ရေကြည်လေးတပေါက်..သောက်ပါရစေ။

ရေ..
အေးမြကြည်လင်..အမောပြေမဲ့ရေ..
နွေးထွေးပူလောင်..အအေးဖြေမဲ့ရေ..
ရေပူရေအေး..ရေငွေ့ ရေခဲ..
ဘာပုံ သဏ္ဍာန်ဘဲဖြစ်ဖြစ်..
ရေဓါတ် ၅၅% မှ ၇၅% နဲ့ ဖွဲ့ စည်း လူသား၏ ခန္ဓာအတွက်
ခန္ဓာကိုယ်အတွက် လိုအပ်တဲ့အစိုဓါတ်..
မရှိ်မဖြစ် လိုအပ်တယ်။

ဟိုက်ဒရိုရှင် နှစ်ဆ..အောက်ဆီဂျင်တစ်ဆ..
ပေါင်းစပ်ကြတဲ့အခါ..
အရောင်မဲ့..အနံ့ အရသာမဲ့..
PH ဆဲဗင်း..H2O ဘ၀..
ကြည်လင် စွတ်စိုတဲ့ရေ..
မိုးပေါ်ကကျ..မြေအောက်မှရ.
စီးဆင်းမြစ် စမ်းချောင်းရေ
သက်ရှင်ရန် အလိုအပ်ဆုံး..ဇီဝရင်းမြစ်..
သူသာလျှင်..ဖြစ်တယ်။

ထမင်းအသက်က ခုနှစ်ရက်..
ရေအသက်က တမနက်..
လူတဦးရဲ့ တနေ့ တာ လိုအပ်ရေက တစ်ဂါလန်ဝက်
မနက်ဖြန် အတွက် အသက်ဆက် စရာ။

ရေဆိုတာ တပိဿာရှိရင် သန့်တယ် ဆိုရိုးရှိပေမဲ့
ကြည်လင်သော ရေတပေါက်..
ရော့အင့် သောက်ဖို့ ပေးသော်လည်း..
မြစ်ချောင်း ရွှေရှာ..ပြဒါးသင့်တဲ့ရေ
စိန်အဆိပ်သင့် ပျော်ဝင်နေတဲ့ရေ..
နာဂစ် ဆားငန်သင့်..နုန်းရေနောက်ရေ..
ရေအောက်မြေလွှာညစ်..စမ်းပေါက်ရေ.
ခဲအဆိပ်သင့် မိလ္လာညစ်တဲ့ရေ..
အမှိုက်ပုံတွေကြား စီးမြောလာတဲ့ရေ
မြစ်ချောင်းကန်ရေ..ဆည်ရေ.တွင်းရေ.
သောက်သုံးသူ အဆိပ်သင့်
ဘက်တီးရီးယား.မှိုကပ်ပါး ဗိုင်းရပ်
ထုံးကျောက်၊စိန်၊ ခဲ ၊ benzene ဓါတ်ကဲ
Cryptosporidium parvum
အထက်လန် အောက်လျှော၊ ဝမ်းပျက်ဝမ်းကိုက်
အူယောင်ငန်းဖျား တိုက်ဖွိုက်.
အသည်းယောင် A အသားဝါရောဂါ
ကိုယ်တွင်းအင်္ဂါ ကင်ဆာ..ဖောယောင်နာ
ကမ္ဘာပေါ် ၁၅ စက္ကန့် လျှင် ကလေးတယောက်သေနှုံး..
မြန်မာ့ကလေးငယ်တသိန်းကျော် နှစ်စဉ်သေဆုံး..
ကာကွယ်.ကုသပေးသင့်သော ဤအရာ..
အဆိပ်သင့်ရေ၏ ပြဿနာ။
စင်ကြယ်၊ လျှင်မြန်ခြင်း
ကျော်စောခြင်း၊ မွတ်သိပ်ခြင်းမှ ကင်းရှင်း
အခြံအရံများမည်၊ အသက်လည်းရှည်
အဆင်းသဏ္ဍာန်လှ၊ ခွန်အားကြီးမားစွ
ဥာဏ်ပညာတံခွန်ထူ၊ ဥစ္စာချမ်းသာကြွယ်ဝမဲ့သူ
ဤဆယ်ပါးသောရေ၏ အကျိုး
မပန်သော်လည်း..လှူသူတန်ခိုး။
ကိုယ့်အမျိုးကို ကိုယ်ကာကွယ်ကြ..
ရေကို သန့် စင်ကြိုချက်ကြ
ရေညစ်ရေကန် သန့် ရှင်းကြ
မိုးရေချိုသန့်  သိုလှောင်ကြ
မိလ္လာစံနစ်ကျ စွန့် ပစ်ကြ
ကြည်လင်လှပသော်ညား.အဆိပ်ပျော်ဝင်နေတဲ့ရေ..
တနည်းအားဖြင့်..
လက်ပစ်ဗုံးစနက်တန်ဖြုတ် ကိုင်ထားရသူတွေ..
ဒါ ကျမတိ်ု့  သားချင်းတွေ..

