ဖောင်းကြွနေသော အမြင်ကပ် ပုဒ်မများ။

ရှေးအစဉ်အဆက် သာယာဝပြော
ဆန်ရေပေါတဲ့ ဒို့ ရွှေပြည်.
ခုတော့ ငတ်မွတ် သူတောင်းစားပေါသည်။

ဝန်ထမ်းတွေ ၀င်ငွေမလောက်..လာဘ်လာဘ မျက်နှာဘဲ ထောက်.
ကျောင်းသားစာသင်ရန် အချိန်မလောက်..အပြင်မှာ အမှိုက်ပုံကောက်
ဘုန်းကြီး ဆွမ်းမလောက်..ဆန်ပြုတ်သောက်
လယ်သမားလယ်ပျောက်..တပ်က လယ်မြေသိမ်းသောကြောင့်
ကျောင်းဆရာတွေ ပါးစပ်ပေါက်ပျောက်၊..ကြံဖွတ် မ၀င်မနေရသောကြောင့်။

မိန်းမတွေ ပြည်တန်ဆာဖြစ် တယောက်ပြီးတယောက်.အလုပ်မရှိသောကြောင့်။
တိုင်းရင်းသားတွေ ရွာပစ်ပြေး တောထဲရောက်၊ စစ်တပ် ဓါးမြတိုက် မုဒိန်းကျင့်သောကြောင့်။
လူအိုလူမင်းတွေ လမ်းဘေး..ပင်စင်မလောက် ခိုကိုးရာမဲ့သောကြောင့်။
စာနယ်ဇင်းသမားတွေ ထောင်ထဲရောက် .အမှန်သတင်းရေးသောကြောင့်။
ဂျာနယ်တိုက် ထုတ်ဝေခွင့်ပိတ်..ကလေးအလုပ်သမားပုံ ဖေါ်ပြမိသောကြောင့်။

ရှေ့ နေတွေ နှိပ်စက် ထောင်ချ..နိူင်ငံရေးသမား တရားခံ အမှုလိုက်ပေးခြင်းကြောင့်။
ဆွေမျိုးမှန်သမျှ နှိပ်စက် ..ဦးဂမ္ဘီရနဲ့ အမျိုးတော်သာကြောင့်။
ကလေးငယ်တွေ ဖမ်းဆီး ..စစ်ထဲဝင်လိုသူမရှိသောကြောင့်။
အနုပညာသမားမို့ ထောင်ကျ ..ဘလော့ ရေးမိခြင်း ကြောင့်။
အဆိုတော် ဂီတစာဆို ထောင်ကျ ..နိူင်ငံရေး သီချင်းဆိုသောကြောင့်။

ရုပ်ရှင်မင်းသားအား ညှင်းပမ်းထား. နာရေးကူညီမှုအသင်း ဖွဲ့ သောကြောင့်။
စေတနာ့ ၀န်ထမ်းအုပ်စုတွေကိုဆွဲ ..လူသေမြုပ်ပေးတဲ့အတွက်ကြောင့်။
လူ့အခွင့်အရေးကာကွယ် သူများအရိုက်ခံရ ..ကောင်းတာ လုပ်သောကြောင့်။
သံလက်သီးအထိုးခံရသူ..လက်သီးရှေ့ မျက်နှာလာ ထိုးခံသောကြောင့်။
မုန်တိုင်းသင့်သူများအငတ်ထား..လက်ဝါးဖြန့်တောင်းသောကြောင့်။

တသက်လုံး မကြားဘူုးတဲ့အမှု
ဘယ်တိုင်းပြည်မှ မရှိသေးတဲ့အမှု
ရှေ့ နေကိုယ်တိုင် ဘာမှုမှန်းမသိတဲ့အမှု
နအဖလက်ထက်မှ အစပြုတယ်။

