တပည့်မြေးများက
မယုံဖူးဆိုတာ အပြစ်ဆိုရမလား။

၁၉၉၃ ခုနှစ်က ကေအဲန်ယူအဖွဲ့တွေ
မြစ်ဝကျွန်းပေါ်ကို ၀င်တိုက်တဲ့အချိန်
၃ ရက်ကြာ အချုပ်ကျ
၃ နှစ်ကြာ ခံဝန်အကျယ်ချုပ်နဲ့ ဘဝ
ကျုပ် နေခဲ့ရဖူးပါတယ်။

၂၀၀၅ ခုနှစ် ဖေဖော်ဝါရီလ ၁၃ ရက်နေ့
ငယ်ဘ၀က လို ဗိုလ်ချုပ် ရဲ့ မွေးနေ့မို့ 
ကလေးတွေနဲ့အတူ သီချင်းဆို။
ကျုပ် တပည့်တွေ နဲ့ 
လွတ်လပ်ရေးကျောက်တိုင်မှာ အလေးပြု
ဒါ ရာဇ၀တ်မှုတဲ့။
အပြစ်ရှာ ၃ နှစ် ထောင်ချထား
ဗိုလ်ချုပ်ကို လေးစားတဲ့အမှုတဲ့ ဗျာ။

၂၀၀၈ ၊ မေလ ၂၇ ရက်
ဒေါ်အောင်ဆန်းစုကြည်ရဲ့ အိမ်ဘက်ကို
လမ်းလျှောက်ချီတက်မှုကြောင့် တစ်ကြိမ်။
၂၀၀၈ ဇူလိုင်လ ၁၈ ရက်
အာဇာနည်နေ့ မရောက်ခင်က တကြိမ်၊
၈-၈-၂၀၀၈ ရှစ်လေးလုံးနှစ်ပတ်လည်
အလံထူ၍ စက်ဘီးစီးလို့ တကြိမ်
၂၀၀၈ အမျိုးသားနေ့ မှာ
အချုပ်ခန်းတွင် ထိန်းသိမ်းခဲ့တာတစ်ကြိမ်။
မရေနိုင်တဲ့ ဖမ်းဆီးမှူများ အခါခါနဲ့ အကြိမ်ကြ်ိမ်။

'NO' နိုးအင်္ကျီ ၀တ်ဆင်မှု
မဲရုံ မှာ မဲလိမ်လည်မှုကို ကန့်ကွက်မှု
ဘာမှု ညာမှု။ အမြင်ကပ်တဲ့ အမှုများ
ယားတောင် တုတ်တုတ်မျှ မလှုပ်နဲ့ 
ခြေချုပ်နဲ့ တစ်နှစ်တိတိနေတဲ့။

ပုဇော်ထိုက်သူတွေ ပူဇော်
ရိုသေထိုက်သူတွေ ရိုသေ
အာဇာနည်တွေ ကျုပ်လေးစား..
စွပ်စွဲနေ ကျုပ်ကို ရူးများနေသတဲ့..
အော် သနားမိပါဘိ
စစ်ဗိုလ်များရဲ့ ရှေ့ ရေး။

၆၁ ကြိမ် မြောက်ပြီတဲ့ လွတ်လပ်ရေး
ရယ်စရာတွေ သိပ်မပြောကြပါနဲ့ 
ကျုပ်လက်တွေ မှာ နှောင်ကြိူးတွေ ရှိနေဆဲ
ကျုပ်ခြေထောက်များ သံခြေကျင်းတွေ ရှိနေဆဲ
ကျုပ်ဘယ်သွားသွား.မျက်လုံးတွေက ကြည့်နေဆဲ။
ကင်မရာတွေ ချောင်းရိုက်ဆဲ
ကြံဖွတ်တွေ အိမ်ပြင်က ရှောက်ပြန်သံပေးဆဲ။

ထိုင်ရင် ထိုင်ပြန်ပြီ
ထရင် ထပြန်ပြီ။
စက်ဘီး စီးစီးပြန်ပြီ။
အလေးပြုရင် ပြုပြန်ပြီ
သီချင်းဆို ဆိုပြန်ပြီ။
လမ်းလျှောက်လည်းလျှောက်ပြန်ပြီ။
ကလေးတွေ စာသင် သင်ပြန်ပြီ
အလံထူ ထူပြန်ပြီ။
ဘယ်မလဲလွတ်လပ်ရေး..
ဘယ်မလဲ မျှတရေး..
ဘယ်မလဲ တရားဥပဒေ
ရေးရေးလေးတောင် ထင်မနေ။

ကျုပ်တို့  မြန်မာပြည်သား
လှောင်ချိုင့်ထဲက ဌက်များ
ပုလိုင်းထဲက ငါးများ
ပတ်ကြားအက်ထဲကဖားများ
နွံနစ်နေသော နွားများ
ခြောက်သွေ့ ငတ်မွတ် ကန္ထာရသား
ဆူးကြားထဲက ဘူးသီး.
ကျုပ်တို့ ဘဝ လွတ်လပ်ရေးနဲ့ မနီး။
အဝေးကြီးကွာခြားတယ်။
ဗိုလ်ချုပ်အသက်ပေးခဲ့တဲ့
မြန်မာ့လွတ်လပ်ရေး..
နအဖ လက်ထဲကျမှ..
အာဏာရှင် အုပ်စိုးရေးတဖြစ်လဲတယ်။

ဒီမှာ ကျုပ်ကို ကြည့်
ကျုပ်က ကလေးတွေ စာပြဆရာ ဦးအောင်ဖေ။
ကျုပ်ကလေးတွေ ကို အလိမ်တွေ မသင်ဖူး။
လျှာမြက်ပေါက်ပစေ။ ဖားတာတွေ မဆိုဖူး

ဥစ္စာရင်လို ဥစ္စာရင်ခဲ။
တိုက်ရဲမှ ရမယ်။
တူတူ တွန်းမှသာ ရွေ့ မယ်။
လင်းလက်မဲ့ လွတ်လပ်ရေးရင်ပြင်..
သွေးသစ်ဆင်လော့
နိုးထလော့

မသဒ္ဓါ (၁။ ၆။၂၀၀၉)

ရန်ကုန်တိုင်း တွံတွေးမြို့တွင် ကျူရှင်ဆရာဦးအောင်ဖေ၏ မျိုးချစ်စိတ်နှင့် သတ္တိအားလေးစားစွာဂုဏ်ပြုပါသည်။ ဆရာ..ကျန်းမာပါစေ။ ဗိုလ်ချုပ်သီချင်းသံများ ကလေးများရဲ ရယ်မောသံများ။ ကျောင်းခေါင်းလောင်းသံများ တနေ့ မှာ လေ၌ တဖန်ပြန်လွင့်ပျံစေရပါစေ့မည် ဆရာ။