အမိမြေအတွက်..ရေသန့် တပေါက်..
ရေတွင်း ရေကန် ဆောက်.
ရေဆာလောင် ငိုကြွေးသူသို့
ကြင်နာသနား.. စေတနာနဲ့ 
ရေလေးတစ်ပေါက်လောက်.သင်လှူလိုပါသလား.

ညောင်ညိုပင်ရိပ်က
ရေချမ်းစင် မြန်မာရိုးရာ ယဉ်ကျေးမှု..
မပပျောက်..အသင် စောင့်ရှောက်ပါစေချင်
အကျိုးမျှော်၍ နှိုးဆော်လိုက်ပါတယ်ရှင်။

မသဒ္ဓါ (၄။၇။၂၀၁၀)
(ရှေးဟောင်းဓါတ်ပုံကို...http://dhammaganga.blogspot.com/2009_10_01_archive.html မှ ရယူပါတယ်။ ကျေးဇူးပါ။ )

ဒေသ တချို့မှာ ရေရှည် သောက်ရင် အဆိပ်သင့် နိုင်တဲ့ ရေ တွေ့ရှိ

ဧရာဝတီ တိုင်းနဲ့ ပဲခူးတိုင်းက ဒေသ တချို့ရဲ့ လက်တူး ရေတွင်းက ထွက်လာတဲ့ ရေတွေမှာ ရေရှည် သောက်ရင် အဆိပ်သင့် စေနိုင်မယ့် အာဆင်းနစ် (Arsenic) ဒြပ် သတ္တု ပစ္စည်း ပါဝင်မှု များ နေတာ တွေ့ရတယ်လို့ လုပ်ငန်းခွင် ကျန်းမာရေး ဌာနက သိရ ပါတယ်။ ဧရာဝတီတိုင်း မြောက် ဘက်ခြမ်းက ဟင်္သာတ၊ ကျုံပျော်၊ ဇလွန်၊ သာပေါင်း၊ ပန်းတနော် နဲ့ ပဲခူးတိုင်းက ဝေါ၊ ဒိုက်ဦး၊ ညောင်လေးပင်၊ ကျော်တံခါး၊ ဖြူးစတဲ့ မြို့နယ် တွေမှာ တွေ့ရ တာပါ။ သည် မြို့နယ်တွေ ထဲက အာဆင်းနစ် ပါဝင်မှု များတဲ့ ရေကို သောက်နေတဲ့ လူပေါင်း ၂၁,၅၄၆ ဦးကို စစ်ဆေးတဲ့ အခါ အဆိပ်သင့် နေတယ်လို့ သံသယ ဖြစ်ဖွယ် လူနာ ခုနစ်ဦး တွေ့ရ တယ်လို့ မတ်လ ၁၇ ရက်နေ့က ပြု လုပ်တဲ့ ကမ္ဘာ့ရေ သယံ ဇာတနေ့ အကြို ပွဲမှာ လုပ်ငန်းခွင့် ကျန်းမာရေး ဌာန၊ ဒုတိယ ညွှန်ကြားရေးမှူး ဒေါက်တာ သန်းထွဋ်က ပြောပါတယ်။

အာဆင်းနစ်ပါတဲ့ ရေသောက်မိပြီး အဆိပ်သင့် ခံရ တယ်လို့ ဖြစ်နိုင်ဖွယ် ရှိတဲ့လူ၊ ရေရှည် သောက်မိပြီး အဆိပ်သင့် နေပြီလို့ သံသယ ဖြစ်ဖွယ်ကောင်း တဲ့လူနဲ့ သေချာပေါက် အဆိပ်သင့် နေတဲ့ လူဆိုပြီး ကမ္ဘာ့ ကျန်းမာရေး အဖွဲ့က အဆင့် သုံးဆင့် ခွဲပြီး သတ်မှတ်တယ်။ သတ်မှတ်ချက် အရ မြန်မာ နိုင်ငံမှာ တွေ့ရှိထားတဲ့ လူခုနစ်ဦး ထဲက နှစ်ဦးသာ အဆိပ်သင့် ခံရတဲ့ လူနာ အဖြစ် သတ်မှတ် ခံရတယ်လို့ ဆိုပါတယ်။ အာဆင်းနစ် ပါဝင်မှု များတဲ့ ရေကို ရေရှည် သောက်မိရင် ပထမဆုံး အရေပြားပေါ်မှာ ညှင်းနဲ့ ဆင်တူတဲ့ မှိုပွင့်တွေ ထွက်လာတယ်။ နောက်ပိုင်း လက်ဖ၀ါး၊ ခြေဖ၀ါးမှာ အသားမာတက် ထူပိန်း လာတဲ့ အဆင့်ကနေ နောက်ဆုံး ကိုယ်တွင်း အင်္ဂါ ကလီစာ မှာ ကင်ဆာ ဖြစ်တဲ့ ဝေဒနာ ခံစားရတယ်လို့ ဒေါက်တာ သန်းထွဋ်က ပြောပါတယ်။