နိူင်ငံတော်အကြီးအကဲကို အရိုအသေမဲ့မှု။
ရုံးတော်ကို မထီမဲ့မြင်ရာ စော်ကားမှု။
နိူင်ငံတော်ကို အကြည်အညိုပျက်စေမှု။
ဝရမ်းမပါဖမ်းဆီး. တံခါးဖွင့်ပေးရန်ပျက်ကွက်မှု။
လူရမ်းကား ကြံဖွတ်ရုံးထဲဝင်သွား ကြံဖွတ်ရုံးအားစော်ကားမှု။

အထိုးခံရသူ အားထိုးသူကစော်ကား။ အထိုးခံရမှု။
ဗိုလ်ချုပ်အောင်ဆန်းပုံ အလေးပြု ကျူရှင်ဆရာခေါင်းညွှတ်မှု။
မျက်စိပါ video ကြည့် စိန်စီသောည အခွေလက်ဝယ်မှု။
ကျောင်းသားတွေ စီတန်းလမ်းလျှောက် လမ်းပိတ်ဆို့ စေမှု။
ဘုန်းကြီးတွေ မေတ္တာသုတ်ရွတ် နအဖ နားကလောမှု။

မတရားပိုက်ဆံလုပ်အားပေး ILO ကိုတိုင်ကြားမှု။
ပုန်းအောင်းကျောင်းသူနီလာသိမ်း..ခလေးနိူ့ မတိုက်ထွက်ပြေးတဲ့အမှု
သူ့ သားက အဖေ့အိမ်နေ ၀ရမ်းပြေးလက်ခံမှု။
လူမမည်အဖေအမေ ခလေးစစ်သား ၀တ္တရားနှောက်ယှက်မှု။
လှေခပေး စီးနင်းသူ လိုက်ပို့ လှေထိုးသား NLD လှေပေါ်တင်မှု။

မိဘ၀န်ထမ်းများ ရာထူးပြုတ် နိူင်ငံရေးသားသမီးများမွေးထားမှု။
ကျောင်းဆရာများရာထူးမတက် စစ်သားထက်ပညာတတ်သောအမှု။
မူစလင်ဘာသာဝင်ထောင်ထဲထဲ့ ဘုန်းကြီးရေလှုမှု။
NLD က ကိုမြသန်းထိုက်အား သေနတ်ကျည်ဆန်ထိမှန်မှု
ကဗျာဆရာစောဝေ.အချစ်ကဗျာပဟေဠိ ရေးမိသောသောအမှု။
မုန်တိုင်းသင့်သူများအတွက် ဒီချုပ်ဝင်က ဆန်လှု အသက်ကယ်တင်မှု။

တရားဥပဒေ ကလနားမရှိ.
သောက်မြင်ကပ်သော ပုဒ်မများ..
မဟားဒယား ကိုယို့ ကားယား
နအဖ မုဒိန်းအကျင့်ခံရတဲ့မြန်မာပြည်
ဥပဒေပျောက် ထီးကျိုးစည်ပေါက်
ခွေးသေကောင်လို လင်းတအဆွဲခံနေရတဲ့မြန်မာပြည်။
ဒါ ကျမ မွေးဖွားခဲ့တဲ့ ရွှေပြည်။
ဆေးရောင်ပျက် အောက်တန်းကျခဲ့ကြပြီ။