နုန်းတင် မြေနု မြေအောက်လွှာ ပေါ်မှာ အခြေပြု ထားတဲ့မြို့(ဥပမာ မြစ်ဝ ကျွန်းပေါ် လိုဒေသ) ဧရိယာ နဲ့ မြစ်ဝှမ်း ဒေသတွေ၊ မြစ်၊ ချောင်း၊ အင်းအိုင် တွေရဲ့ ဘေးက မြေပြန့် လွင်ပြင် ဒေသတွေ စတဲ့ နေရာ မျိုးတွေက သောက်သုံးရေ (အ၀ီစိ ရေတွင်းက ထွက်လာတဲ့ရေ) ထဲမှာ အာဆင်းနစ် ပါဝင်နှုန်း များနိုင် တယ်လို့ ဆိုပါတယ်။ လွန်ခဲ့တဲ့ အနှစ် ၄၀ ခန့်က မြစ်ရေ၊ ချောင်းရေ၊ ကန်ရေ မသောက်ဖို့ ပညာပေး တားမြစ်တယ်။ အကာ အကွယ် မဲ့တာ၊ အညစ် အကြေး စွန့်ပစ်တာ တွေကြောင့် အထက်လန် အောက်လျှော၊ ၀မ်းလျှော၊ ၀မ်းပျက်နဲ့ အူရောင် ငန်းဖျား ရောဂါတွေ ဖြစ်နိုင် တာမို့ တားတာပါ။

မြေအောက်က ရေက သန့်လို့ ထုတ်သုံးဖို့ သက်ဆိုင်ရာက ပညာ ပေးတယ်။ သည်နောက်ပိုင်း မြေအောက် ရေထဲမှာ မြေအောင်း နေတဲ့ နှစ်ချို့သတ္တုဓာတ် တွေပါလာပြီး အာဆင်းနစ် အဆိပ်သင့် တာတွေ ဖြစ်လာ ရတယ်လို့ ဒေါက်တာ သန်းထွဋ်က ပြောပါတယ်။ အာဆင်းနစ် ပါဝင်မှုများတဲ့ ရေကို ရေချိုး၊ အ၀တ်လျှော်၊ ဆေးကြောနိုင်ပြီး ကျိုချက်သောက်တာ၊ ထမင်းဟင်းချက်တဲ့ အထဲမှာ သုံးတာ တွေက လူကို အဆိပ်သင့် နိုင်ပါတယ်။

အာဆင်းနစ် ပါတဲ့ ရေကို ၄၈ နာရီ ည သိပ်ပြီး အပေါ် တစ်ဝက် သောက်ရေ အဖြစ် သုံး နိုင်တယ်လို့ ဆိုပါတယ်။ လုပ်ငန်းခွင် ကျန်းမာရေး ဌာနက တိုင်းနဲ့ ပြည်နယ် ၁၂ ခု၊ မြို့နယ် ပေါင်းများစွာ ကွင်းဆင်းပြီး သောက်သုံး ရေထဲမှာ အာဆင်းနစ်ပါ၊ မပါ စစ်ဆေး ပေးနတယ်။ သောက်ရေထဲမှာ အာဆင်းနစ် ပါဝင်မှု များတဲ့ ရွာတွေ၊ ရေအရင်း အမြစ်တွေ တွေ့ရင်သည် ရေကို ဒသခံ ပြည်သူတွေ ဆက် မသောက်ဖို့ အသိ ပေးတယ်။ သည်နောက်ပိုင်း အာဆင်း နစ်မပါတဲ့ သောက်သုံး ရေရအောင် သက်ဆိုင်ရာ အဖွဲ့ တွေနဲ့ ညှိနှိုင်း ဆောင်ရွက် ပေးတယ်လို့ သိ ရတယ်။

ကွင်းဆင်း စစ်ဆေး ထားတဲ့ မြို့နယ်ပေါင်း ၆၁ မြို့နယ်ရှိပြီး မကြာခင်မှာ နောက်ငါး မြို့နယ် (စဥ့်ကန်၊ မြစ်သား၊ အူမဲ၊ သတက်ဦး နဲ့ မြောင်းစသည့်) ထက်တိုး စစ်မှာပါ။ ရွာနဲ့ ရပ်ကွက်ပေါင်း ၇၃၀၀ ကျော် စစ်ဆေး ထားပြီး စမ်းသပ် ထားတဲ့ ရေ နမူနာပေါင်း (ဂါလန် မဟုတ်ပါ) ၂၃၆၄၂၃ ရှိပြီ ဖြစ်တယ်လို့ လုပ်ငန်းခွငလုပ်ငန်းခွင့် ကျန်းမာရေး ဌာနမှ သိရကြောင်း ၂၀၁၀ ခုနှစ် မတ်လ ၂၆ရက်နေ့ထုတ် မော်ဒန် သတင်း ဂျာနယ်တွင် ဖော်ပြ ထားသည်။
http://www.nfacforburma.info/2010/03/26032010_640.html

သောက်သုံးရေ ရှားပါးမှုအတွက် ရေရှည် အဖြေရှာရန်လို
ဆလိုင်းပီပီး | စနေနေ့၊ မေလ ၀၂ ရက် ၂၀၀၉ ခုနှစ် ၁၁ နာရီ ၃၇ မိနစ် .

နယူးဒေလီ (မဇ္ဈိမ)။ ။ လတ်တလော သောက်ရေရှားပါးမှု ပြဿနာသည် နာဂစ် ဆိုင်ကလုံးမုန်တိုင်း ဒဏ်ခံခဲ့ရသော မြန်မာပြည် မြစ်ဝကျွန်းပေါ် ဒေသများတွင် အရေးတကြီး အာရုံစိုက် ဖြေရှင်းရမည့် အဓိက စိန်ခေါ်မှုတရပ် ဖြစ်သည်ဟု ကယ်ဆယ်ရေး လုပ်သားများက ပြောသည်။

“ဧရာဝတီ မြစ်ဝကျွန်းပေါ်ဒေသက ပင်လယ်နဲ့နီးတဲ့ ဒေသတချို့မှာ ကြုံနေရတဲ့ သောက်ရေရှားပါးမှုကို ချက်ချင်းဖြေရှင်းဘို့ လိုတယ်” ဟု မြန်မာ ကယ်ဆယ်ရေး လုပ်သားတဦးက မဇ္ဈိမကို ပြောသည်။

ယမန်နှစ် မေလ ၂ ရက်နှင့် ၃ ရက်နေ့များက တိုက်ခတ်ခဲ့သော နာဂစ် ဆိုင်ကလုံးမုန်တိုင်းကြောင့် မြန်မာနိုင်ငံ ဧရာဝတီ မြစ်ဝကျွန်းပေါ်ဒေသရှိ နေရာအများအပြား ဆားငံရေ ဖုံးလွှမ်းသွားခဲ့သည်။ ဤမုန်တိုင်းကြောင့် လူပေါင်း ၁၄၀၀၀၀ သေဆုံးခဲ့ပြီး၊ လူပေါင်း ၂.၄ သန်းခန့် အပြင်းအထန် မုန်တိုင်းဒဏ် ခံခဲ့ရသည်။

ဆိုင်ကလုံးမုန်တိုင်း တိုက်ခတ်ပြီးသည့်အခါ သောက်ရေရရှိရာ ရေအရင်းအမြစ်များဖြစ်သော ရေတွင်းရေကန်များတွင် တင်ကျန်ခဲ့သော အပျက်အစီးများကို ကောင်းစွာ မဖယ်ရှားရသေးဘဲ အဆိုပါ ရေကန်များမှာ ဆားငံရေများ ဝင်ရောက်ခြင်းလည်း ခံခဲ့ရသည်။

“ဒီလို အကျိုးဆက်တွေကြောင့် ဧရာဝတီတိုင်းက ပင်လယ်နဲ့ နီးတဲ့ဒေသတွေမှာ လတ်တလော သောက်သုံးရေ ပြတ်လပ်မှုနဲ့ ကြုံနေရတယ်” ဟု မြန်မာကယ်ဆယ်ရေး လုပ်သားက ပြောသည်။