နိုင်ငံတော်ကို ဆူပူ လှုံ့ဆော်မှု ။ နိုင်ငံတော် အကြည်ညိုပျက်စေမှု ပုဒ်မ ၅ဝ၅(ခ)၊
သာသနာကို ညိုးနွမ်းအောင် လုပ်ဆောင်မှု ပုဒ်မ ၂၉၅(က)၊
အီလက်ထရောနစ် ပုဒ်မ ၃၃(က)၊ ၃၈၊
ဗီဒီယို အက်ဥပဒေ ပုဒ်မ ၃၂(ခ)၊ ၃၆၊
မတရားအသင်းနှင့် ဆက်သွယ်မှု ၁၇၊ ၂ ၊
တရားမဝင် လူစုလူဝေးမှု ပုဒ်မ ၁၄၃၊
လူစုခွဲ ရန် ညွှန်ကြားချက် မနာခံမှု၊
ဆူပူမှုမှာ ပါဝင်စေရန်သွေးထိုးလှုံ့ဆော်မှုနှင့်
လုံခြုံရေးထိခိုက်ပျက်ပြားစေမှု ။
ဥပဒေနှင့် ဆန့်ကျင်သော အစုအဝေး၌ ပါဝင်ခြင်း ပုဒ်မ ၁၄၅
တရားမဝင် နယ်စပ်ဖြတ်ကျော်မှု။ (လဝက) အရေးပေါ် အက်ဥပဒေ ပုဒ်မ ၁၃(၁)
တရား စီရင်မှုကို အနှောင့်အယှက်ပေးသည့် ဥပဒေ ပုဒ်မ ၂၂၈
မတရားအသင်းနှင့် ဆက်သွယ်မှု ပုဒ်မ ၁၇ (၁)၊
အသင်းအဖွဲ့ဆိုင်ရာ ဥပဒေ ပုဒ်မ ၆
ဘာသာတရားကို ညိုးနွမ်းစေမှု ၂၉၅ (က)၊
ဥပဒေနှင့် မညီညွတ်သဖြင့် လူစုခွဲရာ၌ မလိုက်နာမှု ၁၄၅၊ ၁၄၇၊
ပုံနှိပ်အက်ဥပဒေ ၁၇/၂ဝ
အမျိုးသားညီလာခံအား ဆန့်ကျင် နှောင့်ယှက်သည့် ဥပဒေ ၅/၉၆၊
ရုပ်မြင်သံကြားနှင့် ဗီဒီယို ဥပဒေ ပုဒ်မ ၃၂ (ခ)/၃၆၊
အီလက်ထရောနစ်ပစ္စည်း ကိုင်တွယ်မှု ဥပဒေ ၃၃ (က)/၃၈
အရေးပေါ် စီမံချက် အက်ဥပဒေ ပုဒ်မ ၅ (ည)
ပုံနှိပ်ဖြန့်ဝေ ၁၇(၁၀)၊ ပုဒ်မ ၄၂၀
နိုင်ငံခြားငွေ လဲလှယ်မှု ပုဒ်မ ၂၄
လိမ်လည်မှု (ပုဒ်မ ၄၂၀)
အခြားနိုင်ငံများအား အသရေပျက်စေမှု ပုဒ်မ ၁၃၀(ခ)
နိုင်ငံတော် အကြည်ညိုပျက်စေမှု ပုဒ်မ ၁၂၄(က)၊
ဘလာ ဘလာ..ဥာဏ်ဆင်ပုဒ်မများ.

လှုပ်မယ်မကြံနဲ့။
ကိုလိုနီခေတ် သခင်ပေါက်စက ထောင် (၆)လ
နအဖခေတ် ၈၈ ကျောင်းသားဘဝ ထောင်ကျ (၆၅)နှစ်
ငွေကြေးတင် ဖောင်းပွတာမဟုတ်
ထောင်ချနှစ်လည်း တဖြေးဖြေးဖောင်းပွလာတယ်။
သန်းရွှေကျမှ ထောင် လေးသင်္ချေချရမယ်။

တရားမ၀င်အစိုးရ ရဲ့ တရားမ၀င်တဲ့ ဥပဒေ
လက်ညှိုးညွှန်ရာ ရေဖြစ်မယ်ထင်သလား။
ဖိလွန်းရင်ကြွ..ထိလွန်းရင်ပြန်ချမယ်။
တရားဥပဒေ ဒို့ ဘက်မှာ အမြဲရှိတယ်။

မသဒ္ဓါ (၁၁။၁၂။၂၀၀၈)