အဆိုးဝါးဆုံး ရင်ဆိုင်နေရသော ဒေသများမှာ ဧရာဝတီ မြစ်ဝကျွန်းပေါ်တောင်ပိုင်း လပွတ္တာမြို့နယ်ရှိ ပြင်ခရိုင်ကျေးရွာ အုပ်စုအတွင်းမှ ကျေးရွာများ ဖြစ်သည်။

ဤသောက်ရေ ရှားပါးမှု ပြဿနာ စိန်ခေါ်မှုသည် ခြောက်သွေ့ရာသီတွင် ပိုဆိုးလာသည်ဟု World Vision Asia Pacific အဖွဲ့၏ ဒေသဆိုင်ရာ ဆက်သွယ်ရေး အကြံပေးအရာရှိ ဂျိမ်းအိစ် (James East) ကလည်း ဤအတာအတွင်း ပြောဆိုလိုက်ပါသည်။

“မုန်တိုင်း တိုက်ပြီးတဲ့အခါ ချက်ချင်း ရင်ဆိုင်ရတဲ့ စိန်ခေါ်မှုကြီးက ရေမလုံလောက်တဲ့ ကိစ္စဘဲ၊ ခု ခြောက်သွေ့ရာသီမှာ ပိုတောင်ဆိုးလာတယ်” ဟု James East က မဇ္ဈိမကို ပြောသည်။

World Vision အပါအဝင် နိုင်ငံတကာအန်ဂျီအို (INGOs) များက မုန်တိုင်းဒဏ်ခံ ဒေသများရှိ ဒုက္ခဒဏ်ခံနိုင်စွမ်း အားမရှိသော ကျေးရွာသားများကို သောက်ရေ တိုးတက်ရရှိရေးအတွက် အကူအညီများ ပေးအပ်ခဲ့သည်ဟု ဂျိမ်းစ် က ပြောသည်။

“ရေကန်တွေထဲက အပျက်အစီး အမှိုက်သရိုက်တွေ ရှင်းပေးတယ်၊ ရေသန့်စက်တွေ တပ်ပေးတယ်၊ မိလ္လာစနစ်တွေ လုပ်ပေးတယ်၊ ကျန်းမာရေး သန့်ရှင်းရေးနဲ့ ပတ်သက်တဲ့ သင်တန်းတွေကို World Visioin လို အန်ဂျီအိုတွေက ပေးတယ်၊ ဒါတွေလုပ်ပေးလို့ ရေရရှိမှု ပိုလာတယ်” ဟု James East က ပြောသည်။

အခြား ဒေသခံကယ်ဆယ်ရေး လုပ်သားတဦးကလည်း သူတို့အနေနှင့်လည်း ရေသန့်ဘူးများ ဝေပေးခြင်း၊ ပြည်တွင်းဖြစ် စဉ့်အိုးလို ပလပ်စတစ် ရေပုံးလို ရေသိုလှောင်နိုင်သော ပစ္စည်းများပေးခြင်း၊ စသည်တို့ကို ဆောင်ရွက်ပေးခဲ့ကြောင်း၊ ထို့ကြောင့် လာမည့် မိုးရာသီတွင် သောက်ရေများ သိုလှောင်ထားနိုင်မည် ဖြစ်ကြောင်း ပြောသည်။

“သောက်ရေဝေပေးတာက ၂ ရက် ၃ ရက်ဘဲခံမှာ။ သောက်ရေနဲ့ တခြား ကူညီနိုင်င်တာတွေ ကူညီနေတာက ပြဿနာကို ခုလောလောဆယ်ဘဲ ဖြေရှင်းပေးနိုင်တာ” ဟု သူက ဆက်လက် ပြောကြားသည်။

ခြောက်သွေ့ရာသီတွင် သောက်ရေ ရှားပါးမှု ပြဿနာကို ကာကွယ်နိုင်ရန် ရေရှည် အဖြေတရပ် လိုအပ်နေကြောင်း ဖြင့် World Visioin မှ James East က ပြောပါသည်။ “ခြောက်သွေ့ရာသီမှာ ရေပြတ်လပ်မှုကို ရှောင်ရှားနိုင်ဘို့အတွက် ရေရှည် ဖြေရှင်းနည်းတွေဖြစ်တဲ့ ရေသန့်တဲ့ရေစစ်တွေ မိသားစုတွေကို ပေးတာ၊ သင့်တော်တဲ့ နေရာတွေမှာ ရေတွင်းတွေ တူးပေးတာ ဆိုတာတွေက အရေးကြီးတယ်” ဟု သူက ဆက်လက် ပြောဆိုခဲ့သည်။
http://www.mizzimaburmese.com/special/1year-after-nargis/2874-2009-05-02-05-20-57.html